السلام عليكم ورحمة الله وبركاته
موضوع ترددت أكتب عنه والله يرحم المتوفين ويعين أهاليهم على الصبر والعيش بسلام
أقل ما يقال عنه إنه حادث مأساوي وانا اعتبره مهما صار حادث هندسي كان ممكن تفاديه بتصميم آمن .. التصميم الآمن في هذي الحالات هو وجود وسائل انقاذ .. كذلك سمعت إنهم شفطتهم فتحة تدوير المياه وتنقيتها .. وهذي صراحة أقدر اسميها كارثة تصميمية .. كان الأجدر عمل سياج حول هذي الفتحة داخل الماء حتى لو ما يبين من ألمنيوم حتى يمسك أي شيء كبير قد يغلق الفتحة
جزء مما أُشاهده عن احتياطات أمان للمباني العامة أذكر درسناها في الجامعة كان من ضمنها إن المداخل العمومية للأماكن المزدحمة ما يكون قربها درج .. أما ميلان بسيط أو الدرج يكون بعيد لو صار تدافع لأي سبب كان داخل المبنى وقت الخروج الناس ما يفكرون ولا يركزون وممكن يصير سقوط من البعض ويتكومون اللي وراهم وتحصل وفيات .. وهذا مشاهد وواضح في مباني كثيرة
كذلك الأبواب الرئيسية يجب أن تفتح للخارج وتكون من مواد آمنة ولو انكسرت ما تجرح لأن وقت الحريق يصير اندفاع بسرعة ولو الباب ينفتح للداخل يعرقل الخروج ويضربونه ناس لا ارادياً وممكن يعرقل خروجهم لكن يفتح للخارج وبضربة وحدة يكون له قطعة تضرب باليد في أجزاء من الثانية والواحد يركض الباب ينفتح ويسهل انتقال الناس للخارج
أُمور كثيرة هذا قليل منها وبضيف عليها شوي
|
رد مع اقتباس
المشاركة الأصلية كتبت بواسطة سالم الزهران
