أرباح اعمال

[كنغ المضاربة]

الحمدالله على كل حال اخوي الغالي نايم سهران وبنفس الوقت كذلك حبيت اشكر الاخ الغالي الي ارسل لي رسالة بالخاص جعل والديكم الجنة انشهد انكم كفيتوا ووفيتوا وبيض الله وجيهكم بخصوص اعمال جد صرت اتفق معاكم مستغرب ان وضعه كان من احسن مايمكن طيب ليش ماستغل الارتفاعات والسهم جاهز فنيا واسياسيا وكل شي واستفاد من ارتفاع السوق عني لو شته يوم الاحد بعد مو خسران بس حرام تشوف سهم بالسوق اقل من سعره المستحق كلنا متفقين ان بيوصل اسعار فوق بس المهم متى حاولت افهم تفكيرة بس طلع الاقرب انتوا الصح معظم الاسهم الي اعلنت كلهم خسارة بالارباح وصلت لنص واكثر ولا شفناها نزلت الى السعر السحيق هذا اليوم بجلسة التداول اخوي بوعبدالله يقول السهم كان بيوم من الايام يتداول ب 120 ريال متخيلين ان هالسهم بهالسعر انا لو شفته بهالسعر بقول يا اما اني مجنون ولا ان التداول وهمي وفية شي 120 ريال واليوم يتداول باقل من 0.775 درهم وبكرا يجيك بوالشباب منزل اسهم مطارات الماي او الصيدلية ويبي حد يكتتب فيها اذا شركة صار لها اكثر من 12 سنه بالسوق وهذا حالها كانت وين وصارت وين حتى لو محققة خسارة بالارباح السوق اذا مو كله الا من حم ربي اعلن نفس الشي واكثر وماخسروا من سعرهم هالخسارة المولمة معقولة الحين انت تشوف سعرك مو مغري ويوم صار الارتداد تملنا خير والسوق طلع 300 انت تطلع كم درهم وتخسر نصهم ثاني يوم شركات كانت تحقق بالربع 2 مليون وبالكثير 10 مليون وانت تحقق 200 مليون واكثر وسعرك اقل منهم بريال وريالين وثلاثة الله يعين صراحة
انا اشوف ان مفروض هية السوق تتدخل هالشي لو صاير بسوق ثاني براحة يطلبون منهم توضيح ومحاسبة ويمكن يوقفون التداول علية ويطلعون الشركة من السوق هاذي فلوس مستثمرين واكتتاب وحلال ناس مايعرفون يديرون الشركة خلاص يصفونها ويسكرونها او يسلمونها الاجدر السهم من الادراج من 50 ريال واكثر الى 0.770 درهم بعد شنو ينتظرون يوصل بالسالب لو بس قلنا من سعر الادراج الى اليوم كم خسر من سعره قبل التجزئه خسر اكثر من 90% اذا سهم السلام على الخساير الي مسويها بعد ارتفع وعوض ملاكه لو الشي القليل مزايا على الاعلان وارباحهم المتواضعة كل ربع السنوات الي راحت اليوم نزوله عادي جدا اذا اصلا سعره فوق اكثر من سهمك بريال ونص

[فيصل ع]

آنت تتكلم بموضوع ثاني اخوي فيصل وين كنت لا تنسى ان قامكو ومزايا وقطر وعمان السلام ازدان الطبية الاول وغيرهم كانوا بنفس القاع واقل بعد وشوف كم عوضوا وصارت اسعارهم انا اتكلم عن سهم من الادراج وين كان وصل وين اذا من 0.480 الى سعر اليوم تسميه عوض 50ظھطœ ظھطœ مشلكة يالغالي هاذي ماتوصل حتى 30% بالمية

ماعليه بس لازم تصبر عليه و انت بنفسك اتقول السهم خلاص بسكر عليه المحفضه ومش بايع الصبر زين حتى لو طالت المده هذا اذا انت مقتنع في السهم مب عقب يومين تغير رايك وبعدها بتطلع منه وبيطير عنك الموضوع كله يعتمد عليك اما اذا انت مضارب عندك اكثر من سهم اتضارب فيه بدال اعمال

[كنغ المضاربة]

الشركات العائلية صراحة اثبتت فشلها اذا ماشفنا محاسبة لشركات هاذي من هيئة السوق واعادة الثقة للمستثمر الصغير اشوف ان الادراجات الجديدة اذا عائلية الافضل الواحد ينتظرها بعد الادراج بياخذها بنص السعر اذا مو اقل بلا يروح البنك ويدفع عمولة وخرابيط وينتظر التخصيص ويجمد سيولته اسبوعين وينتظر كم بيعطونه ويشل بطايق عيالة ومرته ويمول

[نايم سهران]

اخوي كنغ نصيحه امش على التحليل الفني واترك عنك التحليل الأساسي لان التحليل الأساسي ما يصلح حق سوقنا كلش ينفع مع الأسواق الاوروبيه والسوق الأمريكي ... وبالتوفيق

[كنغ المضاربة]

صدقني اخوي الغالي نايم سهران هالسهم لا يخضع للفني ولا الاساسي يخضع للمزاجي عندي بالقروب دكاتره بالتحليل هاذي مشكلة الاسهم العائلية عشان كذا قلت اذا مافي محاسبة او شفافية من هيئة السوق لا يتاملون خير بالاكتتابات العائلية الجديدة ومو يجلسون يطلبون من الفسنشيات يطبلون لها ويحشرونا بالاعلانات كل يوم يوفرون فلوسها افضل يدرجونها والعرض والطلب يحكم لان خلاص صرنا فاهمين الطبخة اما اني اشتري سهم اساسيا ممتاز وقيمتة الدفترية ضعف سعرة بالسوق عشان كم شخص متحكم بالسعر يسحق سعره الى هالاسعار بدون محد يتكلم ويوم السهم الفلاني ارتفع تعال قول لنا ليش سهمك ارتفع وين الشفافية والسهم نازل بالادراج من 50 ريال واكثر الى 7 ريال قبل التجزئه كم خسر من سعره هذا حتى سعر الاكتتاب ماحترمه ونزل تحته ب 3 ريال

[معماري قطري]

صدقني اخوي الغالي نايم سهران هالسهم لا يخضع للفني ولا الاساسي يخضع للمزاجي عندي بالقروب دكاتره بالتحليل هاذي مشكلة الاسهم العائلية عشان كذا قلت اذا مافي محاسبة او شفافية من هيئة السوق لا يتاملون خير بالاكتتابات العائلية الجديدة ومو يجلسون يطلبون من الفسنشيات يطبلون لها ويحشرونا بالاعلانات كل يوم يوفرون فلوسها افضل يدرجونها والعرض والطلب يحكم لان خلاص صرنا فاهمين الطبخة اما اني اشتري سهم اساسيا ممتاز وقيمتة الدفترية ضعف سعرة بالسوق عشان كم شخص متحكم بالسعر يسحق سعره الى هالاسعار بدون محد يتكلم ويوم السهم الفلاني ارتفع تعال قول لنا ليش سهمك ارتفع وين الشفافية والسهم نازل بالادراج من 50 ريال واكثر الى 7 ريال قبل التجزئه كم خسر من سعره هذا حتى سعر الاكتتاب ماحترمه ونزل تحته ب 3 ريال

انا نصحتك قبل دخولك في سهم واحد مهما يكون زين مغامرة كبيرة .. شتخسر لو تقسم سيولتك على سهمين أقل شيء .. أوقات تكون عندي سيولة قليلة أشتري شوي في سهم فيه خير .. اليوم خذت 1053 في الميرة كنت ابغي اسكر رقمي فيه لعدد ثابت ما فيه أرقام عشوائية .. وخذت أول السوق في الدولية وبسعر السوق .. نزل بعدين وممكن ينزل أكثر همي أعدل فيه المتوسط ومتأمل منه خير بإذن الله وتوزيعات هذي السنة بعد سنين عجاف والتوزيعات هي المحرك لإرتفاع هذي الأسهم .. والله يعينني واتخارج منه خلاص حرموه وللحين معدلي فيه 2.446 بعد شراء اليوم

اللي في أعمال 5 - 6 % من سيولتي في السوق وصراحة ناوي اخفف كميتي وأشوف السهم ما فيه خير واقصد توزيعات مثله مثل ازدان .. صحيح يوزع بس توزيعه هالسنة ممكن يكون درهمين .. لو قدرت آخذهم كاش مب مفوت الفرصة

[مضارب دوسري]

المهم اخوي كنغ

الواحد يفرق بين المضاربه والاستثمار

المضارب يبقى مضارب

والمستثمر طويل بال وصبر وهذا غير موجود في المنتدى الا في اعضاء قليلين حسب متابعاتي


معماري قطري
عابر سبيل
وسمي 2016



وفي نوع ثالث اسمه مستثمر غصبن عنه
هو عباره عن مضارب كسر سهمه وقف الخساره عاند وماباع

وبعد ان طالت المسافه بين سعر شرائه والسعر السوقي
صار ينطر الفرج

او مستثمر دخل سهم مضاربي بسعر غالي وتعلق بعد هذا اسمه مستثمر غصبن عنه

[كنغ المضاربة]

.. وبعد الإكتتاب السهم يكون ب 4 ريال صح !!!
شكله ربعنا فلسوا اول مره في حياتي أشوف سهم شركة ماي في البورصة هههههههههههههههههههههههههههه

بسنا خرابيط ومسخره يا بورصة قطر شوفوا شغلكم وشددوا الرقابه على الأسهم الموجوده وحاسبوا مجالس الإدارات الفاشله الي قاعده تاكل حقوق الناس بالباطل وأخر السنه ياخذون مكافآت بالملايين !!!

http://www.qatarshares.com/vb/showth...DC%DC%C8%DC%D1

الرابط هذا لشهر الجاي يعني بعد اقل من 15 يوم



اول شي صبحكم الله بالخير اخواني وجمعة مباركة عليكم يارب وعلى الجميع
بخصوص مشاركتي يمكن البعض مافهم المقصود عني للامانة مثل ماذكرت شرائي له ب 0.740 وبالعكس ربحان 0.30 هذا لو بعت بسعر الخميس مثلا وحتى لو نزل عندي مستوى وقف الخسارة وانا مو من الي بينتظر يكسره وينزل كثير عشان يقرر بالعكس بيلاقيني اول شخص اشوته وواقف عند الكرك واطلب كرك ثاني ومع نفسه ل الحمدالله الخسارة مو من راس المال من ارباح سهم ثاني محققة وخسارة من الربح ماتعتبر خسارة انا اتكلم بشكل عام عن الشركات العائلية والسوق يتحول للعالمية ياخي انا مستثمر صغير راس مالي يمكن مايجي قيمة سطحة موديل 82 لكن المستثمرين الكبار اذا سهمك لا يخضع لا لفني ولا اساسي ولا عائد ولا غيرة ويخضع للمزاجية كيف تنتظر السيولة العالمية او انك تحول سوقك للعالمية وابسط الامور مو فية هالناس ماتشتري على عماها مقارانات ودراسات ارباح عائد قيمة اساسية قيمة دفترية الخ وبعدها تفكر تشتري مقارنة بسيطة مثل ماقال اخوي بوعبدالله بيوزع يمكن بالكثير 2 درهم طيب تعرف اخوي بوعبدالله على هالتوزيع ان يستحق بالسوق سعر قريب من قامكو اذا مو اكثر ماراح اقارنة بازدان او غيرهم مقارنة بين شركة حكومية وشركة عائلية الاول توزيعة يمكن 1 درهم والثانية بالميت هذا اذا قلنا ماحققوا ارباح كلش بيوزعون 2 درهم الاول سعره 0.950 بالسوق والقيمة الدفترية 1.017 والثاني سعره بالسوق 0.770 و القيمة الدفترية 1.274 وثنينهم العائد لا يذكر الاول قريب من سعر القيمة الدفترية والثاني بنص القيمة الدفترية بالسوق كلهم نفس القطاع المسئله مو مسئله مضارب او مستثمر او غيره المسئله هي مسئله فلوس مستثمرين ياخي اضغط سهمك على كيفك بس بعد تذكر انها فلوس مستثمرين وثقوا في شركتك وحطوها فيها ياخي لا تطلعه مثل ازدان او الطبية بس اقل شي خله قريب من سعره المستحق تتوقعون صعبه يطلعونه ابسط شي اعلان اعلانين واخبار من هنا وهناك والسهم يرجع فوق سعر الاكتتاب باربع جلسات ويمكن يوصل القيمة الدفترية واكثر
كيف تبيني اجي بكرا اكتتب في شركة عائلية وانا جالس اشوف كيف فلوسي تحرقها قدامي في شركة عائلية من سعر الاكتتاب ب 10 ريال الى 7 ريال قبل التجزئه وانت تتفرج وماتدخل وهيئه السوق ولا كأنها شركة من شركات السوق جيب لي شركة بالسوق اقل من قيمتها الدفترية بالنص وماتكون من الشركات العائلية وانا بكرا حتى لو ابيع سيارتي واشتري فيها
عل وعسى حد يوصل وجهت نظرنا لهيئة السوق ونشوف منهم اي رد فعل في الأيام الجاية بما ان لايفصلنا عن الاكتتابات بالشركات العائلية الجديدة الا أسبوعين او اقل

[Ahmed86]

ياخي الكريم هالكلام ما راح يفيدك ولا هيئة سوق ولا اعضاء ولا احد راح يعوضك في حلالك

اذا تبي تستثمر في اسهم معينة امنه نوعا ما للاستثمار ، و ما اظن اعمال احدها

اذا تبي تضارب الموضوع مختلف

اعمال 30% من محفظتي و خسران فيها حول 5% لكني اشوفها تتعوض

المهم لا تركب راسك و تعاند و تزيد في الشركة و انت تشوف ارباحها نازله بسبة ان في شركة ثاااانية ارباحها نزلت و ارتفع سعرها. هذا مب مبدأ.

الله يعوضك و يعوضنا خير و ان شاء الله تنجلي ازمة كورونا و ينتعش السهم و تجارته و يوصل الاسعار اللي ترضيك

[كنغ المضاربة]

‏يا مقسم الارزاق إقسم لنا من توفيقك ورضاك وغناك وتيسيرك لأمورنا فإن لاحول لنا ولا قوه إلا بك، أسأل الذي يسبح بحمده كل شئ أن يجعل لي ولكم صحة تامة وبركة دائمة ويكفينا وإياكم كل هامة وان يحفظني وإياكم من كل عين لامة ويشملنا بكريم عفوه وجميل ثوابه وغفرانه

اسعد الله صباحكم