صفحة 1 من 2 12 الأخيرةالأخيرة
النتائج 1 إلى 10 من 12

الموضوع: فكر أبني بيت العمر بنفسي !

  1. #1
    عضو مؤسس الصورة الرمزية البرونزي
    رقم العضوية
    22981
    تاريخ التسجيل
    Nov 2008
    الدولة
    قطر
    المشاركات
    1,538

    فكر أبني بيت العمر بنفسي !

    السلام عليكم ورحمة الله وبركاتة

    ياجماعة افكر أبني بيتي بنفسي السجل موجود
    وبشوف مهندس عنده خبرة بدفع لة راتب وبحط استشاري
    طبعا الهدف من الموضوع قلة التكلفة والتوفير
    مثلا بجرب الموضوع في العظم واذا مشت الامور
    بأذن الله بستلم التشطيب .
    في رأيكم هل الموضوع يسوى ؟
    واذا راح اوفر بنسبة كم تقريبا ؟
    لا تحرمونا من تجاربكم وجزاكم الله خير

  2. #2
    عضو
    رقم العضوية
    41517
    تاريخ التسجيل
    Jan 2012
    المشاركات
    286
    السلام عليكم انا توني خلصت العظم الحمدالله سويت نفس الي انت تفكر فيه اهم شي مكتب استشاري لان المكتب هو الي يسلم الحين المالك ماعليه اي مسؤوليه وفورمن خبره وامين بياخد علي المتر بحدود 240 ريال مسوول عن نجار الخشب والمسلح والبناء مع عمالهم اجرت يد فقط وكل المواد عليك من الف لان ياء مساحه البيت عندي مع المجالس بحدود. 1285 متر استفدت ان افضل المواد بالسوق كنت اجيبها بنفسي ووفرت بحدود 150000 عن الاسعار الي وصلتني لاكن من سيئاتها تبغي وقت لان كل يوم يبغوا مواد الي نفعني نسيبي عنده خبره وكل ارقام المحلات الخاصه بمواد البناء كان يوصل كل شي لان الموقع واحاسبهم

  3. #3
    عضو
    رقم العضوية
    41517
    تاريخ التسجيل
    Jan 2012
    المشاركات
    286
    وشي مهم بعد بتتفق مع الفورمن اي تعديل ماياخد عليه شي لاكن يكون بحدود لان انا عدلت كثيررررر عن المخطط لان علي الواقع غير الورق والفورمن ماخد مني اي زياده علي تعديلات لاكن لو شركه يحاسبك علي كل شي ولو بسيط

  4. #4
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    هذا تعليق إخوي ابراهيم 2012 وردي عليه في موضوع ثاني أنقله هنا للفايدة

    اقتباس المشاركة الأصلية كتبت بواسطة ابراهيم 2012 مشاهدة المشاركة
    لو عندك احد من الاهل او الاصدقاء وعنده شركه مقاولات سوي العقد مع الاستشاري والبلديه باسم الشركه وانت نفذ بنفسك سوي نفسي اتفقت مع فرمن خبره عطيته بالمتر 240 عليه العمال نجاره حديد تسليح بناء طوب تخطيط متابعه الشغل وانا اجيب له كل المواد والمعدات اقل شي افضل المواصفات ومضمونه الحمدالله جوده خمس نجوم وبسعر اقل من كل الشركات الي عطتني عروض والحين صار الاستشاري هو المسؤل عن التسليم مانسوي شي الا بموافقته ويتاكد انه حسب المواصفات والخرايط

    من هنا يبدأ ردي

    شغلة ودوشة .. يعني انت هشكل انت المقاول وانت اللي تتحمل المسؤولية بس متابعة الاستشاري تساعدك وايد .. والفورمن قد ما يقدر بيحاول يوفر من التكلفة وبيجيب عمال رخاص .. زين لو يصير حادث لا قدر الله المقاول اللي وقعت معاه هو يتحمل مسؤولية التعويض ولو صار تحقيق وكشفوا إن العمال مب تابعين له ولا مستأجرين بطريقة رسمية بعد مشكلة والمشكلة يدخل فيها عدة أطراف منها المالك والمقاول والاستشاري وانا كلامي تقاعدياً وقانونياً

    زين شيصير بعدين لو اكتشفت مشكلة أو شيء مغفله الاستشاري ومر على المقاول وإضطريت تكسر أو تسوي حلول معقدة

    واحد استغربت من شغله وأكيد بو سعود عزيز يو كي بيفيدنا في حالته .. مسوي بيت كبير ويعتبر قصر داخلة تكلفته وتشطيباته في ارقام عالية .. طلع تمديد الكهرباء للتكييف فوق ما حسبوا حسابه والظاهر كان بيسوي مركزي أو التصميم على أساس مركزي يحتاج بايب كهرب واحد ويتوزع داخل بدكتات وفجأة غيره لدكت سبلت .. والدكت سبلت عارفين شلون مكينة فوق وتحتها مباشرة مكينة داخلية ولازم تمديد الكهرباء عمودي متصل بين داخل وفوق السطح .. الأخ عملوا له التمديدات بعد العزل المائي في بايبات بلاستيك فوق السطح .. أكيد ممنوع من كهرماء والنقاط بعيدة مساحة بيته كبيرة طلع السقف كله بايبات زين قال بيغطونهم بعازل مائي مرة ثانية وفوقهم بيحطون الحراري والسكريد .. وضع صعب ولو تسرب ماي للكهرب مشكلة والسبب تنسيق رديء وقرارات متضاربة يوم ابي ويوم ما ابي

    كل شيء لازم نعمل حسابه حسب الأُصول الهندسية

    في حالتك إخوي ابراهيم نبغي نعرف لو ممكن تفاصيل للسعر .. انا أذكر المتر المكعب خرسانة يطلع بين 250 - 270 والحديد أسعاره تختلف حسب القطر والوزن وهذا عليك اضافي لل 240 .. + الطابوق والمونة ومن يتابع الحسابات والكميات .. بعض المتقيولين يستغلون هذي الثغرة ويشيل مواد يبني له بيت كامل على حساب صاحب البنيان .. هل عقدك معاه عظم بس وانت تتورط في الباقي من تكييف ومشاكله ومصعد ومشاكل التنسيق له ومتطلباته والمواد اللي تشتريها شيضمنك إنه ما يطلب أكثر بوايد من حاجته ويكسر ويخرب أو خل نقول يشتغل بدون اهتمام خصوصاً في الأخير لو عرف إنه خسران أو خذ كل ال 240 ريال للمتر المتفق عليها

    بعدين وقت الاختلاف شبتسوي وشعندك سند تشتكي عليه وهو شخص ما له وضع قانوني يسمح له بالبناء؟

    التعديل الأخير تم بواسطة معماري قطري ; 11-07-2020 الساعة 11:36 AM

  5. #5
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    ردي يبدأ من شغلة ودوشة ويكون المالك تحت ضغط اللي يشتغلون معاه

    لو افترضنا عنده تصميم متكامل وخالي من النواقص والأخطاء بيكون اتباعه صعب وبيحصل تأويلات كثيرة من المتهندسين والمتقيولين ولا له حجة على حد لأن الشغل كله مب قانوني ومخالف لقانون الدولة

    ولو افترضنا بيخليها للإجتهادات وبيوثق في الفورمان اللي بيسوي الشغل الناقص للاستشاري والا هو بيقول انا ابغي وابغي وبيتم يتردد ويتخذون قرارات ارتاجالية لا المالك مهندس مختص في الشغلة اللي يبت فيها قرار ولا الفورمان حتى لو كان مهندس ملم بفروع الهندسة كلها .. بعدين بيكون تحمل القرار الارتجالي هو ( المالك ) مسؤول عنه 100%

    لو بنياننا قديم وبدائي وبابني في زرع والا عزبة ممكن تمشي الطريقة الارتجالية لكن بيت باخسر عليه وباسكن فيه شراء التخصصات والمسؤولية أهم من شراء الطابوق والاسمنت

  6. #6
    عضو
    رقم العضوية
    41517
    تاريخ التسجيل
    Jan 2012
    المشاركات
    286
    الي خدمني بكل شي نسيبي عنده عمال علي كفالته والفورمن علي كفاله نسيبي من مده طويله وبنفس الوقت ياخد اراضي ويبني ويبيع والفورمن مسوي معه اكثر من عشر فلل واكيد هو ثقه لاكن انا مارشحته وتكلمت انه يتعامل معه لان بعض الشباب ياخذونها ممكن كاني بسوي بزنس لي والله يعلم انا اقدم نصيحه فقط وماخد ولا ريال من احد سعر 240 يشمل انه مسوول عن شغل كامل كانه مهندس يسوي المقاسات حسب المخطط والخدمات ويتابع الشغل وهو نفسه كان يشتغل بيده لانه شغلته الاساسيه كان نجار مسلح وهاي كانت ميزه بعد بسيارته يجيب العمال المهم كان هو كانه مهندس المشروع اضيف كلامك اخ معماري انا قلت ان فيه سيئات ان لو انت الي هتبني بنفسك تبغي تفرغ ويكون عندك ارقام هواتف كل المحلات الي هتتعامل معها انا بعد ممكن استفدت لان اختار افضل مواد السوق واعطيك مثال انا جاني طابوق علي سعر 1.80 وطابوق علي سعر 2.20 واخذت الغالي لانه كان افضل بكثير لو مقاول الي يبني اكيد بياخد الاقل بالسعر وبصدق لو مانسيبي عنده خبره وساعدني لانه كل شغله بنفس الطريقه اكيد سلمت لمقاول وافتكيت بالنسبه للعمال ماحد كان يدخل الموقع عندي الا بعقد بيني وبين شركته اوكفيله للامان لان كلامك صحيح انها مسؤوليه لو حصل شي ولو علي التوفير السوق اسعاره مختلفه تقدر توفر لو تتعب وتلف شوي مثلا الارض كانت بيت شعبي قديم جاني اسعار هد وحفر من 48000 الي 53000 اخر شي الفورمن جاب لي واحد عن طريق ربعه اخد مني 33000 ريال اكيد فرق كبيررر الخلاصه ان لو عندك شركتك وفورمن ثقه وامين وعارف كل المحلات وهو الي مسوول عن كل شي بعقد بينك وبينه امورك تمام غيرررر كده طبعا الافضل مقاول وفك نفسك من عوار الراس والمشاكل

  7. #7
    عضو
    رقم العضوية
    41517
    تاريخ التسجيل
    Jan 2012
    المشاركات
    286
    اخ معماري سالتني عن التكاليف انا ماحسبتها بنفس طريقتك انا حسبت كان معي مبلغ بالبنك واسحب منه اخر شي حصلت اني صرفت 1130000 عظم مع كهرباء وسباكه كامل وعازل للبسمنت والفيلا كامله لو نحسب اقل متر جاني الف ريال لان فيه بسمنت وكهرباء وسباكه تاسيس فقط اكيد حسبتي صحيحه اني وفرت لايقل عن 150000 ريال واستعملت افضل مواد بالسوق وللامانه ارد واقول خبره نسيبي وشغله بالمقاولات هي السبب اني وفرت

  8. #8
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    مشكور إخوي ابراهيم على التوضيح وهذا المهم والله يعينك على اتمام بقية التشطيبات ويوفقك .. إذا مخططاتك جاهزة ولا عندك تعقيد وفي ظروف مثل ظروفك ومع إحتياطاتك كل شغلك تمام

    ليش لازم نهتم بالعقود وحتى مقاول الباطن يعطينا عماله استئجار ويكون مسؤول عن ضماناتهم ونكون إحنا نعمل حسب اشتراطات الدولة؟

    هذا شيء مهم عن لنتحمل المسؤولية ومسؤوليات كثيرة تلقى على المالك لأنه هو اللي يتفق والمفروض تكون أكثر على المقاول وعلى الاستشاري اللي مشى أي شغل غلط

    من أيام طاحت سقالات كان فيه هواء شوي والعمال يشتغلون وقت الظهر والله أعلم المقاول قانوني وعماله قانونيين أو لا بس عجت المنطقة بسيارات الإسعاف والفزعة وبلا شك كانت فيه اصابات كبيرة .. وفيه شروط إن العمال ما يشتغلون هالوقت من يتحاسب ألحين لو ما فيه مقاول رسمي؟ بعدين لو عقد حسب معرفة المالك ما يبغي الضرر للمقاول اللي بيكون مسؤول وبيتحمل المسؤولية بدون فايدة والمقاول ما يتمنى ينضر المالك .. بس شيصير وقت حادث كهذا أو وفاة عامل؟

    هذي لازم الواحد يفكر فيها صح

  9. #9
    عضو
    رقم العضوية
    41517
    تاريخ التسجيل
    Jan 2012
    المشاركات
    286
    جزاك الله كل خير وانا استفدت كثير من مشاركاتك بالمنتدي بكل المواضيع ومنها الاسهم بعد رغم اني صامت ماشارك بالاراء فيها لاكن متفرح لان اكثر الاسهم عندي استثمار طويل لاكن ممكن ابدل فقط بين الشركات حسب التوصيات

  10. #10
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    الله يوفقك .. الأسهم هي مصدر تمويل البناء لذلك ضرورية

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •