ما راح يكون الاعلان مرعب الى ذلك الحد على سعر السهم
مادام السوق فوق 9209 ف اعتقد يتماااسك عند 0.700_0.720 لفتره
صدقت اخوي مضارب دوسري الله يهدي البعض يفكر ان لو ارجف وقال بياثر على السهم كله عشان يقدر يشتري كم سهم برخيص من الخوافين انا اتوقع انها راح تكون عكسية كل الاسهم الي اعلنت عن انخفاض كبير ثاني يوم ارتفاع كبيرة وارقام جديدة واكثر من سعرها قبل الاعلان انا اشوفه باذن الله راح يفرح ملاكه وفي سوقنا توقع الغير متوقع اشتر فيه قمة التشائم وبيع في قمة التفائل مثل مايقول المثل الصيني
اعلان خسائر اعادة التقييم بقيمة 74 مليون مب وقته وكأن مجلس الاداره يتعمد تركيع السهم
الايجابية في السهم ان فيه سيوله حقيقية دخلت السهم وهذا راح يدعمه مع الوقت يعني السهم ناشف وبالاخص اساسا هو دون سعر الاكتتاب مب في قمه
الي تابع سهم البنك الاول وتوقعات الاعضاء ان السهم بينزل لمت داون ومن هذا الكلام صار العكس تماما
تراجع الارباح متوقع مب صدمه بحسب كلام الاخوه الي فعلا يضحك لان فترة الازمة كانت الاغلاقات ملموسة
يعني من وين يجيبون ارباح (الشركة تقول انا عاوز اديك بس منين ياحسرة)
نرجع لنقطة خسائر اعادة تقييم والمفروض تكون ارباح عشان تدعم السهم مب العكس وهذا امر يدعو للشك في تعمد اعلان هذا البند وفي مثل هذه الاوقات
لذلك برأيي السهم مضاربيا بيتأثر وسرعان مايرتد في نفس الجلسة ويكون الاغلاق عند مستوى 0.73-0.72 بحد ادنى
والله اعلم
التعديل الأخير تم بواسطة داااايم السيف ; 29-07-2020 الساعة 08:47 PM
اعتقد السهم بيكسر 7 ويستقر تحته
صدمة وزين أعلنوا واحنا في اجازة ممكن ننسى ونمتص الصدمة
خذت كمية كبيرة في السهم على أمل يتعدى سعري ووصله شوي ونزل .. وهالسهم منحوس غيره يعلنون خساير ويرتفعون هذا بنشوف شيصير معاه هالمرة واتوقع بينزل لبداية السبعينات
اخوي كنغ نصيحة لك انت اتخذت قرار و شريت توكل علي الله وتابع التحليل الفني واتخذ القرار
وقت الازمة 2008 كنت مستثمر وشريت المخازن في حدود 50 وينزل السهم الي اقل من 20 في عام واحد واشتري وادعم السهم الي ان ينخفض متوسط السعر قريب 28 ويرجع يرتفع قريب 50 واحقق ربح الضعف
وقتها ما كان عندي خبرة كافيه لاتخاذ قرار وقف خساره والبعض ما كان يتوقع النزول بهذه الطريقه وبعد انخفاض السعر كان البعض يقول لا تشتري السهم بينزل اكثر الي ان اتخذت قرار وحققت الهدف والي اليوم مضارب يومي او اسبوعي واتابع اسهمي بشكل دوري ..
بالتوفيق لك وللجميع
سبحان الله ، والحمد لله ، ولا إله إلا الله ، والله أكبر
{وَفِي السَّمَاءِ رِزْقُكُمْ وَمَا تُوعَدُونَ}
لا أنصح بشراء الأسهم المختلطة او الربوية
تحليل الاسهم المختلطة فقط لمساعدة من تعلق في السهم وليس توصيه شراء