صفحة 1 من 2 12 الأخيرةالأخيرة
النتائج 1 إلى 10 من 20

الموضوع: مكيفات الدكت سبلت. . ابي مشورتكم

  1. #1
    عضو مميز
    رقم العضوية
    13267
    تاريخ التسجيل
    Apr 2007
    المشاركات
    2,536

    مكيفات الدكت سبلت. . ابي مشورتكم

    السلام عليكم

    اهل الخبره بغيت استشيركم في شغله
    انا محتار في موضوع التكييف لبيت العمر
    خذت عروض اسعار من كذا شركه
    وش الافضل بينهم.. ممكن حد يفيديني.. الخيارات: -
    1-ميتسوبيشي الكترك.. التايلندي
    2-جينرالكو .. جنرال كوول سابقا
    3-توشيبا..
    4-قري…
    5- ميديا

    انا صراحة احترت.. فالبداية كنت اميل للمتسوبيشي.. بعدها سعمت ناس تذمه..
    ونفس الشي جينرالكو.. ناس تمدح برودته وناس تذمه
    ممكن لو حد يفيديني وش الافضل

  2. #2
    عضو نشط
    رقم العضوية
    28694
    تاريخ التسجيل
    Oct 2009
    الدولة
    QATAR
    المشاركات
    865
    مرحبا اخوي بالنسبة للدكت انا يمكن ماافيدك كثر الناس الي جربوا انا حاليا موقع مع توشيبا واشوف
    اقبال ومدح نوعا وسعره مناسب عن غيره تقريبا هو الي ناسبني في امور كثيرة واهمها المبلغ الاجمالي.
    الي اقدر افيدك فيه جنرال كوول ابعد عنه عن تجربة في مجلس واحد من عيال عمي في خلال اقل من سته شهور خرب ويطلع اصوات والمكيف تعبان مايبرد فانصحك تستفسر أكثر عنه.
    انا كنت محتار مابين فوجي ودايكن وجنرال وميتسوبيشي الكتريك بالاضافة الى جري.

    ابتعدت عنهم كلهم للاسباب هذي
    دايكن سعره كان اغلى شي وصلني بالاضافة انه راح يطول علي لكثرة انشغالاته مع كثر المشاريع هو قالي كذا فيه تاخير يعني.
    جنرال كان سعره جدا غالي مقارنة مع فوجي وابتعدت عنه لسببين سعره وخدمة العملاء جدا سيئة بعد البيع فريحت نفسي من البداية.
    ميتسوبيشي السبب الشركة كانت مش واضحة معاي من البداية وبالاضافة الى سوء تفاهم حصل مع زميلي في العمل معاهم وكنت عارف الي حصل معاه من البداية الى النهاية فغضيت النظر معاهم ما ابي مشكله تحصل معاي نفس زميلي مع ان سعرهم كان قريب للفوجي تقريبا.
    جري قالوا عنها انها توها داخل خط في مكيفات الدكت سبيلت وقالي مصمم الداخلي نصيحة ابتعد عنها فخلك مع شركات هذي الي ذكرتها فخذت نصيحته مع سعرها مناسب نوعا ما.
    فوجي كان ماخذ منهم عرض سعر وكنت مقتنع من الشركة وكنت مرتاح وفي بالي اني راح اوقع معاهم وخذت عرض سعر منهم لكن سمعت عن توشيبا وقلت خلني اروح اقعد مع مهندسهم واشوف وش بيعطيني ف عطاني سعر اقل من فوجي بالاضافة الى عدد الطن اكثر فرحت مع توشيبا ولاشركة فوجي ممتازة الريس.
    اما توشيبا سمعت وتواصلت مع كذا واحد ركبها ومدح لي المكيف مع مميزات الماكينة نفسها مش موجودة في المكيفات الثانية وهي الهدوء وفيها نظام سيفتي لو فيه تسريب راح يفصل المكيف من نفسه مش نفس المكيفات الثانية راح يسرب واضف الى ذلك سعره كان مناسب لي جدا قريب من الشركات الاخرى لكن رحت معاهم لانهم متفهمين وانصحوني شباب فيها كثيرا.


    فانت حكم نفسك واستخير موضوع الدكت امانة انا طول معاي موضوع الاختيار خذ مني قريب 6 شهور اذا ماهو اكثر يمكن اغلب الاعضاء جزاهم الله خير فادوني واستفدت منهم شخصيا وماننسى جميلهم علينا
    وبتحصل موضوعي بعد من ضمن المواضيع بخصوص الدكت.
    وحبيت انبهك واقولك انتبه للعقود مع الكل اسال عن الدكت شنو نوعه صاج او فلين وكيف طريقة العزل وشنو نوع الكمبروسر وكم الاطنان.

    والله يوفق كل من قاعد يبني صراحه المجال هذا متعب ومخيف وخسائر الله المستعان

  3. #3
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    إخوي الجوكر لو ممكن رقم مهندسهم وموقعهم ما عليك أمر .. توشيبا وصناعته وين؟

  4. #4
    عضو فعال
    رقم العضوية
    42820
    تاريخ التسجيل
    May 2012
    المشاركات
    1,708
    اقتباس المشاركة الأصلية كتبت بواسطة معماري قطري مشاهدة المشاركة
    إخوي الجوكر لو ممكن رقم مهندسهم وموقعهم ما عليك أمر .. توشيبا وصناعته وين؟


    عيدك مبارك يابوعبدالله وكل عام وانت وجميع اعضاء المنتدى بخير وصحه وسلامه

    محلهم قريب منك في العزيزيه


    وهذا عناوانهم وموقعهم بالنت والارقام


  5. #5
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    وانت بخير يا بو سعود

    ما تقصر يا اخوي .. شرايك في مكيفاتهم زينة؟ ووين تصنع؟

  6. #6
    عضو نشط
    رقم العضوية
    28694
    تاريخ التسجيل
    Oct 2009
    الدولة
    QATAR
    المشاركات
    865
    كل عام وانتم بخير يااخواني وعيدكم مبارك
    ماقصرت اخوي يابوسعود رايتك بيضا ف كل شي عزالله.
    تايلند يابوعبدالله حسب العقد ماهو مبين عندي.

  7. #7
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    اقتباس المشاركة الأصلية كتبت بواسطة ALJokar مشاهدة المشاركة
    كل عام وانتم بخير يااخواني وعيدكم مبارك
    ماقصرت اخوي يابوسعود رايتك بيضا ف كل شي عزالله.
    تايلند يابوعبدالله حسب العقد ماهو مبين عندي.
    مشكور الله يسلمك تايلند بعد عز وأكيد بادارة يابانية وقطع يابانية وهذا المهم

  8. #8
    عضو فعال
    رقم العضوية
    42820
    تاريخ التسجيل
    May 2012
    المشاركات
    1,708
    اقتباس المشاركة الأصلية كتبت بواسطة معماري قطري مشاهدة المشاركة
    وانت بخير يا بو سعود

    ما تقصر يا اخوي .. شرايك في مكيفاتهم زينة؟ ووين تصنع؟

    مراحب يابوعبدالله الصراحه انا ماجربتهم بس يبين من شغلهم ممتاز ثاني شي صاحب الشركة كان موظف في شركة المناعي اللي هو وكيل مكيفات توشيبا والله فتح عليه فتح له شركة تكيف ويتعاقد مع الوكيل واسعاره وشغله متقن

    وهذا بشهادة من الشركة بس للاسف انا عرفت هالمعلومه لاحقا بعد ماوقعت مع شركة الدرويش والشاهد الله كل الشركتين ممتازين ومعظم الشركات ممتازة يعتمد على حسب مواصفات تصنيع الدكت

    نعيد ونذكر ان اهم شي في تصنيع الدكت وتغليفه وطريقة توزيعه بالنسبة للاغرلات وفتحات ممرات تهوية التكيف وتوزيعها

    لينير غرل اهداء من الفتحات المربعه

    المربعة العاده يجي دفعها مزعج وقوي وارخص

    اما الغرلات الطواليه الينير تجي اهداء وتوزيعها افضل واغلى بالسعر

    نجي ونقول ان مواصفات التكيف الوحده الداخليه والخارجيه لها مواصفات نوع الغاز ونوع الكمبرسر حجم الوحده الرديتير عدد المراوح حجم مواسير النحاس بعد الوحده الداخليه عن الوحده الخارجيه كلها عوامل لها دور في بروده التكيف

    وانا بواقع تجربه ان المكيف تصنيع امريكي هو الافضل والاقوى سوى كان تصنيع في امريكا الجنوبيه او الشماليه

    وانا انصح اللي يبي يركب تكيف نظام دكتات يركب تكيف مركزي بكج او ( نظام ال في ار في vrv )

    ولكم الخيار

    وحتى مكيف الاسبلت ممتاز لسهولة الصيانة ولاكن نظام ( الفي ار في ) نظام ممتاز للمستقبل في عملية استهلاك الطاقة والصيانة

    نظام ( الفي ار في ) ميزته تشبك اكثر من وحده داخليه في وحدة خارجية وحده تتوزع على حسب حجم الوحده الداخليه

    على سبيل المثال الوحده الخارجية حمولة 8 طن تتوزع على اكثر من وحدة داخليه على 2 طن 3 طن و 3 طن او وحدة داخليه حمولة 5 طن و 3 طن

    بعض الوحدات الخارجية تتكون من عدد 2 كمبريسر وبعض الشركات تركب عدد 3 كمبرسرات تشتغل بالتناوب

    كمبرسرات الوحدات الخارجية من بالنسبة لنظام الفي ار في تبداء من 8 طن 16 طن 24 طن 32 طن وانت طالع

    بس غالبا وتفضل انها تكون 8 طن و 16 طن اذا كبر حجم الكمبريسر يزيد سعره وللمستقبل قيمة الكمبريسر لو تعطل وتجي تبدله يطلع سعره غالي وبالاضافة الا حجمه الكبير هذا غير التحكم في الاكتروني يكون معقد وخاصه ان ينشبك بالنت لوحة المفاتيح معقده شوي وتحتاج كيابل كهرباء اكبر وانابيب النحاس كل مازاد حجم الكمبريسر

    حاليا جابو مكيفات وحدات خارجيه عدد حموله قليله 4 طن وتتركب عليها اكثر من وحده داخليه ولاكن ماتصلح لاجوائنا تصل للدول البارده مثل تركيا ولبنان ودول أوروبا اما دول الخليج الوحدات الخارجية ماتصلح لها هذا النوع

    نظام فعال وشوي سعره حاليا بالسوق غالي وعدد قليل من الشركات تتقن تركيبة لازم يكون الفني ممتاز وخاصه في عمليه للحام انابيب الغاز لان وصلات التوزيع تجي على حرف ( تي t )

    او انك تركب نظام البكج السنترال وخاصه للاماكن الكبيره المفتوحه مثل الصالات والمجالس

    عوامل كثيرة لها دور في جودة التكيف

    وباقي الاعضاء لهم دور في طرح الاراء والتجارب والاستفاده من تجاربهم
    التعديل الأخير تم بواسطة Azizuk ; 01-08-2020 الساعة 02:29 PM

  9. #9
    عضو فعال
    رقم العضوية
    42820
    تاريخ التسجيل
    May 2012
    المشاركات
    1,708
    اقتباس المشاركة الأصلية كتبت بواسطة ALJokar مشاهدة المشاركة
    كل عام وانتم بخير يااخواني وعيدكم مبارك
    ماقصرت اخوي يابوسعود رايتك بيضا ف كل شي عزالله.
    تايلند يابوعبدالله حسب العقد ماهو مبين عندي.

    عزيز وغالي يالجوكر ان شاءالله تعطينا تجربتك مع مكيفات توشيبا

  10. #10
    عضو مميز
    رقم العضوية
    13267
    تاريخ التسجيل
    Apr 2007
    المشاركات
    2,536
    الله يعطيكم العافيه
    اخوي الجوكر.. وش الافضل الدكت الصاج والا الفلين ؟؟
    ---------

    اخوي عزيز
    بالنسبة للvrf او vrv
    هو نظام معقد وغالي.. لو اخترب اليونت الي فوق يخترب كذا غرفه او صالة بنفس الوقت.. فمانصحوني اركبه للبيوت قالو هاي النظام ينفع للفنادق او المحلات التجاريه الكبيره
    والصيانة تكون غاليه مب اي حد يعرف يصلحه

    اما الدكت اسبلت والاسبلت العادي هو الاافضل للفل والاسهل للصيانة
    ولو اخترب مايخترب عندك كذا مكان

    لهذا ماحد نصحني اركب vrv لان قليل الي يعرف يصلحه


    اكثر الي ركبو ال vrv في الوسيل لان كهربتهم ضعيفه و سالفة ان المدينة. صديقة للبيئة ماكان عندهم حل غير السنترال او ال vrv لانه مايصرف كهرباء واجد مثل باقي انظمة التكييف
    التعديل الأخير تم بواسطة الـخـور ; 01-08-2020 الساعة 11:03 PM

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •