يعطيك العافيه بوعبدلله عساك على القوةالمشاركة الأصلية كتبت بواسطة معماري قطري
هذا النظام الصيام المتقطع مع الكيتو هو الحل لكل المشاكل عن تجربه شخصيه
انا نزلت عليه اربعين كيلو
وانصح فيه لكن لازم تستمر عليه سنه وبهدوء وتتاوتتابع مع اخصائي تغذيه وتتابع قياس السكر وبتخف معاك الادويه لكن العزيمه والصبر
اقدارنا مكتوبه ,,,,, فلنعش بهدوء ..
الله يعافيك ويبقيك ومشكور على نقل تجربتك
مقتنع بصحة كلامك بس يا اخوي فيني عشق وهيام للعيش خصوصاً لو جاء لين شوي يدوخني مع إني ما اكثر وزني الحمد لله معتدل .. بعدين لو اعتمدت الدايت لازم اقلل الأنسولين
العيش ممكن انساه او اتحاشاه بسهوله بس الخبز او الروتي صعب مايكون موجود ف الوجبات
حتى لو بنقلل من الكميات لازم يكون موجود
سبحان الله وبحمده
انا الروتي الأسمر السلايس وبمعدل قطعتين للريوق بس .. أوقات لو كنت برا اتعشى سندويش ويكون من اي نوع من الخبز بس أوقات وايد حتى العشاء عيش والحمد لله الكمية قليلة دوم سواء خبز أو عيش
شغلك عدل انا اسوي نفس الشي مع الريجيم اللي ماشيه عليه
بس ماكل عيش من اول مابديت اقلل الكميات
سبحان الله وبحمده
الصحة مهمة والوعي بها مهم والرياضة مهما كانت بسيطة مهمة
البعض يحسب الرياضة الهدف منها بس تقليل الوزن .. هي مهمة لتوازن الهرمونات والفيتامينات ومعادن الجسم .. مهمة لتحسين المزاج .. مهمة للصحة العامة والتنفس وللصحة العقلية والإدراك
حتى رياضة بسيطة البعض يقوم بها سنوياً كالقنص تحتاج لياقة وحركة بدنية وتتفاوت قدرات من يقومون بها أوقات نحصل شيبة يسوي اللي ما يسوونه الشباب .. مثل كنت بصعوبة أغسل يدي بماء بارد والوالد الله يغفر له يتسبح في الهواء البارد في البر وبماء مثلج شوي عليه .. كان يقنص مع شباب شمال السعودية يتعبون ويقررون يرجعون يزعل ويعصب عليهم ويكمل مع غيرهم
إحنا مهما نسوي نبقى مقصرين في هذي الناحية
لاحظت ان المشي على العشب او الرمل احسن واريح من المشي على الاسفلت او الممشى العادي
سبحان الله وبحمده
يعطي لياقة وحركة الرجل ما تكون وحدة صحيح ويساعد للتدرب على التوازن
كنت قبل ايام اهمالي للسكر تجيني ومضات ألم قوية في أسفل تكرمون القدم ألم مثل الكهرباء تسري في العظام ويتكرر عندي مثل نبضات تصحيني من النوم .. كل يمكن دقيقة مرة يعني مستحيل تغمض عيني .. اضطر لأخذ حبوب خطرة وخاصة بالأعصاب بس جربت المشي على العشب حافي وريحني لأنه يسوي تدليك ويحرك الدم في الأقدام وفي الشرايين الصغيرة .. الراحة كانت شوي بس يوم عرفت إنها مضاعفات ارتفاع السكر واعتنيت بضبطه في مستويات مقبولة الحمد لله رجع الوضع طبيعي وافتكيت من هذي الحبوب .. ذكرت مرة عنها كانت تفر المخ وتسبب هلوسة .. تخليني كله مبتسم واتذكر أغاني ما سمعتها من سنين وادندن بها
.. بس صمدت يوم انتبهت لنفسي وخليت هذي الحبوب موجودة منتهية صلاحيتها أكيد ولا آخذها من 2015 والحمد لله ما تفرغت ادورها وين وارميها ويمكن رمتها أُم العيال هي ترتب مكتبي ومكان أدويتي وترمي المنتهية صلاحيته
ضوابط المشاركة
رد مع اقتباس