حتى لو ما كان فيه نظام شفط قريب وكان فيه سياج قوي ضروري يكون العمق مدروس بحيث ما يغرق الشخص البالغ وضروري تكون فيه تيوبات انقاذ بارزة وقريبة للكل مع حبال لسحب أي بالغ نازل ينقذ طفل مثلاً
حتى لو ما كان فيه نظام شفط قريب وكان فيه سياج قوي ضروري يكون العمق مدروس بحيث ما يغرق الشخص البالغ وضروري تكون فيه تيوبات انقاذ بارزة وقريبة للكل مع حبال لسحب أي بالغ نازل ينقذ طفل مثلاً
حبيت اضيف إن السلامة والأمان من صميم التصميم والتصميم لأي منشأة يتطلب اجراءات استخدام واجراءات سلامة ومن واجب المصمم ايضاحها وبعضها معروفة بديهياً .. فلا يمكن تحمل مبنى عادي أحمال فوق طاقته وتلوم بعدين المصمم .. أو تحمل خط كهربائي فوق طاقته وتسبب في حريق وتلوم الكهربائي .. نفس الشيء لتبني بحيرة في موقع عام بدون احتياطات وحمايات وتلوم طفل سقط فيها
أذكر لقاء عابر لي مع رئيس قسم الطرق في البلدية سابقاً أيام الزمن الجميل
ذكرت له ملاحظة سلامة لي وهي الخرسانات العمودية الموضوعة حول الإشارات لحمايتها في حال انحراف سيارة نحوها وعاد كيف ركاب السيارة يعيشون بسلام أو بعاهات مستديمة أو ينتقلون لبو هامور .. قال لي ومن قال للسايق يدعم؟ وكأن السائق صدم بإختياره .. إذا هذا تفكير مسؤول كبير وكان أكبر مسؤول عن الطرق وقتها فما نتوقع من البقية .. لا وهذي الأعمدة ما زلنا نشوفها في طرقنا للحين
لكل أجل كتاب هذا قدرهم الله يرحمهم ويصبر أهلهم ويجعلهم من ورثة جنات الفردوس قدر الله وما فعل
شيء أكيد إختي أُم أحمد بس الإنسان يدرس المخاطر ويتقيها باحتياطات ضرورية تمنع سيناريوهات عديدة .. مثل اللي صار في لبنان قمة اللا معقول .. شلون حكومة تخزن كميات رهيبة في الميناء وهذا متى بعد إعتداء اسرائيل في سنة 2006 .. خبراء المتفجرات والمتعاملين العاديين معاها يعرفون قدرتها التدميرية وفوق هذا الساسة والمسؤولين يعرفون إن إسرائيل ممكن تفتعل أي سبب ويمكن تصير مناوشات بينها وبين حزب الله .. ممكن عملية تخريبية الإحتمالات كثيرة
في 2006 ضربوا المطار والمطار على مسافة قريبة من الميناء واستخباراتهم قوية وخيانات الجهة الثانية كثيرة عادي أي شخص يبيع معلومات لإسرائيل وتستغلها في مثل هذا الحادث لإحقاقات سياسية
اللي حبيت اوصله أكيد يومنا مكتوب ورزقنا محسوب بس بعد لازم نعقلها ونتوكل .. على نفس المبدأ عيل كلام مدير قسم الطرق صحيح يوم قال من قال للسائق يدعم الحاجز .. وبنفس المبدأ من قال لصاحب سيارة يطيح في حفرة غير محمية .. وهذا يومه والحادث قدر مكتوب عليه من رب العالمين
بعض الناس يقولون ليش تحط طفايات في بيتك هذا فال شر؟ هذي صراحة عقليات وتفكير رجعي وبعيد عن اعقلها وتوكل وإحتياطات الأمان واجبة وواجب الالتزام بها
الله يرحمهم ويغفر لهم
خبر مؤلم
ياليت مثل هالاخطاء ماتكرر في هالمشاريع وغيرها
ارتقوا فإن القاع مزدحم
الله يرحمهم اهمال واضح وفي نفس الوقت المكان غير مزدحم اصلا وليس مكان للهوا و اللعب ولكن هذا الطفل ذهب للنافورة و جذبته
يفترض سواء المكان مكتض بالناس او لا لابد من عمل شبك للنافورة اقلها ان يمسك الاوساخ ناهيك عن اي مصيبه مثل هذه وارواح ناس
الله يرحمهم ويصبر اهلهم لاحول ولا قوة الا بالله
,
,
مرحبا
الله يرحمه ويغفر له وابنه ويرحم جميع المسلمين
لاحول ولا قوه الا بالله
بلاشك ان أمور السيفتي مطلوبه بكل مشروع
عندي حيره في بعض الأماكن
هذا الهايدبارك وكلنا زرنا الحديقه وبحيرتها وقربنا من الطيور والبط
شي يدعوا الى الاستغراب
مافي أي سيفتي نهائيا انا أتذكر لما تقرب من الحد الماي يكن في تدرج بالعمق
المطعم هناك فيه حاجز حديدي
اما باقي البحيره مافيها حواجز الا في مناطق معينه فيها ارتفاع
وواضح بالبحيره فيها منطقه تدرج بالعمق او منطقه ضحله وبعدها العمق
بالنسبه للنوافير كلنا نشوف في اوربا ( مافي حواجز ) للنوافير
وبالصيف الكل يدخل النافوره ( يتبرد) كبار وصغار
لكن السؤال على منطقه ( داخل ) النافوره
العمق
وطريقه تدوير الماي مكان الشفط شنو نوع السستم والسيفتي الي فيه ؟؟؟؟
,
,
التعديل الأخير تم بواسطة شموخ دائم ; 17-08-2020 الساعة 02:47 PM