صفحة 2 من 3 الأولىالأولى 123 الأخيرةالأخيرة
النتائج 11 إلى 20 من 30

الموضوع: عصابات خلف عروض التوظيف الوهميه

  1. #11
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    سنوات شفنا ناس وايد تدخل بالتجاره و تطلع مديونه او فاقده اغلب ادخارها و تضيع سنين ذهبيه من شباب ما كان عليهم تكاليف حياتيه و اسر صغيره وقتها
    ما يطلع من تسديد الديون الا اسرته كبرت و زادت مصاريفها و فقد فرص الادخار و الاستثمار بشكل كبير الا من رحم ربي

    التجاره تبدأ بتجربه صغيره غير مكلفه اول لتحديد ان كانت مناسبه للشخص كمتابعه و اجتهاد هو راغب فيه
    و منها يتعرف على العقبات و المشاكل وحتى لو خسر بيكون مبلغ صغير لكن ان توفق بها يمكن توسيع النشاط اكثر و الاستثمار بها دام هالتجاره ناسبته

    يقول صديق انه بدأ بمحل نطاطيات و العاب اطفال و اختار بضائع للاوروبيين و مناسباتهم و ضل سبع سنوات الى ان انشهر اسم محله بين الاوروبيين وصار يجونه حق كل شيء
    فتح فرعين زياده و طلع تقاعد مبكر يقول المحل الواحد يدخل ستين الف تقريبا زايد ناقص
    لكن اول سبع سنوات كانت بتعب و جهد و بحث عن بضائع معينه و افضل الاسعار من شركات امريكيه و صينيه و سعر جمله وحتى موظفين العاب خفه اليد تعاقد معاهم الخ

    يقول ما في تجاره تخسر الا اذا اهملتها او خليتها بيد غيرك يلعب بها ولا يهتم الا بربحه هو

    و انا اقول مش كل من فتح تجاره بيربح الا اذا بدأ صغير و تعلم اكثر و عرف طريقه بشكل افضل
    99% يخسرون و 1% ينجح
    و الناس ما تشوف ولا تتكلم الا على الي نجح و ترمي بنفسها بالتجاره دون دراسه مخاطرها الكبيره
    تخيل تفتح محل و ديكورات و بضاعه مكلفه و تخسر و تضل سنوات تسدد ديونها وما تقول لاحد انك مديون بسبب سوء اداره التجاره او فشلها منعا للاحراج النفسي
    وهذه توقفك عن الادخار و الاستثمار بأمور اخرى كان ممكن تربحك و تطورك ماديا

  2. #12
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    يمكن اطيل بالعليقات لكن لاكمال الصوره عن الادخار و الاستثمار

    احنا كقطريين عندنا فاقد مالي ضخم
    ببساطه لا ضرائب ولا مصاريف كثيره مثل باقي الدول
    في التسعينات كنت اسمع مدرسين اوروبيين يتكلمون عن حجز تذاكر قبل السفر بست شهور عشان تطلع التذكره بسعر اقل بكثير
    كنا نجهل سالفه اشتري مبكرا افضل و كنا ندفع للتذكره قبل السفر بأسبوع او ايام

    الله كتب لنا الدراسه بالخارج و عرفنا اكثر عن نمط حياه الغرب
    بطاقات خصم للمحلات و نقاط مجانيه الخ

    تعلمنا منهم كيف ترفع ادخارك بأمور بسيطه و الان في ناس اشوفها تتصرف بحكمه بهالامور

    دام تشتري من الميره و غيرها بالالاف ليش ما نجمع نقاط الميره
    و بطاقه البنك
    و نقاط نجوم
    و نقاط الطيران وغيرهم ايضا

    لقيت ان شراء مستلزمات لبناء بيت العمر تكلف مئات الالاف فأستخدمت بطاقه البنك و جمعت نقاط بقيمه خمس تذاكر كانت بتكلفني 23 الف ريال
    عندي خطوط جوالات و للبيت و النت و الخدم و ادفع ببطاقه البنت و اجمع نقاط البنك و نقاط نجوم. الخ

    صارت العمليه اوتوماتيك ادفع كل شيء و النقاط تنهال من كل جهه و صارت نوع من التوفير السنوي يتجاوز 30 الف ريال

    سستم امريكي تتبناه كل الشركات بالعالم في اعاده جزء من مالك و استفدنا منه فعلا

    يمكن يعتبر البعض ان هذا نوع من التقشف لكن فعليا هو نظام مكافئه للعميل و يحول الشخص لبروفشنال اكثر في اداره امواله

    يمكن اختيار افضل الانظمه لرفع قيمه المكافئات للعميل
    مثلا بنك بطاقته ما تعطيك الا نقاط للقطريه
    بنك ثاني يعطيك مجال لنقاط تتحول لتذاكر اكثر من شركه او بلا دفع رسوم ضريبه للتذكره او حجز فنادق و سيارات او تحولها لنقاط نجوم ايضا

    بيكون خياري البنك الثاني مع دراسه نسبه المرابحه للسلف ايضا عشان احقق توفير من السلف و توصل الى 45 الف ريال لو سلفه بمليون ريال بس عشان نسبه المرابحه اقل ب نصف ظھطœ

    العمليه غير متعه كمتابعه لانها بتكون بديهيه اذا تعودت عليها فقط بتصير بروفيشنال بأدارتك الماليه

    صرنا مثل الغربين بأستخدام افضل العروض و السبل للانفاق و هذا الي يحث عليه الشرع اصلا

  3. #13
    تميم المجد
    رقم العضوية
    2364
    تاريخ التسجيل
    Jun 2005
    المشاركات
    1,768
    الله يجزيك خير على الشرح الوافي ،،،الحقيقة موضوع بيع السيارات ومعرفة ثقافة كل مشتري فكرة ذكية جدا ،،،الله يوفقك

  4. #14
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    هههههه الظاهر موضوع السيارات لفت انتباهك

    كلن و نظرته لهذه التجاره

    قبل كم سنه شريت سياره من اوروبي و عرضتها للبيع بموقع قطري
    اتصل شاب قطري الظاهر حديث خبره بهالتجاره و جلس يكلمني ان الموتر فيه وفيه و اذا جاب لك خمسين بيع بسرعه

    قلت له الموتر كذا وكذا و اعرف ان له زبائن يشترونه فوق السبعين. قال والله انا بالسوق و اعرف هالقطر ما يدفعون هالقيمه

    قلت له لا ماتعرف كل الزبائن و انواعهم
    في زبائن ما مروا عليك و يتصلون يبون موتر و اذا عندك ورقه الفحص و اموره طيبه يقول لك طرش الموتر بالسطحه وخذ 90 الف
    حتى ما يجي يشيك الموتر
    من الصور و ورقه الفحص راضي به

    في عمداء و ضباط كبار و غيرهم كبار سن و مشغولين حدهم ما يعورون راسهم بشيك و بفحص بنفسي
    يشيل و يدفع اعلى من القيمه الي تظنها مناسبه
    و بالمثل الاوروبي يموت على الاودي و الطوارق خصوصا اللون الداكن وانت يا القطري ما تجيب لك 25 الف لو تعرضها لكن هو يدفع الضعف يمكن

    ما ابي اوضح اي مواقع اشتري و ابيع و اعرض عبرها كل سياره لها موقع مناسب تعرضها فيه بحسب صناعه بلادها

    الاوروبي تشتريه من زبائن بموقع كذا و تعرضه بموقع ثاني
    و العكس صحيح مع الياباني و الامريكي

    و ايضا المراكب البحريه اقصد الطراريد تلقاها غاليه بموقع معين وضرب الكف عليها و ضاربتها الشمس لين قالت بس حتى موديلات 2006
    لكن تعال بموقع ثاني فيه اجانب وايد تلقاه اجدد و مكينتين ياماها و غرفه و حمام اعزكم الله و مجدد كامل بمالك امريكي لمعه الفايبر للحين فيه ما ضربته الشمس ارخص بفارق لا يقل عن عشرين او 25 الف بالميت هههه

    برجع لك للمواتر

    تصدق ان في ناس تتصل بي بحكم المعرفه و يقول لي عندي كروزر مال البيت شيله بأي قيمه و جبت بداله جديد
    2003 شد وكاله حتى مسجله وكراسيه ملبسه من طلع من الوكاله
    بعشر الاف

    اتصال من شخص ثاني نيسان 2012 ماشي 116 الف نظيف ورده حتى توايره جداد بخطوطها ب 30 الف
    خليته للدوام ما بعته

    وايد امور تمر علي بحكم تصفح الانترنت و المواقع
    و بحكم ثقه التعامل مع كذا شخص مب فاضيين يحطون اعلانات و سنداره شريطيه و روح فحص الخ

    صارت معاي مرتين ان موترين شريتهم و بعتهم ما لحقت انقل الملكيات بأسمي من البايع للمشتري على طول بس المواتر اخذتهم و غسلتهم مع بولش سريع و اعلنت عنهم

    و موتر كروزر قديم ماشي شوي عند اوروبي غسلته من الداخل بعشر ريال بس و اعلنته و راح بكم يوم بفارق 11 الف زياده

    ما اتعب نفسي بكم الف محدد صفقات ما تقل عن عشره و طالع اقل ما اشتري و ابيع ما عندي وقت ولا سنداره كذا زبون عشان بيعه وحده
    حتى الي بيشتري مني ممكن يربح من السياره لاني اشتري بسعر يفرق كثير عن السوق و ابيع بفارق بسيط عشان تنباع بسرعه ما اخلي الموتر يتم فتره ابدا

    الا الي ابي استخدمه فتره هذا شي ثاني

    جرب هالتجاره. حلوه كهوايه و مربحه بلا تعب حقيقي

  5. #15
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    هذه التجاره تحتاج وعي نوعا ما
    مش بس بيع و شراء لاناس معينين

    تحتاج معرفه بتكاليف اصلاح و صيانه
    موتر جمس فيه تسريب رادييتر يحتاج رادييتر جديد ب 4200 ريال غير شغل يد هذا يخفض سعر الموتر
    بالمقابل في محل معين يصلح ب 450 ريال فقط
    و يغير القطعه البلاستيك للرادييتر و يعطيك ضمان مده معينه و اغلب الزبائن ما تعرف هالامور بالعاده او نساها مع الايام لكن ينزل لك من سعر الموتر يبي يبيع و يفتك


    في اجانب تفنشوا و يبون يبيعون ممتلكاتهم بسرعه و يسافرون هالايام
    تعال تصفح مواقعهم و بتلقى عجايب من مواتر و طراريد و دراجات الخ

    اذا عندك قدرات مفاوضه و معرفه بردات فعل الشخص تقدر تحدد كم ممكن يتساهل معاك بالسعر
    حتى شكلك لما تقابله ممكن يأثر. يعني ما تجيه بلكزس و كاشخ و تبي تشتري موتر و تفاوض عليه

  6. #16
    تميم المجد
    رقم العضوية
    2364
    تاريخ التسجيل
    Jun 2005
    المشاركات
    1,768
    اقتباس المشاركة الأصلية كتبت بواسطة ابو عبدالله. مشاهدة المشاركة
    هههههه الظاهر موضوع السيارات لفت انتباهك

    كلن و نظرته لهذه التجاره

    قبل كم سنه شريت سياره من اوروبي و عرضتها للبيع بموقع قطري
    اتصل شاب قطري الظاهر حديث خبره بهالتجاره و جلس يكلمني ان الموتر فيه وفيه و اذا جاب لك خمسين بيع بسرعه

    قلت له الموتر كذا وكذا و اعرف ان له زبائن يشترونه فوق السبعين. قال والله انا بالسوق و اعرف هالقطر ما يدفعون هالقيمه

    قلت له لا ماتعرف كل الزبائن و انواعهم
    في زبائن ما مروا عليك و يتصلون يبون موتر و اذا عندك ورقه الفحص و اموره طيبه يقول لك طرش الموتر بالسطحه وخذ 90 الف
    حتى ما يجي يشيك الموتر
    من الصور و ورقه الفحص راضي به

    في عمداء و ضباط كبار و غيرهم كبار سن و مشغولين حدهم ما يعورون راسهم بشيك و بفحص بنفسي
    يشيل و يدفع اعلى من القيمه الي تظنها مناسبه
    و بالمثل الاوروبي يموت على الاودي و الطوارق خصوصا اللون الداكن وانت يا القطري ما تجيب لك 25 الف لو تعرضها لكن هو يدفع الضعف يمكن

    ما ابي اوضح اي مواقع اشتري و ابيع و اعرض عبرها كل سياره لها موقع مناسب تعرضها فيه بحسب صناعه بلادها

    الاوروبي تشتريه من زبائن بموقع كذا و تعرضه بموقع ثاني
    و العكس صحيح مع الياباني و الامريكي

    و ايضا المراكب البحريه اقصد الطراريد تلقاها غاليه بموقع معين وضرب الكف عليها و ضاربتها الشمس لين قالت بس حتى موديلات 2006
    لكن تعال بموقع ثاني فيه اجانب وايد تلقاه اجدد و مكينتين ياماها و غرفه و حمام اعزكم الله و مجدد كامل بمالك امريكي لمعه الفايبر للحين فيه ما ضربته الشمس ارخص بفارق لا يقل عن عشرين او 25 الف بالميت هههه

    برجع لك للمواتر

    تصدق ان في ناس تتصل بي بحكم المعرفه و يقول لي عندي كروزر مال البيت شيله بأي قيمه و جبت بداله جديد
    2003 شد وكاله حتى مسجله وكراسيه ملبسه من طلع من الوكاله
    بعشر الاف

    اتصال من شخص ثاني نيسان 2012 ماشي 116 الف نظيف ورده حتى توايره جداد بخطوطها ب 30 الف
    خليته للدوام ما بعته

    وايد امور تمر علي بحكم تصفح الانترنت و المواقع
    و بحكم ثقه التعامل مع كذا شخص مب فاضيين يحطون اعلانات و سنداره شريطيه و روح فحص الخ

    صارت معاي مرتين ان موترين شريتهم و بعتهم ما لحقت انقل الملكيات بأسمي من البايع للمشتري على طول بس المواتر اخذتهم و غسلتهم مع بولش سريع و اعلنت عنهم

    و موتر كروزر قديم ماشي شوي عند اوروبي غسلته من الداخل بعشر ريال بس و اعلنته و راح بكم يوم بفارق 11 الف زياده

    ما اتعب نفسي بكم الف محدد صفقات ما تقل عن عشره و طالع اقل ما اشتري و ابيع ما عندي وقت ولا سنداره كذا زبون عشان بيعه وحده
    حتى الي بيشتري مني ممكن يربح من السياره لاني اشتري بسعر يفرق كثير عن السوق و ابيع بفارق بسيط عشان تنباع بسرعه ما اخلي الموتر يتم فتره ابدا

    الا الي ابي استخدمه فتره هذا شي ثاني

    جرب هالتجاره. حلوه كهوايه و مربحه بلا تعب حقيقي


    ماشاء الله عليك والله يرزقك على قد نيتك الطيبة.فعلا موضوع بيع السيارات وشراءها عجبتني..الحقيقة أفكر من مدة في اي مصدر دخل إضافي ولو تساعدني كيف أبدا يكون تكرم وفضل منك..

  7. #17
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    مساء الخير

    لا تكرم ولا فضل. بالعكس أؤجر عليها بأذن الله

    و محد بيأخذ رزقي كله مكتوب و محفوظ

    روح على موقع قطر ليفينج و تصفح الدراجات و السيارات و المراكب هذا للاجانب ما له حل وكل كم يوم بتحصل معلن و شغله ملفته جدا

    و موقع مزاد للقطريين و العرب

    شوف فرق الاسعار بالمراكب مثلا
    و شوف فرق السيارات و الممشى حتى يفرق كثير بين بعض مواتر قطر ليفينج و مزاد

    الاوروبيين ما يعرفون مزاد. ودوم بقطر ليفينج لانه بمحادثات و امور اخرى فدوم فيه

    قطر سيل دائما تحصل الاسعار اعلى بخمسه و عشر الاف لان الكل يعرف ان الي بيتصل و يشتري بيفاوض و ينزل شوي فالكل حاط اعلى شوي

    ولا ادخله حتى فقط للمقارنات بالسعر بين موقع و موقع عشان اقيم موتر لاقيه و احدد متوسط السعر العادي للموتر و افاوض على اقل عشان اشتريه

    ما كنت بأذكر مواقع و كيف اقيس الاسعار لاي شي بشتريه. بس لانك سألت فجاوبت

    نصيحه. اذا بتبيع او بتشتري شي لا تذكر للشخص وين يشوف الاسعار لنفس السياره مثلا. خله بروحه يجتهد و يدور ولا توضح انك وسيط اصلا

    في البحث عن موتر الكل يعرف ان الممشى و قله الحوادث تفرق بالسعر

    لكن في امور ثانيه تجذب المشتري مثل المغناطيس

    اذا الكراسي ملبسه ع طول بيعرف ان الكراسي نظيفه مثل الوكاله
    الموتر قبل الغسيل و البولش وما بعده بيفرق الاف الريالات بالسعر حتى لو فيه صبغ لانه بيتسنفر و يصير المصبوغ بنظافه الصبغ الاصلي و الشاري ما بيركز في صبغ رفرف او الباب دام الصبغ نظيف فبيقبل بنظافه الموتر ككل مع علمه بوجود صبغ طبعا


    قبل لا تشتري اعرف اذا راعيه يشيك بالوكاله او لا لان من المواصفات لما تبيعها بتذكر انها تشييك وكاله و غير اي شيء يحتاج تغيير. زيت فلتر زيت جير او بلكات الخ
    مجرد كم مئه ريال بتساعدك في رفع مواصفات الموتر من الصيانه و عدم الحاجه لاي صيانه بعد البيع

    بعض العيوب تعطيك مجال للمفاوضه مثل لمبات الاير باق دوم تولع بالتويوتا الكروزر القديم و الكامري و السبب قطعه ب مئه وشوي بالسكان و البعض يضطر يبيع بسعر اقل بكم الف بسبب هذا العيب دام لمبه الاير باق مولعه
    هذا التويوتا وله محلات معينه تصلحه
    و الجمس كذلك له اماكن معينه تصلح عيوب معينه بدون ما تدفع كثير للوكالات

    لكن لما بتشتري موتر بهالعيوب بتشتريه بسعر اقل بكذا الف مع ان التصليح قد لا يكلف ثلاث مائه

    اقوى سلاح للمفاوضه هو كشف الفحص
    لا تروح لطريق سلوى
    روح محل بشارع المطار. هذا يطلع لك كل برغي و يحدد اسعار شغل اليد للتصليح و دائما يطلع الاف تكلفه التصليح بسعره هو طبعا بخلاف سعر قطع الغيار
    البائع بس يشوف التكاليف بيستسلم للمفاوضة ههههه

    اغلب الشباب يروحون لطريق سلوى وهذا خطأ بنظري. لانه زحمه وما يدقق ببعض الامور ناهيك عن عدم تحديد قيمه التصليح بشكل سليم

    اذا بتبيع اوكي لكن بتشتري روح لطريق المطار افضل

    اكثر من هالتفاصيل ما اقدر اكتب اخوي

    اطلعتك على بعض الامور الاساسيه و انت ومجهودك

  8. #18
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    آخر معلومه اذا بتدخل بتجاره المراكب

    احذر من انواع معينه من المكاين

    جونسون و ايفنرود وكالاتها سكرت فما لها قطع غيار و الكل يبيع ومحد يشتري و بتلقاها برخيص
    مكاين ميركوري صيانتها مكلفه اكثر من باقي المكاين

    فقط ادخل على الطراريد موديل 2009 وطالع و مكاين سوزوكي و هوندا و ياماها موديلات 2012 وطالع

    تو ستروك ارخص من فور ستروك لان الزيت مكس مع البترول

    احجام الطراريد لا تقل عن 24 قدم ولا تطلع فوق 31 قدم لان الاصغر يكون نحيف كطراد و مساحه و الاكبر بيعته صعبه و ناس قليله تشتريه و يحتاج مكاين كبيره فحتى سعره اغلى و يصرف بنزين و صيانه اكثر

    ادخل على قطر ليفينج قسم السيارات و تحته قسم للمراكب. شوف طراد ابيض و ازرق. هذا انباع من كم يوم قبل لا اروح اشوفه
    انباع ب 55 الف او اقل شوي
    مكينتين ياماها 100 حصان و حمام اعزكم الله و مطبخ و غرفه ونظافه شي عجيب

    تفصيل الطراد و مساحاته من افضل الخيارات لاي مشتري ولا برغي فيه صدأ و صيانه جديده

    هذا لو انا شاريه ما ابيعه اقل من 75 الف
    قارن هالطراد بطراريد في مزاد
    2006 مكاين ميركوري قديمه و حالته لله طالب 75 الف. لا حمام تكرمون ولا كراسي الخ

  9. #19
    تميم المجد
    رقم العضوية
    2364
    تاريخ التسجيل
    Jun 2005
    المشاركات
    1,768
    جزاك الله خير ورحم الله والديك..كفيت ووفيت يا الغالي..
    لكن هل تعتقد في اوضاعنا الحالية سوق السيارات والطراريد ماشي؟لان الحقيقة هالنقطة بالذات افكر فيها

  10. #20
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    الطراريد ما بتحصل شي تشتريه كله ينباع الا الي رافعين السعر كثير
    شوف مزاد اذا ما لقيت طراريد خربه و مشلحه تنعرض بعشرات الالاف و بعد في ناس تسوم و تفاوض عليها

    و موديلات قبل 2009 بمكاين قديمه و طالبين فوق الثلاثين الف و بعضهم 75 الف الي فوق 29 قدم

    انا ادور لي طراد ما لقيت شي عدل كله ينباع بسرعه و البقيه ما يصلحون و مبالغين بأسعارهم

    قطر كلها تدور طراريد هالفتره

    لما لقيت طراد حق واحد امريكي الي قلت لك عنه. انباع ع طول ما لحقت اروح اشوفه حتى. كان صيده والله و طيره اول مشتري شافه

    السيارات في لها بيع و شراء لكن انواع معينه هالفتره مع كورونا

    نيسان باترول 2014 و كروزر موديلات 2016 و طالع ماشي سوقها ما يوقف حتى كروزر موديل ما قبل 2007 بعد له سوق و بيولع شهر عشره اكثر خصوصا النظيف و جير عادي

    اذا لقيت كروزر قديم بقطر ليفينح مش مبيوع علمني لان كل ما اسوي سكان على هالموديلات القاها انباعت ع طول مال اجانب و ماشيين قليل

    عندك الدراجات الهارلي ماشيه بعد
    عندي وحده اخذتها من سنه و تحسفت ابيعها سبشل ادشن و سعرها كان ممتاز وممشاها زين و للحين لو ببيع بتجيب عشره او اكثر زياده
    موديل 2014 الي بدأوا يركبون عليها الوكاله تشغيل بدون مفتاح. برموت
    هي اقوى محرك بالهارلي. بورش ديزاين

    عندك الجمس 2014 و طالع له سوقه بعد و ابعد عن 2013 ونازل خلاص راح طوره

    هذه المواتر تشتريها من اجانب و تعرضها لاهل قطر

    اما الي تشتريه من اهل قطر و تبيعه للاجانب الكامري 2014 و طالع و الالتيما 2013 وطالع

    عندك تويوتا برادو 2013 و طالع يموتون عليه الهنود و الباكستانيين الي يشتغلون بالبترول و مسؤولي شركات و مشاريع

    الهايلوكس اذا صدت واحد اقل من خمسين الف هذه نعمه هههه الموديلات القصه الجديده كم سنه قبل يعني

    البيك اب الكبير ميستوبيشي و تويوتا ثلاثه طن و نص. نادر من يعرف سوقهم لكن البيعه الوحده تطلع لك 12 الف بالراحه تحصل كميه تنعرض بمعرض بطريق سلوى من شركات خلصت مشاريعها و تنعرض بقطر ليفينج بفارق 12 الى 15 الف للوحده حتى لو ماشيه فوق 200 الف كم و صار اني اشتريت وحده من كم سنه بس ب 48 و بعتها ب 62500


    السيارات الصغيره ما اتعب وراها. الكيا فورويل و الصالون المربعه القصه الجديده و هالسوالف ما تسوى الوقت و التعب بالنسبه لي لكن لها سوقها بقوه عند بعض العرب و البنات العربيات يحبون الاكسسوارات و وصله بلوتوث و الايبود بمسجلاتها و الاوبشن حلو فيها وما تصرف بنزين

    لكن ربحها بالنسبه لي ما يتجاوز خمس الاف وما ابي ادخل في مواتر ممكن توقف عندي شهر و شهرين او اتفرغ عن امور اهم عشان هالنسبه من الربح

    كل هالي قلته له سوق و قوي و تحصل فيه صيدات حلوه لكن مش يوميا. العمليه تحتاج تصفح كل ما صار عندك وقت

    انا لو ما عندي امور اخرى اهم كان ركزت على السيارات اكثر لكن الشغل دوامه متعب و بناء بيت العمر و مسؤوليه بيت و اسره و بزنس جانبي ثاني فيه عماله تحتاج متابعه
    و نشاط وساطه عقاريه دخلت مع صديق عنده مكتب كتجربه

    اكثر من كذا الواحد بينشق نصفين ههه

    انت لا تتخوف. دام تشوف ان سياره معينه سعرها التقريبي كذا
    ولقين شخص اجنبي عارضها بسعر اقل و ممشاها قليل و نظيفه و تشييك وكاله وما تحتاج صيانه تفاوض و تنزل اكثر و تعرض بموقع ثاني بسعر اعلى الي يناسبك طبعا

    انت فهمت الفكره و اختلاف سعر المواتر بين القطريين و الاجانب

    الباقي عليك تحدد هل تبي التجربه او تتراجع عنها

    الخيار لك لكن خل ببالك ان اي خساره ما بتكون كبيره بتكون كم الف لو اخطأت بأي شروه و بيعه
    لكن لو جاتك كم الف ربح بتتشجع اكثر و بتحلو السالفه

صفحة 2 من 3 الأولىالأولى 123 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •