مولات عالمية مميزة

[معماري قطري]

يبقى الامريكان متقدمين على كل العالم في مجال الادارة، واللي ميز امريكا عن غيرها هو القدرات الادارية اللي عندهم، وسيطرتهم على مجتمع مثل المجتمع الامريكي دليل واضح.

ميامي خطرة بسبب هذي القنابل الموقوتة .. أحياء السود ما يدخلها الا مغلط والا محتد واللي محتد ما يوقف يمر بسرعة وقلبه على يده

أول مرة وصلتها 1989 كانت بعد أحداث السود واللي من اصول اسبانية بعد قتل شرطي من أصل كوبي أسود كان على دراجة نارية وكان هارب والرصاصة في ظهره .. الشرطي ادعى إنه كان مسرع ومواجهه ومشوا ادعاءه إعتبروه دفاع عن النفس وحرقوا السود وقتها اليابس والخضر .. إحنا كنا نتابع على التلفزيون بس يوم شفت الاجراءات الاحتياطية لمراكز الشرطة وشكثر ارتفاع السور والأسلاك الشائكة اللي تجي مثل الموس قلت مب مطول حدي 3 أيام وباغير مكاني .. بس عرفت مناطقهم وعرفت إن فيه مناطق راقية وآمنة وارتحت فيها وحبيتها

أحياء السود تمرها الظهر تحصل واحد يمشي قاطع الطريق قطري ما له خص في السيارات .. عاهات حدهم مخدرات ومشردين وكل يوم نشوف مشكلة أمنية يا جريمة يا هوشة يا كاسرين سيارة شخص مار وسارقينه .. المشكلة هذي الأحداث تتكرر وما لها حلول واضحة ومؤثرة وهذا معناه ما فيه إدارة أمنية ناجحة .. يمكن النجاح جزئي في أُمور ثانية