توقعات شهر #### اغسطس 2020####

[ابو وسام 1]

وعليكم السلام ومساء الخير اخوي الغالي ابوسالم اول شي شكرا على الثقة الغالية الي عطيتني اياها ويارب اكون قدها ان شاءالله والله لا يخيب ضنك باذن الله انا يالغالي مو محلل انا مهتم متابع احب اتابع اشارك اعلق ممكن افيدك شوي بخصوص وجهه نظري بخصوص بلدنا شوف يالغالي ابوسالم السهم محافظ مورغان اشتغلت عليه وهي الي رفعته امورة طيبة باذن الله ماعلية خوف لو حبينا نبي نعرف متى بيتخارجون منه لازم نعرف متى دخلوا بضبط كم متوسط اسعار شرائهم هي سياستها الضعف مرة افضل شي تسوية تشوف متى بيتخارجون وتطلع معاهم على دفعات طبعا تقدر تعرف هالشي سهل من الجدول الي ينزله اخونا الغالي القيصر تابعه بشكل يومي او هم بيعلنون ان طلعنها من موشرنا بعدها بتلاحظهم يتخارجون منها اما بخصوص سهم الاول الربع والاخوان ماقصروا راجع القسم الفني والاساسي بتلاقي مشاركة اخونا الغالي أستاذ ومهندس المؤشر والسوق القطري اخوي الكبير عتيق والله يوفقك ويرزقك من اوسع ابوابه وسموحه على القصور

بيض الله وجهك
ماقصرت والربع بعد ماقصرت
جزاكم الله الف خير
شي طيب التعاون اللي قام اشوفه ربي يبارك فيكم أجمعين ويرزقنا أجمعين

[كنغ المضاربة]

الاولى عربيا والرابعة عالميا

[كنغ المضاربة]

✨همسات صباحية✨

‏((وَفِي السَّمَاءِ رِزْقُكُمْ))

‏اطمئن فرزقك عند رب العباد سيأتيك كاملا ف الوقت المناسب مهما كانت القرارات الدنيوية

‏* اللهم ارزقنا من لدنك رزقا حسنا*

‏🎋🌷صباحكم خير وبركة ويوم سعيد حافل بالعطاء والإنجاز والتميز 🌷🎋

[.:: القيصر ::.]

الاربعاء ان شاء الله سوقنا فوق 9400


و برنت بالكثير بكرة فوق 45 دولار ان شاء الله

السوق خرب رقمي

لكن برنت شنب

عقبال 47

وبعدها لكل حادث حديث

[LiverC00L]

سؤال يسدح نفسه ؟

متى تتحرك الأسهم القيادية ، مع العلم ما أمتلك فيهم ..

[بوبدرvip]

البرنت مشاء اللة مرتفع
فالكم التوفيق

[مضارب دوسري]

ما هو صار له فتره مرتفع
وصلنا سابقا 9394 وكان برنت 41

ومن يومها مدري شفيه السوق يخابط وما عرفنا وضعه

اليوم اشد المتشائمين ما توقع ان يغلق سوقنا احمر باكثر من 40 نقطه

كان المتشائم يتوقع ارتفاع لا يقل عن 40 نقطه

سوقنا عند السلبيه مايحتاي خيل سبوووق
وعند الايجابيه يصير ارنب اول الايام وشوي شوي يقلب لسلحفاه

[بوبدرvip]

ما هو صار له فتره مرتفع
وصلنا سابقا 9394 وكان برنت 41

ومن يومها مدري شفيه السوق يخابط وما عرفنا وضعه

اليوم اشد المتشائمين ما توقع ان يغلق سوقنا احمر باكثر من 40 نقطه

كان المتشائم يتوقع ارتفاع لا يقل عن 40 نقطه

سوقنا عند السلبيه مايحتاي خيل سبوووق
وعند الايجابيه يصير ارنب اول الايام وشوي شوي يقلب لسلحفاه

اتفق معاك اخوي مضارب

[مضارب دوسري]

اتفق معاك اخوي مضارب

غريب وضع سوقنا شفت اسواق الحَوَش اللي حولنا

اسواق الامارات بوظبي ودبي فوق 30% من قاع كورونا
السعوديه 25% من قاع كورونا


سوقنا من قاع كورونا الى القمه الاخيره 17%

هالدول متاثره وغرقانه ميزانياتها لانهم يحتاجون اسعار فوق 65$
عشان تتعادل ميزانياتهم

احنا بالاسعار الحاليه الموازنه شبه متعادله والاقل ضررا بالارقام والحسابات

ليش ما يتنحنح سوقنا شويتين !


نبي نبتعد صوب 9800 عشان اذا جاء بعدين وقت تصحيح
تكون المناطق الحاليه دعم قوي للسوق

بس ممكن !!!
مع شغل مورغن يكون فيه تحرك


هذا الشهر عندهم اجتماع
بس عادة اجتماعات شهر 8 و 11 تكون خفيفه مقارنه باجتماع شهر 5

[هبوب الكوس]

مايصح الا الصحيح يالدوسري

غصب عنهم بيرتفع

وشكل الاسهم القياديه ذات العوايد هي اللي بتقود السوق الفتره القادمه