توقعات شهر ######### يوليو2020##########

[qatar 86]

كم متوسطك بو عبدالله

[كنغ المضاربة]

عاد سهم المناعي كلش ما بلعته مع إن الشركة جيدة وشغلها زين

بوعبدالله مشكلتها الخساير الي اعلنتها هي الي خسفت بسعر السهم من سعر 7.00 و 8.00 و9.00 تعرف انها كانت تنافس سعر صناعات بيوم من الايام وسعرها 12.00 لو رجعت الشركة للربحية بتعدل امورها بس اذا استمرت بالخساير الله يعين ملاكها عني للامانه ماملك فيها ارباح الاسلامية القابضة تذكرني بالمثل فوحنا الماي وطار الديج

[بن الخطاب]

أرباح الربع الأول للاسلامية القابضة 276 الف ريال وارتفع السهم اليوم التالي وشاهدنا ارتفاع السهم خلال الفترة الماضية ارتفاع جنوني وتغيير الاسم الي إنماء ودخول محافظ قوية في السهم ومازالت من الاسهم النقية المحببة للجميع واعلان النصف الأول بتجاوز ارباح 2 مليون ريال فبالتالي اتوقع السهم لمت اب غداً والله اعلم
والله لا املك سهم واحد فيه ولكن ابارك لمن صبر علي السهم كنت أملك السهم وتم بيعه أثناء ازمه كرونا وخسارتي باكثر من 20ظھ من رأس المال باعتقادي بأزمة اقتصادية عندما شاهدت السوق كله لمت داون وخسارة السوق باكثر من 800 نقطة في يوم واحد وأن شاء الله الفترة القادمة افضل اشوف السوق فيه خير ما بعد التصحيح

[كنغ المضاربة]

2500 مني لك اذا إرتفع السهم بكرة

بوعبدالله خلنا من المناعي الحين بعد حد يشوفنا نتكلم عنه ويروح يشتري شرايك ها ازيد المبلغ مع بوجبر من عندي ولا اشوف ما اغامر

[بوعليان]

تقريباً 1% ولا شيء أتوقع الدكان الصغير اللي في فريجنا يجيب أكثر بوايد .. بس لي فترة طويلة متعلق في السهم ومراهن على جنونه .. تعلقي بكمية تعادل 7% من المحفظة تقريباً ومراهن على قفزاته الغير متوقعة ومنتظرها .. يذكرني بالنمر اللي يقفز في صورتك التعريفية يا بو عليان

👿😭🤣 عجل ابشر بقفزه ماتقل عن 30 % باذن الله ولاتستبعد التدبيله

[مضارب متعور]

أفصحت شركة انماء القابضة عن بياناتها المالية المراجعة للفترة المنتهية في 30/06/2020، حيث بلغ صافي الربح 2.46 مليون ريال قطري مقابل صافي الخسارة (162,571) الف ريال قطري لنفس الفترة من العام الذي سبقه.

كما بلغ العائد على السهم 0.044 ريال قطري في النصف الأول من العام 2020 مقابل خسارة السهم (0.003) ريال قطري لنفس الفترة من العام الذي سبقه.

[كنغ المضاربة]

يوم الأحد المشكلة يوم ميت لكن على مستويات الحين 301 مليون مقارنة بقبل خل نقول مثل هالوقت العام بصعوبة يوصل 100 مليون وأوقات كان يحافص عند ال 50 .. صج اليوم قدرنا نغمض وايد ونفتح على بعض الأسهم وهي ما تحركت .. لكن بنقيس سيولة اليوم عند سيولة الخميس وإحتمال سيولة بكرة أكيد بنشوف فرق كبير

لكن يبقى سهم شركة المناعي تعيس شكثر تعيس الله أعلم .. سهم السلام سقط وسقط لين وصل بدايات العشرين درهم .. اللي حط مليون ذاك الوقت كثيرين يعتبرونه مينون ( مينون المليون ) يصلح اسم لمسرحية .. بس جاب قريب 150% ربح وما ندري ولا نستبعد يسويها المناعي

ذكرتني والله ياخوي بوعبدالله بيومها اكلم صديق لي المهم انه ماقتنع قال الا اكلم وسيط اثق فيه قاله بص حضرتك السهم دا خسران وقتها السهم كان ب 2 وحواليها المهم نصحه بشي ثاني وطلب عمولة السهم الثاني طلع معاه 10 بالميه تقريبا وهو خذا نصهم عمولة قبل حتى صاحبنا يحقق ربح صاحبنا شاف الاسعار من كم يوم نصدم قلت له ارزاق لو مكتوب لك صدقني بتاخذه مع انه مثل صاحبك الله مرهيي عليه سيولته كانت فوق ال 3 او 4 مليون شوف كم كانت بتصير بس الواحد ماياخذ الا رزقة المكتوب

[مضارب متعور]

صانع ازدان ماسك السهم بقوة فوق وما يرضى بنزوله تتوقعون ايش وراه ؟
هل ممكن البروصة تثقل نسبته في المؤشر العام بنسبة محترمة وترجعه لأمجاده ؟؟

[LiverC00L]

ننتظر لين المساء علشان الجدول

لو تكرمت اخوي القيصر

ابيع اعرف لين الحين محافظ قطر تبيع في التكافلي

[معماري قطري]

ذكرتني والله ياخوي بوعبدالله بيومها اكلم صديق لي المهم انه ماقتنع قال الا اكلم وسيط اثق فيه قاله بص حضرتك السهم دا خسران وقتها السهم كان ب 2 وحواليها المهم نصحه بشي ثاني وطلب عمولة السهم الثاني طلع معاه 10 بالميه تقريبا وهو خذا نصهم عمولة قبل حتى صاحبنا يحقق ربح صاحبنا شاف الاسعار من كم يوم نصدم قلت له ارزاق لو مكتوب لك صدقني بتاخذه مع انه مثل صاحبك الله مرهيي عليه سيولته كانت فوق ال 3 او 4 مليون شوف كم كانت بتصير بس الواحد ماياخذ الا رزقة المكتوب

شيء أكيد يا اخوي والحمد لله شيء يضيع من صوب ويجي بداله شيء ثاني

اليوم محفظتي خضراء 0.3256% والحمد لله وللحين ما تعوض نزول أمس .. تخلصت من أكثر سهم قامكو وللاسف متأخر بقت بس عشر الكمية وباتخلص منها بكرة .. شكلي باركز على وقود وأكيد الشراء في وقود معناه لا للبيع الا لو شفت بوادر بعد اعلان التوزيع