في وظايف.. بس المميزات مب مقبولة..
او طرق تقديم الاوراق مب في طريقها الصحيح.
او ما عندكم واسطة .
في وظايف.. بس المميزات مب مقبولة..
او طرق تقديم الاوراق مب في طريقها الصحيح.
او ما عندكم واسطة .
"حسبنا الله ونعم الوكيل"
كـلنا قطـــر وكـلنا تمـيـم الـمـجـد
في محاصصه في تمييز الشركات بعقود الدوله
ستجد ان شركات كبيره تحولت لمساهمه و توظف قطريين ليش ؟
تبي خير من الدوله ساند في التقطير و شارك بالربح
دخل معاك مساهمين عشان نقول الكل يربح مش بروحك
تبي فرص تجاريه و استثماريه افضل من غيرك وظف قطريين
البنوك تعتبر شركات خاصه لكن لها بصمتها بالتقطير
شركات عقاريه كبيره تحولت لمساهمه و فيها قطريين بحسب الفرص المتاحه طبعا
و في شركات خاصه ثانيه يوظفون قطريين منها قطر كول لتبريد المناطق
هذه فئه من التجار الي مطلوب منهم توظيف قطريين
يمكن في فئات ثانيه ما تحضرني الذاكره
اسمحوا لي اتكلم عن فوارق موجوده سواء من جهات العمل او المتقدمين انفسهم
بعض جهات العمل يطول فيها التوظيف لاسباب اداريه من روتين او غيرها و تطول اكثر من اللزوم و توصل شهور و اكثر
بتوظف خريج او ثانوي تعال خصص له موظف و لسته بالمهام الوظيفيه يعلمه عليها مش ترميه بمكتب و تقول له تعلم بروحك لان محد فاضي له الا اذا حطيت نظام تدريبي داخلي للوظيفه
من ضمن المهام لازم تحديد الدورات المرتبطه بالوظيفه ما يصير احط واحد في قسم كيماويات او اشعاع ولا ادربه على معلوماتها و التعامل معها و نخليه يتعلم بروحه لين يوقف ع رجله
موظفه تشتغل سبع سنوات ما تدري ان لها حق بعلاوات السكن و الاجتماعيه كامله لان زوجها يشتغل بقطاع خاص و تكتشف بالصدفه ان لها مبلغ كبير بأثر رجعي
و موظفه بالشؤون الاداريه تضل ترفض طلبها لشهور تقول كفايه عليك علاوات زوجك العاليه
لين توصل لمدير ينصف حقها
ليش ما يوجد كتيب للموظف بالحقوق و الواجبات ليش السريه بحقوق مذكوره بقانون الموارد ونعرف ان الموظف مش خبير قانوني يجلس يبحث عن حقوقه مني و مناك
جهات العمل مطلوب منها دورات توعويه او معلومات للموظفين القدامى عن كيفيه التعامل مع الموظف الجديد
مش ينتقدون جدامه عن العمل و يكسرون مجاديفه و عدم معاقبه المهملين و المتأخرين لين يتصور الخريج ان الي يشتغل وما يشتغل واحد كتقييم سنوي
نجي للمتقدم للوظيفه
من البيت لازم يتعلم ان الحياه مش وظيفه عشان راتب و موتر جديد و الحياه سبهلله
في وطنيه و خدمه للمجتمع و خبره عمل و طموح و ادخار و تأسيس اسره
الوظيفه مش مهام وبس. فيها تطوير للعمل بمجهود شخصي و وضع بصمته
مش كل مسؤول وصل بالواسطه. في ناس اجتهدت و تميزت لين انعرفت بالاسم
الاشخاص قدرات شخصيه ومش كل واحد جدامك ما وصل يعني كلكم ما توصلون
اذا مريت بتجربه قاسيه بالعمل فهي من عزم الامور ومش لازم تعامل الموظف الجديد بمثل ما مريت فيه انت
المفروض انك تعرف المعاناه من هذه التصرفات و تعرف آثامها عليك اذا سويتها مع غيرك
مجرد نقاط حبيت اذكرها
كلامك عدل بو عبدالله.. القطاع الخاص في الدول النامية يحتاج تعريفات جديدة.. اما فكرة الزام القطاع الخاص بتوظيف المواطنين فهذه ما تنفع احد..يجوز عند اهل السوق حلول ويجوز عند الدولة حلول ما نعرفها.. وانا اتكلم من وجهة نظر ما افرضها على احد في اي مكان.
عزيز اخوي الزهراني
انا علقت بأن في مجال لانواع من التجار للتقطير وحددت بعض الفئات
مش الكل ينفع يقطر طبعا لكن تضل فرص غير مستغله
ان شاء الله ما اكون داخل عرض بالموضوع ، انا ثانوية عامه ما توفقت بالدراسة الجامعية بسبب التخبطات في جامعه قطر في الفترة الماضيه ، حاولت اشتغل في اكثر من مكان وكان الرد دائما انت ثانوية او فوق المطلوب ، لقيت لي اخ سوداني بيض الله وجهه رضا يقابلني واشتغلت في بنك ، بعدها صار ظرف الفقاعة الاقتصادية او المعروفة بالازمة الاقتصادية عام 2008 ، تبخرت الوعود واظطريت اطلع بعد ما لقيت وظيفة ثانية في قطاع ثاني كمندوب ، مع اني عندي خبرة بنوك دولية و في طوكيو بس ربعنا هنا يشوفون انك ثانويه ويحقرونك ، المهم اشتغلت مندوب سنه ونص في هالجهه لين في يوم صار حادث لموظف وفزعت له ، الموظف من الجالية الهندية ، شاف اني خبير بالحاسب الالي و اللغة توب وقال لي اشرايك تغير قسمك لنظم المعلومات ، قلت له تسوي فيني خير ، انتظر مسؤولي يطلع اجازة ، راح للموارد مع مديره وقالوا نبي جمال معانا وما عندنا قطريين بالقسم .
وافقوا بالموارد و الرئيس التنفيذي الامريكي وافق و نقلت بعد ما سلمت العهدة لزملائي في العلاقات الحكومية ، اشتغلت هناك 4 سنين وكان كل اتصال لخدمة العملاء يجني الطلب من المدراء بالاسم نبي جمال يحل المشكلة ، استحوذت بشكل غير مباشر على 80% من المشاكل على النظام ، وكنت الوحيد اللي الرئيس التنفيذي يثق فيني ويخليني احضر معاه الاجتماعات التنفيذية ، في 2012 طلع المدير وحطوا بداله قطري ، للأسف سفل فيني اسفل السافلين الله يسامحه ، وجاب حاشيه من جهة عملة السابقة هنود و فلبينين ، وقلل من مستواي و لا ترقيت ولا شهادة شكر وانا 5 سنوات خدمة وغيري بشغل اقل مني يتم تكريمهم .
توكلت على الله و لقيت كمصادفة وظيفة في جهة حكومية ، الراتب كان اقل ب حوالي 60% عن راتبي السابق ، ساعات العمل اقل و الصحبه طيبة من اكبر مدير الى اصغر موظف من مختلف الجنسيات ، الراتب اقل لكن والله انه ابرك ب 100 مره ، المدير شاف خبراتي وحماستي ، ولا تردد فمره اني ثانويه ، وعطاني مسؤليات ومهام ، كبار الموظفين الي حوالي مش مخولين انهم يطلعون عليها ، وحطني مسؤول فوق ناس اعلى مني بعدة درجات ، ولا خيبت ظنه ، وانا الان متخصص في مجال في قطر مافي فيه اكثر من 10 اشخاص من كل الجنسيات و اشوف نفسي من ال 3 الاوائل بالمجال ، دخلت دورات تنافسية مع جهات وبينهم جهات عسكرية راقية و جبت الاول في المجال عليهم كلهم .
هذا لأن مديري قدرني و عطاني فرصة اظهر له انه ما أخطئ في الاختيار .
النكتة ان كل الي يحاربوني و يحاولون يقللون من شأني او حتى يهمشوني قطريين جامعيين ، ليش ؟ لأني ثانوية وكاسرهم بالعلم ..
واللي يسندني و يواسيني في اضعف لحظاتي هم الخبراء الاجانب .
المشكلة مش في الاجانب المشكلة فينا أحنا ، نشوف الخبرة والبرستيج والمقام بالشهادة ... وأغلب الي يجونا بشهادات جامعية من اوروبا ما يعرف يكتب موضوع انشائي من 1000 حرف ، تشوفة يتلفت شسوي.
يا أنه غاشش او دافع فلوس أو ان الشهادة مزيفة .
الاصلاح لازم يجي منا احنا المواطنين ..
والسموحة على الاطالة.
كلامك عين العقل القطريين يحاربون القطريين وزمن مايقدر غير الي عندهم شهاده ما شاء الله عليك دام انك مكافحة حاول تدخل الجامعة كلية المجتمع بعدها حول للجامعة تكون مسنود بشهاده و الخبره الي عندك محد يقدر يتكلم معاك او يدور له اعذار الله يعينا جميعا على مرضى القلوب و النفسيه الخايسه وعقدة النقص واعداء النجاح
تم الإرسال من SM-N975F باستخدام Tapatalk
.
.
الاغلب يقدمون على التنميه ، وعقب مايوافقون عليهم ويقولون لهم
انتوا انتسبوا لهالجهه الفلانيه ، يرفضون . . .
في حالة الرفض اسمهم يروح اخر شيء ومقابل هالتصرف . .
يتأخرون وما يشتغلون . . .
اذا من الاساس على التنميه يعني لازم تشتغل وترضى بالامر الواقع . .
لككن اللي عندنا وخاصه هالجيل الجديد يتدلعون ، مايبون اي مكان . . .
ويقولون احنا ما اشتغلنا ومافي وظايف . .
اذا الشخص بنفسه يرفس النعمه ، ( اتكلم عن البعض وليس الاغلب )
.
.
اللهم اغفر لي واجعل الفردوس الاعلى من الجنه داري . . .
هاوي تصوير ومحب للآكل
"
"
تبي مطعم ومحتار وين تاكل ؟؟
اضغط على الرابط واختار اللي يناسبك فـ صفحتي
www.instagram.com/vvsaaa
ولازالت المشكلة !!!