اقتباس المشاركة الأصلية كتبت بواسطة سالم الزهران مشاهدة المشاركة
الله يمتعك بصحتك وعافيتك اخونا ابو عبدالله، اذا قالوا (الانسان طبيب نفسه فهذي المقولة ما جات من فراغ).. ووالانسان الحريص مفروض يعرف ردة فعل جسمه واعضاءه حتى من الأكل او من النوم في اوقات معينة.. المفاتيح عندك انت يالانسان واكبر مفتاح واهمها هو الصحة النفسية، لازم تكون نفسيتك سهلة ومتقبلة لاي وضع جديد.. وضروري تثقف نفسك بخصوص الامراض اللي تتعرض لها لا سمح الله.
شيء أكيد

في بدايات السكر أول ما تنومت في المستشفى وعلي المغذي ويحطون لي أنسولين فيه ويتابعونه شلون يتأثر كان الطب وقتها عندنا سوبر بخير .. جدتي الله يغفر لها هربت لي علبة شيكولاته ( كافي ) قالت حق ربعك وكان المستشفى قوانيه صارمة وممنوع أي أكل من برا يدخل .. المهم كنت احس بجوع قوي والأنسولين يجوع خصوصاً قبل كان حيواني فيه بقري وفيه خنزير ويحاولون يوازنون لك الجرعة بحيث تكون أنسولين قليل وأكل قليل تعبت والله كلت يمكن 6 قطع وهم يقيسون حصلوه طاير فوق وجوني شلة أطباء فوق الخمسة .. كبيرهم يطالع في عيني ويقول لي حمد شو عامل وثاني تم يفتش سلة المهملات جنبي ويطلع قطعة تغليف الكافي هنا انتبهت إنهم عرفوا السالفة قلت بس حبة ويطلع ثاني قلت بس ثنتين ويطلع لين انكشف الموضوع بالكامل .. رئيسهم أظن سوري قال لي ما بدك تتجوز وما تبغي عيال هنا انا بديت انصدم وأعرف إن علي شغل كبير بأن التزم .. وقال لي بعبارة صريحة وشو تأثير السكر على أجهزة الجسم كافة