المشاركة الأصلية كتبت بواسطة يمامـة
بشكل عام..
لليوم مب قادرة اقتنع اشلون في يوم وليلة بشار الاسد صار
حاكم مب زين ويطالبون باسقاطه!!
للعلم ان اللي سواه بشار في سوريا من اصلاحات
يشهد له التاريخ قياسا مع فترة حكم الاسد ابوه..
ولكن احقاقا للحق .. بشار مجرم حرب
لقتله لشعبه .. ولكن أي حاكم ثاني في اي دولة ثانية
اشلون ممكن يتعامل مع ناس يبون يجلعونه
هو وحزبه المدعومين من دول لها ثقلها من حكم الدولة؟!!
خلونا نضرب اقرب مثال
السعودية اليوم اللي ينتقد الترفيه وبشخصيته
واسمه الحقيقي في موقع للتواصل الاجتماعي
يختفي ولا يبان!
او في كل دول الخليج محد يقدر ينتقد الحاكم
بشكل مباشر لاصداره قانون معين..
تلقون الانتقاد للقانون نفسه او الوزير او الحكومة
طيب من اللي وافق على اصدار هالقانون واصدره؟
الحاكم...
طيب ليش يتوراون خلف الحكومة علشان يتجنبون
توجيه اللوم للحاكم؟
لان بكل بساطة غير مسموح توجيه انتقاد للحاكم
بينما في سوريا تمت المطالبة بخلع وعزل الحاكم..
لنتخيل نفس الموقف يحدث عندنا في دول الخليج
ولنضرب البحرين كمثال لانها دولة صارت فيها مظاهرات
تطالب بنوع من الحقوق و اسقاط الحكم لال خليفة
شلي حصل؟
تدخل درع الخليج "قوات من كل دول الخليج" بكل قوته لفض التجمهر..
وانفض التجمهر .. لكن لو ما انفض والدائرة كبرت
اشلون كانوا بيتصرفون ضد المتجمهرين؟
فارجع و اقول
احنا في دول المواطن ماله راي .. وان سمح له يقول رايه
الحكومات تتبع معانا اسلوب " دعهم يقولوا ما يريدون ونفعل ما نريد"..
فبشار قتل شعبه وهناك شعوب عربية تقتل وامريكا مستفيدة..
لذلك قانون قيصر اليوم انصدر مب حبا في الشعب السوري
قد ماهو كناية بروسيا وكسر شوكتها في سوريا..
وكل شي يصدر من امريكا ماهو الا تحقبق لمصالحها..
يعني الشعب السوري اغلى من الشعب اليمني؟
اللي السعودية والامارات طايحين فيهم تذبح وخلوهم
تحت سقف الفقر؟
وهل الشعب السوري اغلى من الشعب الليبي
اللي حفتر المدعوم من دول حلف الفجار انقلب
على الشرعية مهما كانت مسبباته وقاعد يقتل في الناس؟
وحتى لو قلنا حفتر صح..
فهل الليبيين اللي يموتون بسبب القتال في هالدولة
رخاص مقارنة مع غلاء الشعب السوري في قلب امريكا؟
ليش امريكا ما وقفت ضد حكومة الوفاق دام ان حفتر صح؟
وليش ماوقفت مع حكومة الوفاق دام ان حفتر غلط؟
ليش ما فرضت عقوبات على الطرف اللي هي تشوفه غلط؟
اليوم ما عدت اسمح لنفسي تتلاعب امريكا بعقلي
واعتبرها كذابة وستين كذابة حتى لو كان لها يد طولا
في رفع الحصار عنا وتحرير فلسطين..
امريكا كدولة عندها خطط مرسومة ينفذها الحكام..
فلا ترامب غبي لما ينقل سفارته الى القدس
ولا هو بغبي لما يهزئ في الملك سلمان ولا هو بغبي
لما يمدح اميرنا ويقول عنه رجل يحبه شعبه..
ترامب يأدي الدور المطلوب منه حسب الكركتر المرسوم له
المتوافق مع طبيعة شخصيته..
مثل ما ادى اوباما دوره حسب طبيعة شخصيته
ونفس الشي لكل الرؤوساء..
في عالم لعبة الشطرنج في شي اسمه تضحيات
مرات الواحد يضحي بالوزير مقابل جندي علشان يقضي
على الملك..
وهذا اللي حاصل في قرارات رؤوساء امريكا..
واحد يقدم تنازلات والثاني يرضخ بالتنازلات
وفي الاخير كل يأدي دوره لتنفيذ اجندة خاصة فيهم..
واحنا نركض وراهم وننفذ لهم كل شي يبونه
طمعا في كسب رضاهم والحصول على اعجابهم...
وبالشكل هذا نبتعد عن ديننا ونخسر قوتنا في الدنيا
ونضعف جدامهم فتكون السيطرة لهم..
الحين اشرايكم في التحليل
هل تحسون صرت افهم شي في هالدنيا؟