يعطيك العافيةالمشاركة الأصلية كتبت بواسطة Rider
الا الاكيد اخوي ان مافيه تعيينات وموضوع كرونا بعد عطاهم عذر قوي
|
يعطيك العافية
الا الاكيد اخوي ان مافيه تعيينات وموضوع كرونا بعد عطاهم عذر قوي
غير قطري هو لي مايتعين اما القطري يتعين مشكلة اختي ماقلتي من الجهة لي رفضت انتي بس قالتي القطريين وين يراحون اذا مافيه وظائف قالوا قصتك علشان نعرف ونستفيد ونعلق
مساكم بالخير
طلبت موظف سينير بوظيفه تخصصيه و اعرف ان التخصص فيه خريجين قطريين و منهم ذوي خبره لكن ولا سي في جاني لقطري
اما هندي او اوروبي و من هالنوع ليش جهات العمل ما عندهم اوراق لقطريين هل ما قدموا اوراقهم مثلا ؟
رؤساء اقسام بشركات حكوميه من جنسيات آسيويه. خلصوا القطريين ؟
قطريين خفضوا مسمياتهم و درجاتهم الوظيفيه بحجه الهيكله. طيب الي خفضت درجته وهو مستحقها لطول خبرته و خدمته ما فكرت تحطه مكان الاسيوي ؟
اقسام جديده اوجدت لحاجه العمل و تعين اكثر من عشره غير قطريين بقسم بحجه ان بالبدايه يبي لنا تأسيس مهام و تسيير امور و بعدين بنطور قطريين مكانهم
القطري ما عنده نفس الخبره او نحرمه من تجربه تأسيس قسم و اطلاقه و كسب خبره التطوير
مع ان القسم له اجراءات جاهزه و مهام واضحه فليش لازم الاجنبي يستلم و بعدين نفكر بسالفه القطري
مشاريع عظمى بقطاعات مختلفه تنشئ و يتوظف بها اجانب لين تنتهي و تشتغل بهيكله كامله بعدين نتكلم عن التقطير
على مر سنوات جربت اقيس قيمتي بسوق العمل و احتماليه التطور الوظيفي اكثر
كذا جهه تقدم عليها. تحس انك مقدم على المخابرات الامريكيه
مع العلم ان اتصلوا لي شركه مساهمه بوظيفه مدير اداره و قبلوني لكن قلت للمدير العام انا موافق لكن عطني يومين بستخير انقلب وجهه وقال اي اي بعد عندنا مقابلات ثانيه. و اتصال بعدها. قلت الحمد لله من اولها عرفت النفسيه و التعامل عندهم كيف
بعدها قدمت على وظيفه بنفس المسمى بمستشفى ملك للدوله و جديد و وظيفه معروضه بموقعهم. كان هالكلام برمضان
مع ان الوظيفه بنصف مسؤوليات الوظيفه السابقه لكن قدمت الطلب اون لاين الساعه 12 بالليل. ما وعين الا رد الساعه ست ونص الصبح و للحين ساعات الدوام ما بدأت. و الرد يقول هالوظيفه ما تصلح لك و قدم على وظيفه غيرها
حسيت ان الوظيفه كأنها محجوزه مسبقا و طرحها مجري تحصيل حاصل و اجراء روتيني
ايضا قدمت على شركه بمسيعيد و اتصل لي واحد عربي يقول خبرتك ممتازه للوظيفه ومن هالكلام و اول سؤال سأله
انت تقرب للمدير العام لان اسمك مشابه له. قلت له لا. قال سلام عليكم ههههه
و الي اتصل مش من التوظيف من اداره ثانيه يعني الوظيفه موجوده و انا من المناسبين لها لكن موظف غير الاتش ار هو الي بكيفه يحدد و عشان اللقب اتصل يتأكد اذا عندي معرفه مع مديرهم او لا
وين السستم و نظم التوظيف و القوانين المنظمه
انا قرأت عن منصه التوظيف عبر التنميه لكن ايضا اعرف ان قطاعات كثيره لا تقع تحت سلطتهم
قطاع الشركات المساهمه
قطاع النفط و الغاز
قطاع البتروكيماويات
القطاع الخاص و البنوك الخاصه و مكاتب المنظمات العالميه بقطر
اجهزه حكوميه اذا اني مش غلطان. مثل شركه الديار و سهيل سات و لجنه الارث و قطر فونديشن و مؤسسات بكتارا مثل مؤسسه الافلام الخ
الجهات الامنيه و العسكريه
ايش بقى
الوزارات يعني ؟
خلينا القطاعات المهمه حره بخيارات التوظيف و هي اقل نسب بالتقطير مقابل الوزارات مع انها اعلى الرواتب و الامتيازات
طيب. اذا نشوف رؤساء اقسام اسيويين و اجانب بهالقطاعات ما يصير نربط بنك معلومات التنميه عن القطريين بشهادات و خبره و تستقي هالقطاعات من اوراقهم و تعينهم بدل الاسيوي و الكندي و البريطاني
بتقول هذولا خبره. طيب انت ما شفت خبره القطري ولا اوراقه و احيانا تقول ما شفنا قطري قدم عندنا هالوظائف
عيل خلك على نظام توظيفك و وظف الاجنبي و احصر القطريين او بعضهم بوظائف عاديه او بسيطه و اعلن عن نسب التقطير و بس
القانون ما يخالفك انت حر بالنهايه
سؤال يا جماعه الخير
ما شفتوا موظفين اجانب تجاوزوا الستين و للحين شغالين بوظائف و امتيازات زينه
ما شفتوا قطريين خبره و بعضهم شهادات عليا و بوظائف سينير عاديه
هل تعتقدون ان القطري لو راح بلاد هالاجنبي و اشتغل بيصير نفس الاجنبي عندنا و يتجاوز الستين و يفضلونه على ولد بلادهم
لو جلست جلسه صفاء مع مسؤول تحته كم اجنبي وقلت له ليش ما تقطر وظائف اكثر
بعضهم بيقول لك هذا رفيجنا من زمان و عنده عيال يكد عليهم و منهم يدرسون بالجامعات و متكلف مسكين
يا عيني على العطف و الحنان و الاجر العظيم الي بتحصله
و الله ان في هنود و اسيويين ملينو و خرجوا عيالهم من ارقى جامعات كندا و بريطانيا و امريكا و كونوا ثروه ببلادهم من ورى العطف و الحنان هذا
و القطري اذا قطن في العمل كم سنه و يالله يالله وافقوا على تطويره دزوه كليه نورث اتلانتك و يرجع جينير بعد
من الي شفته ان عيال بعض الاسيويين يتخرجون من اوروبا و يرجعون يشتغلون بقطر
يعني تحس ان عندهم نظام ريعي للدراسه و التوظيف على حساب الوظائف عندنا ولا ضرائب ولا شي كل الرسوم تدفعها جهات العمل و فوقها بدل تعليم اساسي اعلى من قيمه كوبونات التعليم للقطري
اذا لقيتوا جنه للاجانب غير قطر علموني
هذا رأي و ليس نقد
و نتمنى ان نطور قطاع التوظيف للقطريين بكل الجهات مش بس بالوزارات
والله ياخوي انا ماعندي قصة في وظيفه ولله الحمد
تخرجت وقدمت اوراقي وتوظفت بكل يسر وسهوله هالكلام كان ايام الزمن الجميل
انا اتكلم عن الجيل هذا ، حديث التخرج يكمل سنه وسنتين ماتوظف
وسبب طرحي للموضوع / جلسه عائلية تكلمنا في موضوع الوظائف غالبية الموجودين عندهم نفس المشكلة لبنت او لولد او لاخ بدون وظيفة
يقدمون على طلب الوظيفة سواء في التنمية او شركات البترول واخص شركات البترول ولايجيهم رد
حياك الله يابوعبدالله
والله انك قلت كل الي ابي اقوله وانا اقرا ردك اعصب واضحك الله المستعان
مثل ماقلت قالت لي احدى الخريجات
اجرى معاها مدير الادارة ( الهندي ) مقابلة بعد واسطة واثناء المقابلة دخل ابن المدير وعرفها عليه وانه مثل تخصصها
وكان الرد حاليا لاتوجد وظائف لكن سنتصل بك مع توفر وظيفة
واخرى قدمت على أربع وظائف وبدون جدوى ومعظم الردود لاتوجد وظائف
الله يكتب لي فيه الخير هم للاسف بعض الوظائف حاطين عليها غير قطري الوزارة طلبت احلال الوظائف سؤ ادارية اوغير لكن الهيئات والمؤسسة والوزارات مانفذت القرار بتمسكين بغير القطري وبعض منهم عدى الستين بعض المسؤولين ياخافون على كراسيهم يقول اوظف قطري بكره ياخذ مكاني
الوظائف الحكومية مصيرها تتعبئ في وقت من الاوقات، بل اللي نشوفه في العالم ان حتى القطاع العام بدأ يخفض عدد وظائفه.
والقطاع الخاص عنده (الأجنبي) بديل أرخص.
بصراحة لو الملف ذا بيدي بتخذ قرارات صعبة ومصيرية، لاني اتمنى اشوف كل الاكاديميين مواطنين وكل الاعلاميين مواطنين و المجاملة ربما ترضي الخاطر لكنها ما توكّل عيش.
اللهــــــم ارحم أخي فايز واسكنه فسيح جناتك وسائر أموات المسلمين
نعم يعقل
اعذرني لكن هذي ما راح تشوفها!!!
انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة
ضوابط المشاركة
رد مع اقتباس