كلامك سليم مئه بالمئه عن نظام vrv مكلف ولاكن هو المستقبل في توفير الطاقة الاستهلاكية وبنفس الوقت مع الوقت راح يعرفون له الفنيينالمشاركة الأصلية كتبت بواسطة الـخـور
انا مركب نظام وحدة مستقله وطلع على السعر قريب السنترال وقريب نظام vrv بس وقت ماقررت اني ابني وكنت ابحث عن التكيف كنت اجهل امور كثيرة وعلى ماقررت وقتها قليل من يعرف هذا النظام بعض موظفين شركات التكيف مايعرف شنو معنى vrv والا سمع عنه لان موظف مبيعات يعرف يبيع مكيف كم طن وشنو نوع الكمبريسر فقط
لو يرجع لي الزمن راح اختار نظام البكج او نظام ال vrv
بالنسبة لنوع الصاج او الفلين كل واحد له ميزه
الصاج شغل هفي دوتي ويعمر معاك لاكثر من 30 سنة قدام والفلين خفيف الوزن وسهل في التصنيع وسعره ارخص
الصاج يبي له عزل بالصوف الصخري وتغليفه بالقماش القطني وينصب عليه جبيره لتبطين لحفظ البروده والتنقيط
اما الفلين مايحتاج كل هذا كل شي منه وفيه
بعض الشركات يقول لك مايحتاج الصاج ان يتغلف ولاكن ينتج عنه تنقيط ورطوبه من البروده وينقط على الجبس والشي الثاني ان يفقد البروده اثناء خروجه من الوحده الداخليه الى الغرلات
بيجيك موظف يقول لك لا ماعليك من هالكلام والجبس راح يحفظ لك البروده وهذي اشياء زياده عشان ياخذون منك اكثر بس الشغل الصح لازم يتنفذ بالمراح اللي تم ذكرها
وغير هذا لازم مهندس تصميم الدكتات يعرف كم قوة دفع الهواء النتاج من الوحده الداخليه له حسبه معينة
حجم الدكت من خروجه الى اخر نقطه تضيق المساحة
البعض يسويه حجم واحد ويضيع عليك البروده ماتحس بالبروده
في شركات شغلتها تنفذ دكتات وينفذها لمشاريع وتكون حجمها كبير وهذا خطاء للفلل مايصلح تتنفذ لها دكتات ذات حجم كبير
اهم شي تختار شركة تصميمها يكون ممتاز
البعض ممكن يقول اني ابلاغ في شرحي او بالمواصفات المطلوبه بس هذا استنتاج من ناس واجهتها مشاكل في التكيف من بعض الشركات
على فكره لاحد يفكر اني ماعندي اخطاء الا عندي اخطاء وايد في البنيان واختيار بعض الاشياء كانت خطاء لاني كنت اجهلها وتعلمتها من طرحها من بعض الاعضاء بالمنتدى والاخطاء اللي انا مريت ابها
على حسب اجتهاد الموظف
والله يوفق الجميع
|
رد مع اقتباس