صفحة 4 من 4 الأولىالأولى ... 234
النتائج 31 إلى 39 من 39

الموضوع: استفسار بخصوص البناء عظم بلاستر ام تسليم مفتاح !

  1. #31
    تميم المجد الصورة الرمزية doha_vip
    رقم العضوية
    252
    تاريخ التسجيل
    Feb 2005
    المشاركات
    1,027
    اقتباس المشاركة الأصلية كتبت بواسطة معماري قطري مشاهدة المشاركة
    انا استشاريكم هنيه أقول كل شيء بحيادية ووضوح بعض الاستشاريين تابعين للمقاول أو على قد حالهم ما يعرفون شالفرق .. بعض المقاولين يقول لك باسوي الطريقة الشعبية في البناء باصف الطابوق وبعدين ابني الأعمدة ويجملون لك الطريقة لأنها في صالحهم وما تتعبهم لكن البناء كفريم خرساني أفضل وبعدين الحشو بالطابوق بين الأعمدة وهذي المعتمدة في المواصفات القطرية .. بنيانك يتماشى مع التصميم الهيكل مصمم هو يشيل الحمل والطابوق قواطع ليش انا احمل الطابوق أوزان وضغوط الخرسانة وهي تكبر شوي بعد الصب وتضغط وتستوي عندي شلوخ حتى لو مخفية ما تبين الا بعدين

    هذي النقطة استشاريين النص كم يحاولون يسهلونها للمالك ويطبقها المقاول أي تعشيش حتى ما يبين والطابوق يمتص رطوبة الخرسانة وينشفها .. أوقات اللي مثلي لو بيسترسل بيطلع أسباب كثيرة
    ماتقصر يا بوعبدالله .. عساك على القوة

    والله يعطيك الصحة والعافيه على مجهودك ودوم ردودك وافيه .. الله يحفظك

  2. #32
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة doha_vip مشاهدة المشاركة
    ماتقصر يا بوعبدالله .. عساك على القوة

    والله يعطيك الصحة والعافيه على مجهودك ودوم ردودك وافيه .. الله يحفظك
    وإياكم اخواني جميع

    إحنا نكمل بعض وكثير من الإخوان معلوماتهم وخبراتهم كبيرة بدون ما اعدد .. حتى اللي يتكرم ويسأل أو يوضح بصورة مشكلة صارت معاه هذا يخلي غيره يحتاط وينشر المعرفة

    هذا القسم ما شاء الله كتاب متكامل في العمارة كل يوم الكل يشارك في تأليفه وفي الإضافة عليه .. يمكن وصلنا 1000 صفحة بدون ما ندري

  3. #33
    عضو
    رقم العضوية
    52149
    تاريخ التسجيل
    Sep 2017
    المشاركات
    66
    صبحك الله بالخير اخوي بوعبدالله

    انا سويت ذي الطريقة، عاد اغلب الربع لاموني فيها الكل يقولي جان سويت شعبي. بيتي شوي فيه ارتفاعات وانا سمعت اذا البيت فيه ارتفاع يفضّل تبني خرسانة اول بعدين طابوق.
    اقتباس المشاركة الأصلية كتبت بواسطة معماري قطري مشاهدة المشاركة
    انا استشاريكم هنيه أقول كل شيء بحيادية ووضوح بعض الاستشاريين تابعين للمقاول أو على قد حالهم ما يعرفون شالفرق .. بعض المقاولين يقول لك باسوي الطريقة الشعبية في البناء باصف الطابوق وبعدين ابني الأعمدة ويجملون لك الطريقة لأنها في صالحهم وما تتعبهم لكن البناء كفريم خرساني أفضل وبعدين الحشو بالطابوق بين الأعمدة وهذي المعتمدة في المواصفات القطرية .. بنيانك يتماشى مع التصميم الهيكل مصمم هو يشيل الحمل والطابوق قواطع ليش انا احمل الطابوق أوزان وضغوط الخرسانة وهي تكبر شوي بعد الصب وتضغط وتستوي عندي شلوخ حتى لو مخفية ما تبين الا بعدين

    هذي النقطة استشاريين النص كم يحاولون يسهلونها للمالك ويطبقها المقاول أي تعشيش حتى ما يبين والطابوق يمتص رطوبة الخرسانة وينشفها .. أوقات اللي مثلي لو بيسترسل بيطلع أسباب كثيرة

  4. #34
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    صباح النور إخوي بو جاسم

    الله يوفقك شغلك صح وما عليك بعض الناس مصدقين المقاولين اللي يبون راحتهم .. بس انتبه وقت بناء الطابوق له اجراءات لازم يتبعها المقاول مثل تشريك الطابوق نص طابوقة كل صف متداخل .. وشبك الحديد كل صفين طابوق نركب في الثالث والروابط الحديدية بين أي عنصر خرساني ( عمود أو جسر أو سقف ) وصف الطابوق .. ويمكن تحتاج جسر رابط ويستحسن هذا تسويه فوق عتبات النوافذ لو النوافذ عندك بارتفاع 2.6 أو 2.4 بدون مبالغات في الإرتفاع وسقف الغرفة مرتفع زين يجي الجسر الوسطي مع جسر أعلى النوافذ .. وإحتياط لو حاب تقوية مضمونة وضد نشوء أي شلخ ركب حديد رأسي في التجويف كل متر قطعة مع خرسانة في التجويف .. مهم التشريك بزوايا وشبك زاوية بعد وبمسدس خرساني ومسامير خرسانية ما تصدي

  5. #35
    عضو
    رقم العضوية
    55840
    تاريخ التسجيل
    Jan 2020
    المشاركات
    5
    السلام عليكم ورحمة الله وبركاته

    ياجماعة الخير بغيت استفسر اذا حد اشتغل او عنده معلومة عن شركة مقاولات اسمها فافكوتيك صاحبها قطري وعطوني سعر بناء عظم مغري جدا وضمان سنتين على البنيان والمهندسين والعماله كلهم هنود

  6. #36
    عضو
    رقم العضوية
    55840
    تاريخ التسجيل
    Jan 2020
    المشاركات
    5
    تقريبا عطوني سعر العظم 880 ريال

  7. #37
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة alfadhala مشاهدة المشاركة
    تقريبا عطوني سعر العظم 880 ريال
    رتب مواصفاتك عدل حتى للبنيان العظم مواصفات وتفاصيل وحط استشاري مشرف جيد وتابع معاه التنفيذ .. لو صادقين وقت التوقيع بيبين وشوف موضوع العقود لو حاب تطبق ضمان الصيانة أو حساب الكميات المنجزة والمفروض المقاول يحدد لك الكميات وسعر كل كمية ومنها سعر كل مرحلة .. هشكل عقدك بيكون واضح ومريح لك وله

  8. #38
    عضو
    رقم العضوية
    55840
    تاريخ التسجيل
    Jan 2020
    المشاركات
    5
    اقتباس المشاركة الأصلية كتبت بواسطة معماري قطري مشاهدة المشاركة
    رتب مواصفاتك عدل حتى للبنيان العظم مواصفات وتفاصيل وحط استشاري مشرف جيد وتابع معاه التنفيذ .. لو صادقين وقت التوقيع بيبين وشوف موضوع العقود لو حاب تطبق ضمان الصيانة أو حساب الكميات المنجزة والمفروض المقاول يحدد لك الكميات وسعر كل كمية ومنها سعر كل مرحلة .. هشكل عقدك بيكون واضح ومريح لك وله
    مرحبا اخوي معماري طال عمرك عطوني العقود كلها مفصله وقريتها وعطيتها الاستشاري وقالي كل البنود واضحه وتمام والبنود اللي تحفظ حقوقك واضحه وجدول الدفعات واضح وفيه شرح لمرحلة كل دفعه وكل هالامور تمام بس السعر مخوفني وحتى بصراحه الاستشاري قالي السعر يخوف بس انا حبيت استفسر اذا حد يعرف هالشركه حق الاخ محمد احمد العلي رجل ونعم فيه واجهته مره بس ابي اعرف اذا في حد يعرف معلومات عن شغل الشركة

  9. #39
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة alfadhala مشاهدة المشاركة
    مرحبا اخوي معماري طال عمرك عطوني العقود كلها مفصله وقريتها وعطيتها الاستشاري وقالي كل البنود واضحه وتمام والبنود اللي تحفظ حقوقك واضحه وجدول الدفعات واضح وفيه شرح لمرحلة كل دفعه وكل هالامور تمام بس السعر مخوفني وحتى بصراحه الاستشاري قالي السعر يخوف بس انا حبيت استفسر اذا حد يعرف هالشركه حق الاخ محمد احمد العلي رجل ونعم فيه واجهته مره بس ابي اعرف اذا في حد يعرف معلومات عن شغل الشركة
    الله يوفقك ما عندي فكرة عنها مع إني أعرف غالبية العلي إذا العلي المعاضيد عيال عمي .. بس مستغرب المفروض بنود العقد يحددها الاستشاري والمقاول يحاول يحط بدائل لو عنده أو يوافق على كل الموجود والسبب إنك تعرف التسعير عدل وتقدر تقارن

    الأسعار وايد رخصت والشركات تبي شغل تنزل سعرها غصب .. السعر ما يخوف بالعكس معقول .. أحسن شيء تشوف شغل ألحين الشركة تسويه ولو تكلم شخص سووا له بنيان وخلصوا بيكون أحسن هو بيعطيك الراي الأكيد

صفحة 4 من 4 الأولىالأولى ... 234

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •