صفحة 2 من 3 الأولىالأولى 123 الأخيرةالأخيرة
النتائج 11 إلى 20 من 25

الموضوع: العازل

  1. #11
    عضو
    رقم العضوية
    41517
    تاريخ التسجيل
    Jan 2012
    المشاركات
    286
    وين احصلها هاي العوازل لو ممكن اسم الشركه ورقم التليفون انا مسوي عازل وضمان عليه ومسوي بعد بئر مياه جوفيه احتياط اقل من مستوي البسمنت بمتر ونصف الماي تتجمع فيه واسحبها بنظام دينما غاطس من ثلاث شهور ماسحبت شي والحمدلله لللحين مافي اي تسريبات بالبسمنت لاكن عندي وسوسه شوي بغيت اسوي بعد عازل جدران فقط بالبسمنت قبل البلاستر اكون امنت البسمنت مليون بالميه من اي تسريبات

  2. #12
    عضو
    رقم العضوية
    41517
    تاريخ التسجيل
    Jan 2012
    المشاركات
    286
    https://c.top4top.io/m_1678ifmpy0.mov
    هاي الفديو ارسله لي المهندس البوم للعازل لان الفديو الاول لعازل لاكن نوع مختلف

  3. #13
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    شغل حلو وتكلفته فيه بس يبقى السؤال هذي مواد كيماوية ولازم لها اختبارات صحية وبيئية وموافقات من الدولة .. فوق هذا اللي يخوف فيها طريقة خلطها لو نسبة تغيرت بالغلط استوت ما تسوى شيء والضمان الغير مشروط من الشركة هو أهم شيء .. بس لو بتركبه ركبه للبيسمنت كامل النص التحتي ما بينفعك لو عندك جدار 20 في 20 خل نقول لمساحة 400 متر مربع وعندك ارتفاع 3 متر بيكون عندك مجموع أطوال 80 في ارتفاع 3 = 240 متر مربع في تكلفة 150 ريال بيطلع لك 36000 ريال بعد معقول وتكون متطمن

  4. #14
    عضو
    رقم العضوية
    41517
    تاريخ التسجيل
    Jan 2012
    المشاركات
    286
    الشركه من قبل العيد باسبوعين كان الاصول يسووا البسمنت عندي انا للحين اراكض وراهم واخر شي قالوا بعد عشر ايام لان مواعيدهم مزدحمه معناه اكيد الشركه امورها تمام انا مسوي عقد مع ضمان مع المتخصص واموري تمام معهم واخدوا مبلغهم كامل بعد ماخلصوا شغلهم هاي زياده امان فقط مامحتاج كل هاي المساحه التسريبات كانت بالجدران بمكان بسيط وتم حقن المكان من المتخصصه وللحين ثلاث شهور اظن مافي اي تسريبات

  5. #15
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    انا ضعت اخوي ابراهيم .. إنت تقول حصل تسريب هل التسريب بعد الدفان حول جدران البيسمنت وهو المتوقع؟

    هل هذا العازل بيستخدم من الداخل بدون حفر ومعرفة مشكلة التسريب؟

    يبين لي بنيانك جديد وكثير مستفيدين منه ويجربون منتجاتهم وأهم شيء يسوون شغل مربح لهم .. لكل شيء أُصول وتبغي الأُصول الصحيحة هي حفر الدفان حول الجدران من الخارج وتركيب نظام الفرنش درينيج اللي شرحته وحطيت له فيديوهات كثيرة .. بما إنه فيه ماي هذي ضرورة لإزالة ضغط الماء وتصريفه بعيد

    شيء ثاني ممكن التسريب الحاصل وانت تقول بسيط يكون عزلوا على الفتحات اللي في الجدران وهي فتحات صغيرة فيها بايبات بلاستيك يدخل فيها حديد تدعيم القوالب الخشبية هذي تكون سهلة الاختراق لعدم وجود مادة خلفها ولازم تركب مادة عازلة ايبوكسي أو بعضهم يقص قطعة حديد ويخليها داخل ويحشي فوقها بمادة اسمنتية قوية

    بعدين انت تبغي هذا العازل ما يمنع تبغي غيره ممكن تبغي مواد صلبة مثل أبسطها Corrugated metal sheets بعد ممكنة وفيه نفس النوعية خليط مواد وتعيش بعمر المبنى .. عاد حولها تدفن بكسر حجر وتعزل التربة الجانبية حتى ما تسد بايبات الصرف بقماش خاص يمرر المياه ولا يمرر الطمي وسامحني هذا الحل الأمثل ومن منظور محايد لا انا مستفيد ولا شيء يمكن فايدتي يكون بنيانك صح وصححت معلومة بيثبت الوقت خطأها لك .. حتى العزل الاسمنتي وحطيت عنه صور وتقرير في موضوع مراجعة المخططات المعمارية بيكون كافي لو فيه نظام فرنش درينيج يزيل المياه قبل لتلتصق بالجدران

  6. #16
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    في اوروبا كثيرة الأمطار يستعملون طابوق لبناء البيسمنت ويعزلونه ويسوون نظام الفرنش درينيج من أيام هتلر وعندهم بيسمنت ما فيه مشاكل للحين

  7. #17
    عضو
    رقم العضوية
    41517
    تاريخ التسجيل
    Jan 2012
    المشاركات
    286
    التسريب ممكن يكون السبب وقت الدفان حول البسمنت كان فيه حصي بالغلط بوسط الدفان شمخ العازل هاي الي انا توقعته لاكن انا قلت الحمدالله بعد ماالشركه حقنت اماكن التسريب من ثلاث شهور الحمدالله مافي اي تسريب عندي وقلت انا بسوي هاي العازل زياده امان فقط

  8. #18
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة ابراهيم 2012 مشاهدة المشاركة
    التسريب ممكن يكون السبب وقت الدفان حول البسمنت كان فيه حصي بالغلط بوسط الدفان شمخ العازل هاي الي انا توقعته لاكن انا قلت الحمدالله بعد ماالشركه حقنت اماكن التسريب من ثلاث شهور الحمدالله مافي اي تسريب عندي وقلت انا بسوي هاي العازل زياده امان فقط
    بتسويه من داخل أو من الخارج؟

    كيف عالجوا أماكن التسريب أكيد أزالوا الدفان .. اللي قلته حل طويل الأمد وأقوله وأكرره لكل واحد يبني بيسمنت لا تستخسر نظام الفرنش درينيج حتى لو ما تسوي عازل هذا أهم

  9. #19
    عضو
    رقم العضوية
    41517
    تاريخ التسجيل
    Jan 2012
    المشاركات
    286
    من الداخل لان نفس ماقلت الحمدالله انا التسريب وقف مايحتاج احفر كل الدفان حول الفيلا واسويه وياليت اخ معماري تعطيني فكره عن نظام العازل الفرنش درينيج واي شركه الي تسويه نستفيد منك ان شاءالله بفلل اولادي

  10. #20
    عضو فعال الصورة الرمزية سعود.
    رقم العضوية
    48691
    تاريخ التسجيل
    Apr 2015
    الدولة
    قطر
    المشاركات
    3,545
    كان من الافضل لو ركبت حماية للعازل مثل هذا


    عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”

صفحة 2 من 3 الأولىالأولى 123 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •