اي والله نقاط سليمه
الفكره ممتازه لضبط الامور والا بنتم في عصر أيواء العماله السائبه
اي والله نقاط سليمه
الفكره ممتازه لضبط الامور والا بنتم في عصر أيواء العماله السائبه
الحل يا اخوي في التنظيم والتقنين
تبي تسوي شغل قانوني لذيلا خل لهم كشك واستراحة في أي مكان في طرف مواقف مثلاً بحيث يكون عليهم مسؤول يجيد التعامل ويعرف مقدرتهم .. محتاج غسيل تتصل بالمسؤول ويكون رقمه بارز ويرسل لك شخص بعدته يغسل وياخذ نصيبه .. محتاج حمالي نفس الشيء .. أما تركهم مهدودين في الشارع وعند المطاعم ليل نهار هذا شيء غلط .. عند المطعم فرضاً يبون يحطون لشخص محطة يحطون له كرسي ومظلة ومكتوب على لافتة كافة تفاصيل خدمته ومبلغه ومن يرغب يؤشر له
بعدين كلنا نشوف المواقف الفاضية وسيارات هالوقت غالبها فيها كيمرات وسنسرات ما فيه داعي يلصق ورا الصدام ويأشر وأوقات يطقطق على السيارة حتى يشجعك تتحرك والسنسر مأذيك ركبته مدخلها فيه
تجارة مربحة
انا ابي اجيب 100 عامل واهدهم في الشوارع يغسلون السيارات ولهم 50% من الربح
شلون ؟
ارتقوا فإن القاع مزدحم
ياريت الدولة تتعلم من ازمة الكرونا اللي مانزال نعيشها وكيف تكدس العمال ساهم في انتشار المرض واوصلنا لاعلى نسبة انتشار في العالم.. عمال الغسيل مايقدمون خدمة لان مغاسل السيارات متوفرة في كل مكان .. البقالات متوفرة وفيها كل شي ليش بيع الماي والجرايد في الشارع.. وفي الاسواق والمجعات الحمالية مالهم داعي قاري جمعية او ماشابه يتأجر بالساعة وننتهي من السالفة
اعتقد الموضوع محصور في نقطة عدم قبول الناس
لانتشار هالفئة من العمالة.. والتركيز عن نقطة الشكل الحضاري!!
الفقر مب شكل حضاري.. فننتقد انسان حتى لو عيونه
وتصرفاته تصر على طلب الفلوس..
اما لهاطين المليارات البيبان تنفتح لهم دام ان الدولة ساكتة
عنهم ومحد يقول شكل حضاري..
ومن ثم..
محد اثبت لنا انهم مخالفين..
وعلى اي اساس نقول انهم مخالفين؟
واذا كانوا مخالفين ليش ما يتم الابلاغ عنهم؟..
الموضوع مب مفهوم ولا له تفسير..
واي تفسير ممكن نطرحه بيندرج تحت بند
اعتقد ويتراوى لي..
لذلك..
اصر على النظر لامثال هؤلاء بالكثير من الرحمة..
مب شرط تعطيه 100 ريال او ورقة زرقة..
ممكن تعطيه
ريال. مطارة ماي.. قوطي عصير.. تفاحة..
واذا الحكومة والجهات المسؤولة شايفتهم مخالفين
فهي المسؤولة عن انتشارهم... لانهم واضحين للعين
مب قمل ما ينشافون الا بالتفلي..
وشكرا لكم..
التعديل الأخير تم بواسطة يمامـة ; 13-10-2020 الساعة 04:47 PM
"حسبنا الله ونعم الوكيل"
كـلنا قطـــر وكـلنا تمـيـم الـمـجـد
ارجع واسأل.. يا اخوي المعماري
ليش مهملين في الشوارع؟
ومن المسؤول؟
لحين الحصول على اجابة على هالاسئلة..
اشوف كوجهة نظر شخصية نرحم حالهم..
فهم في غربة ويستحقون العطف والشفقة والرحمة..
ويابخت اللي نمى بذرة الرحمة في قلبه..
ما بنقول نقطوا عليهم خمسميات او اميات او
خمسينات..
كلها 10 ريالات او 5 ريالات لاهي منقصة من رزقنا
ولاهي اللي بتغنيه.. واللي ما يبي يعطيه بيزات
ياخذ لهم ماي بريال .. عصير.. كوب شاي..
اما النظر لهم كأنهم اشكال مب حضارية..
هالاشكال منتشرة في كل دول العالم
المتحضر وغير المتحضر..
ويحز في النفس لما تشوف الكافر في بلاد الكفر
المتحضر يتبرع لامثال هؤلاء في الشوارع..
واحنا نشمئز منهم ونشوفهم خربوا
برستيج تطورنا..
وشكرا لكم..
"حسبنا الله ونعم الوكيل"
كـلنا قطـــر وكـلنا تمـيـم الـمـجـد
هذا وانت تقولين يا يمامة ان الكافر في بلاد الكفار يتبرع لمثل هاؤلاء
ليش مايكون المسلم في بلد المسلمين مايحن قلبه وهو جايبهم وحاطهم فالشموس و الحر ودرجة حرارة 50 ،، وينة ووين الرحمة كا انسان انتزعت من قلب هذا المسلم اللي تقول عنة الرحمة من اجل ان ينقاسم مع هذا الفقير حتى لقمة عيشة !! هذا مقطوط بالشارع بالعج و الحر و الشمس و المسلم اللي جايبة قاعد بمكتبة بالمكيف و التي بوي يخدم علية يجيب لة الماء البارد ومالذ وطاب من انواع القهوه و الشاي !!!
عن اي مسلم تحدثيني اخت يمامة ؟