,

,


مرحبا


لو نظرنا للموضوع من زاويه

ان بشار الأسد

قدر يتعامل مع الثوره الشعبيه في بدايتها ( بالبطش ) والشبيحه

فكرناه بيسقط وما سقط

دائره المخابرات والفرق بالجيش ساندته وما تفكك الجيش وكان مساند له في الظروف الصعبه

وقدر يلعب ويتعامل مع ( داعش ) انها فصيل من فصايل القاعده وكسب الاتحاد الأوربي معاه للقضاء على هذه الفصائل
وتدخل أمريكا أيضا للقضاء على الفصايل الاسلاميه

فكرناه بيسقط وما سقط وتجاوز هذي الفتره

الدول العربيه والخليجيه اشتغلت ضده بالجامعه العربيه وتم طرد الممثل ماله من الدول العربيه

فكرناه بيسقط وما سقط

استخدم ايران وحزب الله ودخلهم سوريا وخلط الأوراق من جديد

وصمد

وقدر ( بالمصالح مع روسيا ) يكسب حليف ثاني اكبر قوه بالعالم ودخلوا الروس معاه بقوه

وصمد

الان بعض الدول العربيه رجعت ( تتصالح ) معاه

وبعض الدول الخليجيه رجعت تتصالح معاه وتسانده


هل هو ( ذكي ) وعرف يتعامل ويخلط الأوراق ويبيع ( بلده ) على دول أخرى من اجل الكرسي

او هي لغه المصالح ؟؟؟


ليش هو صمد كل هذي السنوات من 2011 الى اليوم نتكلم عن 9 سنوات

!!


من يقدر يزيحه الان اذا ( روسيا ) تبيه يكون حاكم ؟؟

هل أمريكا تبي تزيحه ؟؟ حقيقه او تلعب على المصالح

هل وجود أمريكا مجرد التصدي ( للمد الروسي ) والمد الإيراني ؟؟؟


هل إسرائيل الان تبي ( تحافظ على الأسد ) لانه يحمي مصالحها على الحدود

لان حدود إسرائيل امنه جدا من ناحيه الجولان حتى بعد 9 سنوات حرب
الحدود امنه جدا
وهذا شي مستغرب

ليه الجماعات الاسلاميه ما قربت حدود إسرائيل و هذي المنطقه نهائيا !!!!!!



الحقيقه ان الموضوع اصبح فيه لاعبين كبار جدا
واللاعبين الكبار متفقين فيما بينهم في بعض الخطوط العريضه ومختلفين على بعض النقاط

مثل الاكرد
ومثل البترول ومثل القواعد الروسيه
ومثل عدم امتلاك حزب الله اسلحه متطوره
عدم تشكل جماعات اسلاميه لها ثقل

والباقي متفق عليه ان الوضع يتم وضع ( استنزاف ) مستمر بوجود الأسد


هذا الي واضح بعد مرور 9 سنوات طاحنه بين مد وجزر

والأسد باقي



,

,