صفحة 3 من 3 الأولىالأولى 123
النتائج 21 إلى 26 من 26

الموضوع: الصحه والسلامه بالقطاع الحكومي مقال يفتح النقاش لاصدار قانون

  1. #21
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    اقتباس المشاركة الأصلية كتبت بواسطة معماري قطري مشاهدة المشاركة
    أذكر عاينت موقع طالبين فيه عمل مظلة حق صناديق خشبية كبيرة يبون يخزنونها فيها على الخريطة عندي هذا موقع هبوط هيليكوبتر وعلى الواقع المكان ساحة مسفلتة واللي طالب هالشيء مسؤول سلامة وأمن يبي يرتب وينظف المنطقة .. قلت له تدري إنكم لازم تزيلون الأخشاب من هنا ولازم تخلون المكان خالي من أي شيء ممكن يطير ويضرب في أي شخص أو حتى في مراوح الهيليكوبتر لو نزلت .. قال عشرين سنة ما نزلت هيليكوبتر قلت مب شرط انت مسؤول تخلي المكان جاهز دوم .. مسكين كان ما يدري إنه مهبط هيليكوبتر .. نفس الشيء فيه أبراج وعمارات فيها مهبط مخصص لازم يبقى دوم جاهز ما يروحون يهملونه وممكن يحطون فيه تكييف اضافي أو يقطون فيه مكتب المدير السابق وبعدين يقولون ما عرفنا
    منو مسؤول السلامه الي قال لك جذي

    هذا يبي له جلسه نقاشيه هههههه

  2. #22
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,554
    اقتباس المشاركة الأصلية كتبت بواسطة ابو عبدالله. مشاهدة المشاركة
    منو مسؤول السلامه الي قال لك جذي

    هذا يبي له جلسه نقاشيه هههههه
    الله يذكره بالخير تصدق لو اشوفه مب عارفه من سنين طويلة وزين كان توفيق من رب العالمين اني ماخذ المخطط العام معاي وشغلي كان بنظام والا لو رايح بدون هالمعلومات كنت منفذ اللي يبغي

    في الشغل تمر مواقف حلوة وغريبة وأوقات نخطيء فيها وصدقني ضربات حظ والا التوجيه من المسؤولين عاين ونفذ اللي يبون حتى لدرجة اني استويت في بعض الأماكن من غير المرغوب فيهم لأني ما امشي لأسباب انا مقتنع بها

    جانا مرة سكتش لتصميم مبنى صغير أيام الفلوس شوي والميزانيات على قد الحال .. فيه مكاتب 5 في 6 بينهم ممر 4 متر يمكن 12 مكتب .. الممر حتى مفصول بأبواب داخلية لأنه المبنى مقسم .. عطاني مسؤولي قال نفذ قلت باراجع اللي طالبين وباعدل مب مقتنع حد يفرض علي مساحات يقول لي شإحتياجه يمكن يبغي مكتب مدمجة معاه جلسة لعشر أشخاص وقاعة اجتماعات أو طاولة مستديرة لعدد معين هذا اللي يهمني ويمكن المساحة ما تكفي .. ويمكن مكتب عادي ويبي السعة والسعة هشكل تكلفة وما تنفع .. طالعني الله يذكره بالخير وكان يدخن دافيدوف وكنا نعلق عليه ليش ما تاخذها الا أول الشهر مع المعاش وقال خلاص خل المعماري الهندي يراجعني

    سلم المشروع للهندي والهندي أقدم مني وكنت أوقات كثيرة اتعلم منه وكان النظام عندنا يدوي طاولات كبار وقلامة حبر ورصاص ومحايات وشغل مزعج .. الربع طبقوا اللي يبونه المستفيدين بالحرف الواحد .. خلصوا وقال لهم المسؤول شوفوا مقاول يسعر شافوا تسعير وكان مبلغ فوق امكانياتهم ذاك الوقت قال لهم نزلوا المساحات 40%

    الغلط الثاني الربع قعدوا يمسحون المكاتب يطيرون الحبر بموس خاص وقصة مزعجة والطول اللي كان ستة نزلوه ل 4 والعرض بقى 5 .. النكتة اللي ضحكتني خلوا الممر 4 عرضه وضحكت جدامهم قلت كلش ما فيه تناسق والريال قال لكم 40% وإنتوا قادرين على 50 ويمكن أكثر سووا الصح وأهم شيء يكون متناسق معمارياً

    يعني نخلي الممر 2 متر أو 2 ونص بالكثير .. نصغر عرض المكاتب 3.5 مناسب والطول ممكن 4 أو 4.5 ويمكن مكتبين رئيسيين نسويهم أكبر أو حسب الاحتياج ولازم نقاش الموضوع مع المستفيدين .. طلع التصميم خنفشاري مرة ثانية ومشى وتنفذ بس ما كان حسب الأُصول الهندسية الصح .. وما زلت كمهندس لي قناعة بأن المساحات تحددها الاحتياجيات والفعاليات ما يفرضها علي مستفيد هو يتدخل في شغلي تدخل سافر .. السرير معروف مقاسه والكرسي والمتطلبات الباقية أي عميل يقدر يقولها بكلمات واضحة

  3. #23
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    جلست اقرأ و اتفكر

    صج تواجه امور تخليك تفكر. انا وين الله قاطني مع هذولا ههههه

    يا اخي انا سبحان الله هالسوالف ان واحد يسوي الي يبي بدون ما يشوف الافضل ما اقدر اقبلها ولا اقتنع بها

    زمان كنت احرق اعصابي عشان اعدل لكن الحين تعلمت اعدل و اخلي الغير يقبل التعديل و التطوير

    الفرق بيني وبينك اخوي معماري اني بقطاع يقبل التطوير اذا وجدوك على حق

    تفهم ما تفهم مشكلتك هههههههههه. اعتقد فاهم قصدي ياخوي

  4. #24
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,554
    أكيد فاهم

    إقرا هذي النكتة والمشكلة أتعامل مع مهندسين ووايد منهم أعلى مني وأكثر خبرة .. بداية استعمال الطابوق الأحمر الطيني مقاول كلمني عنه وشرح مميزاته ومدني باختبارات وشهادات جودة له مع شهادة مختبر للعزل الحراري .. خذت التقارير وكتبت مذكرة داخلية للقسم عندنا ووقعتها وكان توقيعي يعتبر توقيع مبدئي بأني معد المذكرة بس ما تطلع الا باسم المدير .. المدير قراها وقال شعلاقتك بمصنع الطابوق ذيه وليش تبي تدخله عندنا .. قلت ما عندي علاقة ومعلومة حبيت الكل يعرفها قال زين ليش ما تطلب يبنون عندنا جدار عينة ونسوي تجارب عليه .. قلت والله جايب المعلومات من مقاول ووزارات الدولة والقطاع الخاص يستعملونه الا احنا للحين ما ندري عنه .. رفض يوقعها وقمت أحط تركيبة الحوائط الخارجية من الخارج طابوق أحمر وبعدين فوم وبعدين طابوق عادي والتصميم مسؤوليتي محد يقدر يغير شيء فيه وفرضت عليهم المادة فرض

  5. #25
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    ههههههههههه ايش علاقتك

    لو صج لك علاقه محد بيدري اصلا

    لكن الرفض لمجرد الرفض و حرق الاعصاب سمه البعض

    للاسف في جيل تربى على يد اجيال سابقه تستخدم سياسه حرق الاعصاب و الاحباط عشان محد يطلع احسن منهم او يتصدر

    لازم تجي التعليمات من الاعلى عشان يتحركون للافضل و يقبلون التغيير

    كنت اعتقد ان الاجيال الجديده شافت و جربت سلبيات هذه النوعيه و المفترض انها توقف هذه الامور

    لكن للاسف تحصل البعض يواصل نفس الاسلوب مع انه عارف انه حرام و غلط و التطور عندنا يحتاج افضل من هالاساليب

    ترسخت الفكره عند البعض ان هالاسلوب ناجع و افضل كأسلوب تعليم للموظف او خلنا نقول ترويض الموظف

  6. #26
    عضو مؤسس الصورة الرمزية طلعة الروح
    رقم العضوية
    28499
    تاريخ التسجيل
    Sep 2009
    الدولة
    QataR
    المشاركات
    4,490
    اقتباس المشاركة الأصلية كتبت بواسطة sara jsm مشاهدة المشاركة
    هل لازم يكون للفرد تأمين صحي من جهة العمل !؟
    ضمان على سلامته خلال فترة الدوام .. سواء ميداني او مكتبي .. او اي نوع من الاعمال !!؟
    :
    انا اللي اشوفه هبابهم يسون عمليات اخلاء لحرايق وهمية
    يادوب يعطونج تامين صحي حق دخول المستشفيات
    مره طاح كفر الليت على وحده من الموظفات وهي قاعده ع المكتب ومسكينه الله ستر عليها وحفظها
    وللاسف مافي تعويض وحتى لو فيه سياسة اللف والدوران شغاله عند اغلب الجهات
    سبحان الله وبحمده

صفحة 3 من 3 الأولىالأولى 123

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •