لاتوجد وظائف ؟!؟
خريجون وخريجات قطريون من أفضل الجامعات في العالم بدون وظيفة؟!
ليش؟!
من المسؤول عن ذلك ؟!
لاتوجد وظائف ؟!؟
خريجون وخريجات قطريون من أفضل الجامعات في العالم بدون وظيفة؟!
ليش؟!
من المسؤول عن ذلك ؟!
زايدين عن حاجة سوق العمل او ربما خطة الاستيعاب ما غطتهم، انا مشتري اثنين جكن بيرقر من بايع مواطن معه بزنس ادمنستريشن من أمريكا. طبعاََ هذا الكلام خارج قطر. لكن لاحظوا اني اذا جفت المواطن يشتغل بمحل بيتزا ويجيد عمله (اوقف اصفق له)، بس اذا ولدي يمكن ما يعجبني اشوفه في هالمكان.
فاهمية العمل وقيمته الحقيقية بالنسبة للشاب تكمن في المدخول وبالنسبة لاهله في الأسم والرنة.. (محامي زين) لو انه براتب ضعيف. لكن مندوب مبيعات (مب زين) لو ان راتبه 40.. اقل شيء عند الناس.
عموماََ نصيحتي للشباب يتفاءلون ولا يقعدون بالبيت، شارك المجتمع انزل واسمع الناس وتعلم واشتغل وظايف بسيطة لين الله يفرجها.
فعلا الشباب بدأ ما ينحرج يشتغل بمثل هالوظايف حتى بقطر
وكثير شباب..حتى مريله المطبخ البسوها بالبيت و يطبخون و فاتحيين مشاريعهم الخاصه او مجرد هوايه
و بعض المقاهي المحليه تتعامل معهم مثلا يقدمون طبق من وصفاته و بأسمه و هالشي من زماان موجود
مع إن بعضهم إذا مو كلهم موظفين بالمؤسسات المختلفه بالدوله
لكن بالاخير هوايه و يحبونها ليش ما يستفيدون منها.
كلامك في غير محله زايدين عن حاجة سوق العمل
انت تتكلم عن مواطنين عددهم قليل ونحن دولة نستورد العماله و المهندسيين و كثير من العاملين على اساس تغطية سوق العمل هناك نقص في سوق العمل ولا تقارن بدول ذات كثافة سكانية
يفترض التنسيق يكون من الدولة هي وجود الاجانب لتغطية نقص وليس العكس ثم نقول زيادة عن سوق العمل
الاساس هو المواطن وخاصة الخريجي الجامعات و المتخصصين و الحاجة لهم الي حاصل ان هناك بطاله و بطاله مقنعه في الدولة لكثر جبل الاجانب على حساب المواطن
يفترض المواطن الكفوء اولا ثم اذا كان فيه نقص واضح يغطى بالكفائات العاليه المستوى من الاجانب و البعض يتحسس من كلمه الاجانب فل نقل غير القطريين
هلا بك اخوي، وجل من لا يخطيء.. ولي تعقيب بسيط وهو اني ما اعتمد المقارنة وقناعتي أن كل خريج مكانه و وظيفته مفروض تكون موجودة، لكن ( كنت اتكلم بلسان المسؤول) .
ولك ان تتخيل الاعذار الثانية.. لكن في الاخير القطاع الخاص له قواعد مصلحية بحته ما تهمه حتى كلمة (مواطنة). فيه دول حجمت وبطأت القطاع الخاص وفيه دول تغولت عليها شركات القطاع الخاص. وفيه من وجد حل وسط ويرضي الطرفين.
اغلب الناس تسألك وين تشتغل بس مب الكل يسأل شنو وظيفتك او مسماك
وهذا طبعا له علاقه بثقافة السائل نفسه لو هو اكاديمي بيسألك عن مسماك
لو هو شخص من العامه ماراح يدقق بموضوع المسمى
انا ساعات اشوف محد له شغل يسأل بخصوص الشغل
الا لو راعي الحلال حب يفتح الموضوع
او ناوي يشغلك معاه ( الشخص السائل)
سبحان الله وبحمده
مؤهلات عليا لا حاجة لها أو ما عندهم واسطة أو المسؤول مهمل!
انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة