صفحة 3 من 3 الأولىالأولى 123
النتائج 21 إلى 30 من 30

الموضوع: عصابات خلف عروض التوظيف الوهميه

  1. #21
    تميم المجد الصورة الرمزية بوخالد911
    رقم العضوية
    5855
    تاريخ التسجيل
    Jan 2006
    الدولة
    QTR
    المشاركات
    46,956
    الله يحفظنا من الحرامية بكل مكان وزمان.




    ead.php?t=284476"]اندونيسيا كما رأيت يوليو 2009 بقلم بوخالد911 وتصويره[/URL]
    [/COLOR]

    سفرتي الى سنغافورة + استراليا + بانكوك 2008


    سفرتي الى بانكوك مارس 2009

  2. #22
    تميم المجد
    رقم العضوية
    2364
    تاريخ التسجيل
    Jun 2005
    المشاركات
    1,768
    اقتباس المشاركة الأصلية كتبت بواسطة ابو عبدالله. مشاهدة المشاركة
    الطراريد ما بتحصل شي تشتريه كله ينباع الا الي رافعين السعر كثير
    شوف مزاد اذا ما لقيت طراريد خربه و مشلحه تنعرض بعشرات الالاف و بعد في ناس تسوم و تفاوض عليها

    و موديلات قبل 2009 بمكاين قديمه و طالبين فوق الثلاثين الف و بعضهم 75 الف الي فوق 29 قدم

    انا ادور لي طراد ما لقيت شي عدل كله ينباع بسرعه و البقيه ما يصلحون و مبالغين بأسعارهم

    قطر كلها تدور طراريد هالفتره

    لما لقيت طراد حق واحد امريكي الي قلت لك عنه. انباع ع طول ما لحقت اروح اشوفه حتى. كان صيده والله و طيره اول مشتري شافه

    السيارات في لها بيع و شراء لكن انواع معينه هالفتره مع كورونا

    نيسان باترول 2014 و كروزر موديلات 2016 و طالع ماشي سوقها ما يوقف حتى كروزر موديل ما قبل 2007 بعد له سوق و بيولع شهر عشره اكثر خصوصا النظيف و جير عادي

    اذا لقيت كروزر قديم بقطر ليفينح مش مبيوع علمني لان كل ما اسوي سكان على هالموديلات القاها انباعت ع طول مال اجانب و ماشيين قليل

    عندك الدراجات الهارلي ماشيه بعد
    عندي وحده اخذتها من سنه و تحسفت ابيعها سبشل ادشن و سعرها كان ممتاز وممشاها زين و للحين لو ببيع بتجيب عشره او اكثر زياده
    موديل 2014 الي بدأوا يركبون عليها الوكاله تشغيل بدون مفتاح. برموت
    هي اقوى محرك بالهارلي. بورش ديزاين

    عندك الجمس 2014 و طالع له سوقه بعد و ابعد عن 2013 ونازل خلاص راح طوره

    هذه المواتر تشتريها من اجانب و تعرضها لاهل قطر

    اما الي تشتريه من اهل قطر و تبيعه للاجانب الكامري 2014 و طالع و الالتيما 2013 وطالع

    عندك تويوتا برادو 2013 و طالع يموتون عليه الهنود و الباكستانيين الي يشتغلون بالبترول و مسؤولي شركات و مشاريع

    الهايلوكس اذا صدت واحد اقل من خمسين الف هذه نعمه هههه الموديلات القصه الجديده كم سنه قبل يعني

    البيك اب الكبير ميستوبيشي و تويوتا ثلاثه طن و نص. نادر من يعرف سوقهم لكن البيعه الوحده تطلع لك 12 الف بالراحه تحصل كميه تنعرض بمعرض بطريق سلوى من شركات خلصت مشاريعها و تنعرض بقطر ليفينج بفارق 12 الى 15 الف للوحده حتى لو ماشيه فوق 200 الف كم و صار اني اشتريت وحده من كم سنه بس ب 48 و بعتها ب 62500


    السيارات الصغيره ما اتعب وراها. الكيا فورويل و الصالون المربعه القصه الجديده و هالسوالف ما تسوى الوقت و التعب بالنسبه لي لكن لها سوقها بقوه عند بعض العرب و البنات العربيات يحبون الاكسسوارات و وصله بلوتوث و الايبود بمسجلاتها و الاوبشن حلو فيها وما تصرف بنزين

    لكن ربحها بالنسبه لي ما يتجاوز خمس الاف وما ابي ادخل في مواتر ممكن توقف عندي شهر و شهرين او اتفرغ عن امور اهم عشان هالنسبه من الربح

    كل هالي قلته له سوق و قوي و تحصل فيه صيدات حلوه لكن مش يوميا. العمليه تحتاج تصفح كل ما صار عندك وقت

    انا لو ما عندي امور اخرى اهم كان ركزت على السيارات اكثر لكن الشغل دوامه متعب و بناء بيت العمر و مسؤوليه بيت و اسره و بزنس جانبي ثاني فيه عماله تحتاج متابعه
    و نشاط وساطه عقاريه دخلت مع صديق عنده مكتب كتجربه

    اكثر من كذا الواحد بينشق نصفين ههه

    انت لا تتخوف. دام تشوف ان سياره معينه سعرها التقريبي كذا
    ولقين شخص اجنبي عارضها بسعر اقل و ممشاها قليل و نظيفه و تشييك وكاله وما تحتاج صيانه تفاوض و تنزل اكثر و تعرض بموقع ثاني بسعر اعلى الي يناسبك طبعا

    انت فهمت الفكره و اختلاف سعر المواتر بين القطريين و الاجانب

    الباقي عليك تحدد هل تبي التجربه او تتراجع عنها

    الخيار لك لكن خل ببالك ان اي خساره ما بتكون كبيره بتكون كم الف لو اخطأت بأي شروه و بيعه
    لكن لو جاتك كم الف ربح بتتشجع اكثر و بتحلو السالفه
    جزاك الله خير يا الغالي،،
    بدأت في تصفح المواقع والله يوفقك ويوفقنا،،وفي حال شفت سيارة كروزر تحت موديل 2007 بخبرك بإذن الله،،
    ياليت لو ممكن ترسل رقمك على الخاص لسرعة التواصل معك ،،
    كل الشكر والتحية لك

  3. #23
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    بالتوفيق اخوي
    يمكن تكون باب رزق لك و للغير

    ابشر برسل لك الرقم عقب

  4. #24
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,555
    تعال شوف عصابات العمال والتجار .. قمنا نشوف تكتل جالية معينة في سوق الذهب ويجون بأعداد كبيرة ومتفاهمين يحتكرون السوق ويزيدون سعره .. فوق هذا يقال إن تم استثمار ورش تصنيع لهم من مستثمر قطري كبير

    العمالة اللي في سوق المقاولات معروفة وبعضهم مسكوا مشاريع كبيرة كلفت مليارات والنتيجة منظر معماري جذاب بمحتوى خاوي ومشاكل كثيرة .. حتى ممشى لوسيل اللي اكتمل فيه حفريات شكثر .. طريق الفروسية اللي قلنا أنجزوه في فترة قياسية ما مرت عليه شهور الا معاول الحفر والردم تشتغل فيه وسكروا مسارات عدة وعطلوا الناس بشغل عشوائي وبدون حمايات مدروسة مثل قبل خلاص قل الاهتمام .. اللفة اللي تودي عليه جنوبي بيت خالد بن حمد للحين حواجز مزعجة .. انا شذنبي كمواطن مستخدم للطريق ما صدقت ينفتح حتى اشوفه يغلق مرة ثانية .. وما صدقت أشوفه خلص شزينه الا اشوفه مرقع

    المفروض القانون يسود وينظم هذي العمليات أما تكتلات ضحيتها المواطن القطري ومعاه ناس من المقيمين ما نبغي

  5. #25
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    صبحكم الله بالخير

    اعرف قصه المجموعه الي دخلت سوق الذهب

    يقولون ان الي جابهم قال ان قبل كانوا جاليه آسيويه ماسكه محلات كثيره ومحد انتقد تكويشهم للشغله و الناس تشتري
    وهو جاب ناس عرب و دخلهم بالبزنس و مسكوا محلات كثيره و احتدت المنافسه

    قانونا و شرعا شغله حلال حتى لو لي و لك اخوي معماري اي انتقاد

    انا اتمنى التنوع بين المحلات وما يمسكونها ناس معينين لكن كثير من التجاره نحصل فئات معينه تنشط فيها

    حاليا الوضع افضل من قبل في تنافس بين اكثر من جاليه بسوق الذهب

    مره رحت مع زميله عمل انجليزيه دفعت مقدم 500 ريال لاسواره طلبتها وقالوا ما عندنا اي ريكورد لطلبك وهي مضيعه الوصل
    صاحب المحل آسيوي و عنده كذا فرع يعني محل محترم
    لما قلت لهم شوفوا تصوير الكاميرا بتاريخ كذا بتشوفون الانجليزيه بالمحل و تدفع المقدم

    قال لا. انا مش مطلوب مني الا ان احتفظ بتسجيلات 120 يوم فقط بحسب متطلبات الداخليه. يعني قبل كذا ما بشوف اي تسجيل عندي قبل هذه المده

    تخيل العنجهيه في التعامل مع الزبون

    ما قال ما عندي تسجيل اكثر من 120 يوم. قال ما بدور بعد هذه المده يعني ما لك شي عندي

    لو عربي بنفس ثقافتنا ما بيتجرأ يقول هالتعليق ولا بنكلم القطري راعي المحل عن اسلوب المدير

    بالمقابل. صار ان رحت لمحلات العرب وحتى الي بغيت اشتريه نصحوني اشتريه من محل معين لانه ارخص بشوي

    على الاقل يحشمون لين شافوك قطري و محترم معاهم

  6. #26
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    عن المقاولات انا على كثر ما اتابع تعليقاتك عن الاخطاء او العيوب افهم وبعد مده انسى لان للامانه مش عقليتي بهالسالفه لكن مقدر ان تحصل اخطاء و بالامكان نكون افضل

    لكن ايضا اعرف ومن كذا خبر سابقا
    ان اغلى تكلفه للاعمار و المشاريع بالعالم. عندنا بالخليج بسبب الطفره الماليه
    واي مكان فيه طفره لازم في ضغط شغل و اخطاء و قد يحصل فساد حتى

    لكن خلنا نشوف الايجابيه

    احنا اكثر دوله بالخليج انجزت مشاريع و بنى تحتيه العالم كله يتحدث عنها. مطار ميناء ملاعب طرق سريعه مستشفيات مدارس مناطق صناعيه و لوجستيه و مدن حديثه. لوسيل و اللؤلؤه و شبكات جوال و انترنت سريع . الخ

    يفرحني ان اموال الطفره انصرفت بشيء يفيدنا وللاجيال القادمه

    غيرنا لا نت 4g ولا طرق ولا رواتب سنعه و بنيه تحتيه يادون تعيش السكان

    عطني هالنعمه الله يبارك لنا فيها و راضيين ببعض الاخطاء

    يمكن انا ايجابي و هذه نظرتي وقد اكون مخطئ لكن افرح نفسي بالايجابيه

  7. #27
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,555
    اقتباس المشاركة الأصلية كتبت بواسطة ابو عبدالله. مشاهدة المشاركة
    صبحكم الله بالخير

    اعرف قصه المجموعه الي دخلت سوق الذهب

    يقولون ان الي جابهم قال ان قبل كانوا جاليه آسيويه ماسكه محلات كثيره ومحد انتقد تكويشهم للشغله و الناس تشتري
    وهو جاب ناس عرب و دخلهم بالبزنس و مسكوا محلات كثيره و احتدت المنافسه

    قانونا و شرعا شغله حلال حتى لو لي و لك اخوي معماري اي انتقاد

    انا اتمنى التنوع بين المحلات وما يمسكونها ناس معينين لكن كثير من التجاره نحصل فئات معينه تنشط فيها

    حاليا الوضع افضل من قبل في تنافس بين اكثر من جاليه بسوق الذهب

    مره رحت مع زميله عمل انجليزيه دفعت مقدم 500 ريال لاسواره طلبتها وقالوا ما عندنا اي ريكورد لطلبك وهي مضيعه الوصل
    صاحب المحل آسيوي و عنده كذا فرع يعني محل محترم
    لما قلت لهم شوفوا تصوير الكاميرا بتاريخ كذا بتشوفون الانجليزيه بالمحل و تدفع المقدم

    قال لا. انا مش مطلوب مني الا ان احتفظ بتسجيلات 120 يوم فقط بحسب متطلبات الداخليه. يعني قبل كذا ما بشوف اي تسجيل عندي قبل هذه المده

    تخيل العنجهيه في التعامل مع الزبون

    ما قال ما عندي تسجيل اكثر من 120 يوم. قال ما بدور بعد هذه المده يعني ما لك شي عندي

    لو عربي بنفس ثقافتنا ما بيتجرأ يقول هالتعليق ولا بنكلم القطري راعي المحل عن اسلوب المدير

    بالمقابل. صار ان رحت لمحلات العرب وحتى الي بغيت اشتريه نصحوني اشتريه من محل معين لانه ارخص بشوي

    على الاقل يحشمون لين شافوك قطري و محترم معاهم
    إن شاء الله يكون فيهم خير ويطورون اللي نقلته كلام سامعه

    بس ملاحظاتي على سوق البناء صراحة الوضع سيء .. انا من اللي قبل شافوا وعايشوا بنيان الشيراتون من قبل شركة هندية أو كورية جات باتفاق مباشر مع الحكومة وكذلك بنيان البريد بنفس الطريقة .. اللي اشوفه حالياً إن سوق البناء محتكرينه ناس معينين حتى الشركات والمكاتب الدولية هم لهم وكالتها وليس اتفاق مباشر .. هذا للمشاريع الكبرى الخاصة بالدولة والمستعجلة .. نجي للمشاريع الخاصة والمتوسطة وحتى الكبيرة الخاصة نشوف شركات انشئت حديثاً لها وخبراتها بسيطة وهمها تخلص الشغل وبعدين ترجع تصين والله أعلم الصيانة مجان أو بمقابل بس في كل الحالات لو تم العمل بإجراءات هندسية صحيحة ما بيحتاج صيانة سريعة وخير دليل المبنيين اللي ذكرتهم

    عن الخليج الأعلى تكلفة لا يا اخوي بعض الدول الخليجية تسوي المشروع بحجم ضخم وربع تكلفة مشروع طرق في قطر بعد شهر مسوين إغلاقات فيه

  8. #28
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    اذكر شفت خبر من كم سنه بس
    اغلى تكلفه بالعالم عندنا بالخليج كان الخبر عن التطوير العقاري و البنى التحتيه اذا ما خابتني الذاكره

    و ايضا سمعنا عن اخطاء و تأخيرات و فساد بقضايا مشاريع بدول خليجيه محد سالم من المشاكل

    والله اتفق معاك ان ممكن يكون الوضع افضل لكن ايضا افكر ان على الاقل ما اشوف فلوس الطفره كلها تروح لامور ثانيه ما تخدم المجتمع و تنحط علينا ضرايب و رسوم مثل دول ثانيه
    موت و خراب ديار. حرقه قلب لو ما صار كل هالعمران و التطور و الطرق السريعه و تروح الطفره واحنا مكانك سر

    في رأيي المتواضع
    تم رفع الرواتب لتجابه التضخم المتوقع من الطفره و العمران من 2011 و عطتنا فرصه من ذيك الايام لتعديل الوضع و الادخار و الاستثمار
    تم الاجتهاد للفوز بكأس العالم لادخال قطر نادي السياحه و الرياضه و التطور في البنيه التحتيه و التعليم و الصحه
    تم التطوير الاداري بالقوانين و اجراءات الدوله لنواكب دول متقدمه مثل سنغافوره و تايوان و غيرهم (لاحظ ان هيكله التعليم و الصحه و قوانين البيئه و جهات اخرى صار مطابق لاعلى المعايير العالميه ) بخلاف ان كان لنا اي انتقاد لبعض النقاط المهم ان التطور حصل

    بحكم اني مطلع على اجراءات جهات كثيره جدا. شفت بعيني التغيير الحاصل و المنظومات لتطبيق افضل معايير عالميه بكل جهه

    يعني خطه 2030 تتطبق على ارض الواقع

    غير هذا. لا زلنا الدوله الخليجيه الوحيده على ما اعتقد. الي سنويا نطلع فائض ميزانيه و ندعم الاستثمار الخارجي و الصندوق السيادي
    غيرنا صرف نص صندوقه السيادي و اكثر

    بتقول في اخطاء. يمكن اتفق معاك لكننا افضل من البقيه وهذا يخليني اقول الحمد لله. نشوف خيرنا لنا

  9. #29
    تميم المجد
    رقم العضوية
    1104
    تاريخ التسجيل
    Mar 2005
    المشاركات
    5,623
    اللي يثير الاستغراب هو اعلانات التوظيف في جرايدنا المحلية .. الاعلان مجهول لا اسم للشركة ولا وسيلة تواصل غير بريد الكتروني مجاني من جوجل او هوتميل.. شركة تخاف تذكر اسمها وتطلب معلوماتك وارقامك كيف .. المفروض ماينزل اي اعلان للتوظيف الا بمعلومات كافية عن الشركة

  10. #30
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    صبحك بالخير

    الاعلانات بالجرائد لا تعلن الا مع اوراق ثبوتيه من اي جهه فما اعتقد ان هناك تخوف من اعلان غير صحيح

    لكن ان تعلن جهه دون ذكر اسمها ما اشوف اي شفافيه

    انت جهه معروفه حط اسم جهتك بالاعلان
    ما في سبب لاخفاء اسم الجهه هم هم الي بيقدمون للوظيفه ما بيزيد شي

    اخفاء الاسم يثير علامات استفهام

    يمكن قطري يبي يقدم لو الاسم واضح و جهه مرموقه لكن اذا الاسم مخفي ما بيفكر يستقيل و يقدم لجهه ما يعرف اسمها
    بالمقابل سيكون اكثر المتقدمين من الوافدين و بعدها يقولون ما حصلنا قطري نحطه بهالوظيفه وهذا الموجود فقط وافدين

    صارت من قبل ان اخبار مشاكل ببعض الجهات عن عدم توظيف قطريين او نسبتهم بسيطه مقابل جاليات اغرقت هذه الجهات فليش يخلون الناس تتشكك من اعلانات توظيف بدون اسم للجهه

    حتى الايميل بالاعلان ينحط ياهو او جوجل او غيره مش ايميل الجهه الرسمي

    يعني الاتش ار بهذه الجهات ما عنده اجراءات للتوظيف تحدد ما هو الايميل الرسمي لتلقي طلبات التوظيف او فورما معتمده

    الي مرات يصير ان اذا قبل شخص عبر تلقي اوراقه من ايميل جوجل او ياهو ترسل له الفورما للتعبئه من ايميل موظف رسمي من الجهه

    ليش الفورما ما ترسل له من نفس ايميل جوجل او ياهو الي تم استقبال اوراقه اول مره لو كان ايميل جوجل هو المعتمد من الجهه للتوظيف و التلقي و المتابعه

    بعدين قولوا لبش التشكك من اخفاء اسم الجهه بالاعلان

صفحة 3 من 3 الأولىالأولى 123

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •