فعلا الشباب بدأ ما ينحرج يشتغل بمثل هالوظايف حتى بقطر
وكثير شباب..حتى مريله المطبخ البسوها بالبيت و يطبخون و فاتحيين مشاريعهم الخاصه او مجرد هوايه
و بعض المقاهي المحليه تتعامل معهم مثلا يقدمون طبق من وصفاته و بأسمه و هالشي من زماان موجود
مع إن بعضهم إذا مو كلهم موظفين بالمؤسسات المختلفه بالدوله
لكن بالاخير هوايه و يحبونها ليش ما يستفيدون منها.
الله كريم
كلامك في غير محله زايدين عن حاجة سوق العمل
انت تتكلم عن مواطنين عددهم قليل ونحن دولة نستورد العماله و المهندسيين و كثير من العاملين على اساس تغطية سوق العمل هناك نقص في سوق العمل ولا تقارن بدول ذات كثافة سكانية
يفترض التنسيق يكون من الدولة هي وجود الاجانب لتغطية نقص وليس العكس ثم نقول زيادة عن سوق العمل
الاساس هو المواطن وخاصة الخريجي الجامعات و المتخصصين و الحاجة لهم الي حاصل ان هناك بطاله و بطاله مقنعه في الدولة لكثر جبل الاجانب على حساب المواطن
يفترض المواطن الكفوء اولا ثم اذا كان فيه نقص واضح يغطى بالكفائات العاليه المستوى من الاجانب و البعض يتحسس من كلمه الاجانب فل نقل غير القطريين
يفضل الغير قطري على الخريجين في الغالب لوجود الفساد الاداري علشان وقت العمل ينضغط على راسه مايقول آاااه ويستمر بالعمل بدون شكوى و الى تعدي المسؤول
هلا بك اخوي، وجل من لا يخطيء.. ولي تعقيب بسيط وهو اني ما اعتمد المقارنة وقناعتي أن كل خريج مكانه و وظيفته مفروض تكون موجودة، لكن ( كنت اتكلم بلسان المسؤول) .
ولك ان تتخيل الاعذار الثانية.. لكن في الاخير القطاع الخاص له قواعد مصلحية بحته ما تهمه حتى كلمة (مواطنة). فيه دول حجمت وبطأت القطاع الخاص وفيه دول تغولت عليها شركات القطاع الخاص. وفيه من وجد حل وسط ويرضي الطرفين.
غالبية الخريجين حتى لو كان متخصص يفضلون القطاعات العسكرية بسبب الرواتب الممتازة
وباقي الجهات الحكومية و القطاعات الخاصة مثل ماذكروا الاخوان في الردود السابقة
واضف الى ذلك شلل الترقيات في القطاعات غير العسكرية