ذا شغل نصب واحتيال وغسل اموال
س ؟هل تتواجد هذه الظاهرة بالدول الاوروبية ويكونوا منتشرين بالشوارع والمحلات التجارية ابي افهم بس ليه عندنا بالدول العربية منتشرة عندنا بكثرة ؟ المتاجرة بالعمالة
التعديل الأخير تم بواسطة dammaj77 ; 17-10-2020 الساعة 09:37 AM
قال صلي الله عليه وسلم :" لا يلبث الجور بعدي قليلا حتى يظهر وكلما ظهر من الجور شيئا غاب من العدل مثله حتى يولد في الجور من لا يعرف غيره "
وقال أيضا "من أعان ظالما على ظلمه سلطه الله عليه"
قال تعالى : ( وكذلك نولي بعض الظالمين بعضا بما كانوا يكسبون)
وقال تعالى : (وَلاَ تَرْكَنُواْ إِلَى الَّذِينَ ظَلَمُواْ فَتَمَسَّكُمُ النَّارُ)
اخوي سهم فضة
تعتقد احنا لنا يد بالوضع اللي هم عليه هالعمالة؟
اذا هناك عديم الضمير والانسانية
متربع ومتفشخر في مكانه وكل شي
يوصله مثل ما تقول وهو تحت المكيف..
تبينا نشاركه ونطالب بمنع التصدق او التبرع
لامثال هالعمالة في الشوارع؟
هل بيدي مثلا شي اسويه يرحمهم من هالوضع؟
عني بكل صراحة اعترف اني انسانة عاجزة
في حل مشكلتهم.. واحمل الدولة والجهات
المختصة دراسة اوضاعهم..
هل هم عمالة سائبة كما يدعي البعض؟
هل هم عمالة هاربة؟
هل هم تابعين شركات؟
واذا كانوا تابعين شركات
ليش مافي عقوبة تطال هالشركات
اللي مب قاديرين يوفروم لهم ينوفروم نظيف
وادوات تنظيف نظيفة. وقاطينهم في عز الحر
يدورون سيارة يمسحونها؟!!
بقول لك
الى حين الوقوف على كل المشاكل
السابقة وحلها..
انادي بأعلى صوتي
انظروا لهم نظرة رحمةوشفقة
هذول ناس متغربين.. ناس عزيزين في بلادهم
كريمين عند عيالهم واهلهم..
ما تغرب علشان ننظر له كأنه آفة تشوه
المنظر الحضاري او تخرب البرستيج المتحضر
في بلادنا..
هذيلا ضحايا ومن حقهم علينا نرأف بحالهم..
واللي خايف ان الواحد من هذيلا يغتنون
من فلوس العيايز او اهل الخير.. ابي اقول له
هذا رزق ربنا ساقه له.. فهل تعتقد كل يوم بيلقى
نفس المبلغ؟
واذا حصل نفس المبلغ كل يوم..
شلي ينقص من جيبك؟
او شلي بيزيد على جيبك لو ما محد عطاه؟
مب عاجبتتي لغة النظر لهم انهم شكل غير متحضر
وذمهم والقاء اللوم كله عليهم والتشجيع على عدم التصدق لهم.
لكني ما عندي مانع تنحل مشاكلهم ويردون بلادهم..
"حسبنا الله ونعم الوكيل"
كـلنا قطـــر وكـلنا تمـيـم الـمـجـد
صحيح هذيله ضحايا وليسوا سبب المشكله
للكن لااسف البعض يمسك في الضعيف والقوي كانه مب شايفه!!
.
ياخوي الموضوع ماجاء على العمالة تعال شوف السواقيين لي غسلون سيارات معازيبهم بعض السيارات خارج البيت والاخرى داخل البيت شوف كمية الماء لي فالشارع عند بيتنا من كم يوم هندي يغسل السيارات قلت له اشفيك غرقت الشارع قال بابا هو يقول قلت له روح قول حق بابا اذا ماعنده فلوس يودي السيارة المغسله بعطيه طبعا غير غسل البيوت والماء فالشارع كلها ماناظر تشوه المنظر العام
التعديل الأخير تم بواسطة Rider ; 16-11-2020 الساعة 12:36 PM
يا اخي الدولة مهيب عاجزة عن التفتيش وتوقف كل واحد عند حده.
لكن الي نشوفه تجاوزات باسماء ناس ماهي خايفة عن القانون الي يردع اي واحد يفكر يسوي نفسهم.
مكاتب تاجير الخدم بالساعات او الايدي العاملة الماهرة او شبة ماهرة من فنية او ادارية
اغلبهم هاربين ولاعليهم رقيب او حسيب.
ومن ضمنهم الناس السائبة ف الشوارع والمحلات التجارية يغسلون لك بفوطة وسخة وماء وسخ وكلكم شفتوهم منتشرين الفترة الاخيرة بكثرة.
وتوهم متكلمين ف الموضوع حاليا ف تويتر هروب الايدي العاملة للاسف لاغلب الشركات الكبار والقانون عمل لصالح الشركات الكبار والصغار الي الي هم متوهقين وخسرانين وقت ومال وجهد.
واذا استمر الموضوع ع نفس هذا المنوال راح يهدمون شركات صغيرة او متوسطة ف الدولة وجهد الدولة خصوصا من بنك التنمية من تطوير وتحريك السوق التجاري وجذب الشباب في العمل والتجارة
فعلا هذي الظاهره لازم يشوفون لها حل
ازعاج مابعده ازعاج
ويصر انك تغسل السياره عنده
واذا رفضت يعرض عليك تنظيف القزاز فقط
انا ارفض لان تنظيفهم ينرفز ومب نظيف
فاوفر على نفسي عناء التكليف والاستفزاز
لكن المشكله انتشارهم الرهيب
والازعاج المستمر بالسؤال والرد والاخذ
المفروض يعملون تحت اسم شركة من الشركات
اما اللي صاير مافيه اي تنظيم
سبحان الله وبحمده