مرحبا اخوي معماري ماقصرت الله يجزاك خير
مرحبا اخوي معماري ماقصرت الله يجزاك خير
اخواني بخصوص الاستايل والله مستخسر اني ما اسويه يعني مسوي عليه d3 وتصميم وجايز لي
وهو الي متحدي فيه منظر البيت انه يكون الاجمل واخر شي ما اسويه.
فحاول قدر استطاعه اني اعمل الي اقدر عليه ولا اخسر فلوس التصميم الي انعمل والجهد الي راح.
للاسف هنا محلات واغلبهم مايخافون الله ف السعر الي ينعطى ابدا وياليت مواصفاتهم زينة او شغلهم زين .
صديق لي حاليا في الصين عرفته عن طريق السوشل ميديا ارسلت عليه البيانات رد علي بعرضين سعر من شركات كبيرة عندهم صدمني بالسعر صراحة لكن متخوف من المقاسات تكون غلط والتركيب لو اخذته من الصين من الي راح يركبه لي عطاني تقريبا بدون مبالغة سعر شركتين يمكن ولا نص سعر متر الي هنا ولا حتى جاء ربعه او اقل مع مواصفات افضل بكثير في الصين.
غير هذا هل لو ماقدرت اني اسوي الدربزين الزجاجي هل فيه حل اني اسكر ب سمنت بورد ع شكل الدربزين دائري وبعدين اركبه اذا توفرة الفلوس عندي
يا اخوي في العادة الدرابزين يسوون لك تصميم الشركة اللي بتنفذ بس دوم المنحني لو فيه دوائر على شكل ورود تحصل النهايات مقصوصة جزئي وتطلع غلط ويكون شيء محبط .. الزجاج تصميمه سهل ومستغرب شلون دفعوك على تصميم ثري دي أكيد هذا مصمم انترير .. حتى الارتفاع 1 ونص متر كبير درانزين بيتي كان 90 ورفعته ل 110 سم بدون تكلفة اضافية بس كان من الأساس مكلف
عطتك الحلول وهذي الشركات يبي لها زيارات ومفاوضات تلفون شغل اللي عندنا ما يهتمون له والزيارة في المحل المدير يتابعهم غصب يشتغلون .. معمارياً أشوف كل الحلول ممكنة الا حل السمنت بورد
مرحبا اخوي معماري بخصوص المتر ونص ارتفاع انا متعمد ك أمان وسيفتي للاطفال انه مايقعد يطل من فوق الى تحت
ذكرت لك اني رفعته ل 110 سم ونسيت اقول انه لهذا السبب .. الياهل من يرتفع فوق 110 يكون عاقل ويحسب العواقب صح .. مع إني تفاجأت بولدي وهو حول ال 14 - 15 ينط من بسطة الدرج المرتفعة حول مترين وستين سم على كرسي تحت .. قبضة اليد يسوونها على 90 سم ولو كان مرتفع بحدود 20 فوقها وبالكثير 30 كفاية .. لكن ولد قادر وفيه قوة وناوي يسويها يطب من فوق بيقدر حتى لو سويت مترين