هنا يكون الكلام السعر المغري هنا يكون الاستثمار الصحح
مافي سعر مغري مافي فايده استثمار هذا سوقنا موج يوديه وموج يجيبه
وياما شفنا اسهم هبطت هبوطات متسارعه بسبب ازمه خبر حصل للسوق وبعد سنوات عاد السوق الى ماكان عليه واكثر وهي لا زالت تحت الاسعار اللي كانت عليها وربما اكثر من 50%
في 2008 السوق كان 12000 نقطه واكثر
نزلت اسهم من ذاك الوقت من ضمنهم بروه واسعار فوق ال90 ريال
مرت السنين السوق جاب 14000 نقطه وبروه تحاول مع ال45_50 وقتها
واقرب مثال بالونة الدوليه توزيع 5.5 ريال الناس ومورغن يشترون على 100_130. ريال
يهبط السهم بقدرة قادر الى اقل من 10 ريال بعد مرور ست سنوات وتصير الشركه الفاشله الغير قادره على تحقيق ارباح ومن هالكلام
التعديل الأخير تم بواسطة مضارب دوسري ; 02-08-2020 الساعة 03:58 PM
لا بالعكس اخوي الغالي مضارب دوسري انت كفيت ووفيت الحلو ان خليتنا نستفيد لو الشي البسيط من ماعندك وكلنا اخوان نتناقش ونستفيد من بعض مع العلم ان هالحسبة من عرفت سوقنا ماستخدمتها ولا فكرت فيها وسمعت عنها للامانه لكن ماهتميت لها مثل ماقلت لك اخوي شفت الجدول هو الاقرب يعني ممكن يعطني استنتاجات قريبة منها مثل فدافون يوم قلت السهم فرصة وكان ب 1 ريال واقل كان الدفتري يستحق 1.250 وشوية السلام الاجارة الخ يعني كان مفيد بالنسبه لي لان لاحظت المحافظ والسيولة تتجه الجدول وتقارن واذا شافت ان الدفتري تحت بكثير تعتبر نسبه المخاطرة صفر بالسهم وتدخل علية لحد ماتقرب لسعر يافوقه بشوية او تحته بشوية
مشكورين على النقاش الطيب وأكيد معلومات طيبة بتفيد الكثيرين في اتخاذ القرار المناسب والله يرزق الجميع
مشكور اخوي حمد ومضارب دوسري ( بو محمد ) وكنغ المضاربة وأكيد من تابعونا وللموضوع إن شاء الله بقية
ألحين أي سهم تعطونه رقم 1 ورقم 2 ورقم 3 في قطاع البنوك
مب شرط أسهم كثيرة نزلت وبقت في قاع فترة طويلة ولا حد يغرف منها .. مثل السلام كان في العشرينات وكنت أحس وراه خبر بيقلصون راسماله مثل الأول يوم ارتفع بس استوينا نلحقه .. وهالشيء ينطبق على الكبار وقت الأزمات
الريان كان بحدود 60 درهم على أسعارنا الحالية 6 ريال بعد أزمة 2008 وبقى فترة واقلاعه ما كان سريع بطيء لين وصل لين 65 ريال ويمكن أكثر في 2014 .. تضاعف 10 مرات أو 650% في ست سنين .. خذت وقتها 10000 سهم وبعتها حول ال 10 ريالات ولو صابر لين ال 65 كنت طالع بربح 650% ولو رجعت شريت حول ال 40 كانوا أسهمي ببلاش وأي توزيع يجيني تجاوزاً أقدر اعتبره 100% ربح
رقم 1 الأخوه المختلفين المصرف والوطني
طبعا كل ما قل السعر كل ما كان افضل نظرا لانه اغلب ملاكهم متمسكين فيه ففيهم صعوبه لكن كما ذكرتكم مافي شي مستحيل
رقم 2 الدولي طبعا لكن يعيبه انه ماضيه في ثقل كبير في السهم وبالاخص لما كان في الستينات والخمسينات كنا نقول عنه غالي ومتردد اني متخوف يرجع لسباته القديم بالمستويات الحاليه ان كان تحت طبعا للمستثمر افضل ..
رقم 3 بلا منافس الريان بيناته ممتازه أرباحه في تزايد مستمر ممكن ينافس الدولي مع الزمن وبالاخص مع اندماجه مع الخليجي ممكن يشكل قوه مع الوقت تنافسبنوك المستوى رقم 2 باريحيه ..
بخصوص الشركات الغير عائليه احبذ التنويع بها مع انه البنوك افضل في المجال لكن تنويع المحفظه مطلوب لانه كل سهم شيل الثاني فتطلع كمستثمر امن
نوع بين وقود والميره وناقلات والشركات الريعيه
وحتى كهروماء ما تخوف وفي شركات مهمه مثل مسعيد وصناعات والاسمنت ولكن نظرا لازمات البترول شوي خف النظر قليلا عنها الى اليوم يلي تشوفه انه خلاص مناسب لانها شركات حكوميه خالصه فما عليها خوف كبير مب مثل الشركات يلي تعتمد على المناقصات والعقود والشركات العائليه انا ما حب اتعامل معها ..
الشركات الخسرانه مرات تكون نصيب ورزقك في الارتفاع واحتمال تعليقه تكلفك سبع سنين عجاف اذا الطمع زاد عن حده .. متل ما ناس استفادت منها مثل بالمقابل ناس بتخسر وبتتعلق فيها اذا الكل ربحان عيل من يلي خسر ؟
التعديل الأخير تم بواسطة حمــد ; 02-08-2020 الساعة 04:21 PM
.
الأخ معماري قطري
عسى الله ان يعوضك عن خسارتك ويبعدك ويبعدنا جميعا عن الخسائر .
أحببت ان أوضح نقاط تتعلق بالمخصصات التي تأخذها البنوك .
عندما تحتسب البنوك المصاريف والمداخيل الى اخره يظهر لديها رقم أرباح . تنظر البنوك الى القروض التي منحتها هذه البنوك للاخرين وتتوقع حجم التخلف عن الدفع المتوقع بناء على معطيات معينه . هذه المبالغ التي توقع البنوك ان لا يتم سدادها في وقتها تخصم أيضا من حساب الأرباح ثم يظهر مبلغ الأرباح النهائي للفتره المعلن عنها واذا كانت هذه الفتره نهايه العام فان الأرباح المعلنه أيضا تظهر بعد خصم المخصصات . جزء من هذه الأرباح يوزع و جزء يستبقى كاحتياطيات او كارباح مدوره ولكن وبكل تأكيد ليس لمقابله مخصصات فكما ذكرنا المخصصات اخذت قبل اظهار رقم الأرباح النهائيه . ومخصصات السنه القادمه ان وجدت تخصم من أرباح السنه القادمه وهكذا .
اما نقطه الديون المعدومه فهي اجراء محاسبي داخلي بمعنى اذا فقد البنك الامل في الحصول على دين معين او جزء منه بسبب افلاس الشخص او الجهه فان البنك يسجل هذه الديون كديون معدومه ( مفقود الامل في تحصيلها ) ولا يكلف موظفيه بالجري وراءها ولكن هذا لا يعني انه لن يطالب بحقه في هذه الأموال اذا ظهرت لدى المقترض أموال .و اكرر ان البنك عندما سجل هذه الديون كديون معدومه لا يعطي شهادة للعميل بالتنازل عنها .
الى عزيزي مضارب دوسري وجميع الأعضاء
مساكم الله بالخير
لا توجد أي معادله لتحديد سعر السهم مرتبطه بالتوزيعات النقديه ولكنك اخي العزيز الدوسري ذكرت أيضا مكرر الربحيه وهو العامل الأهم في تحديد أسعار الأسهم .
اذا ضمن السوق ( اعني بالسوق انا وباقي الأعضاء بالمنتدى ومدراء الصناديق الاستثماريه والجميع ) أقول اذا ضمن السوق حد ادنى من التوزيعات من شركه معينه فسيكون هناك حد ادنى لسهم هذه الشركه لا ينزل عنه ولكنه قد يتداول اعلى منه .
مشكور على مشاركتك الغنية بالمعلومات
بالنسبة لي لو باقارن بين الأربع بنوك اسلامية المصرف محقق 60 درهم وسعره 16.1 ولو وزعها كلها على سعره بيعطينا 3.726% ولو وزع حول العام بيعطينا 3.2% وصراحة ما اتأمل يوزع أكثر من هالرقمين وفي كل حالة مردوده ضعيف وسعره عالي .. اللي عنده من زمان وضعه غير أنا استثمار جديد للسنة ذي غير مشجع
الريان على أقل تقدير بيكون توزيعه نفس العام وبيعطينا مردود 5.71% على سعره الحالي فرق كبير ولو زاد التوزيع ل 25 درهم بيكون 6.348% وتوقع سعره قبل التوزيع بيوصل 4.5 بالراحة
الأول .. أعتبر وضعه مضاربي أكثر منه استثماري لهذي السنة والحكم عليه بيتضح مع الربع الثالث
الدولي هذا اللي محققه ألحين كنسبة وهو أعلى من الريان 4.14% الريان كنسبة ريع لسعر حالي 3.6566% لكن اللي فوق كنسبة توزيع سابق وتوزيع متوقع .. الدولي لو وزع نفس العام بيعطينا 5.177% ولو زاد التوزيع ل 0.45 بيكون 5.48%
أشوف الريان والدولي تقريباً على نفس الدرجة بس الأفضلية للريان لأنه أرخص وقابلية الارتفاع فيه أكبر لذلك احط الريان رقم 1 والدولي رقم 2 والأول رقم 3 .. مضاربياً يمكن الأول يكون رقم 1 ويبدع الفترة الجاية ويمكن الخليجي كذلك لو تحول اسلامي والإجارة بعد مع إني ودي اقول لها باي باي بس منتظر على أمل توصل الريال