سلموا لي على (♥الميره♥)
وراعيها.
أشوف المقاطعة تأثيرها قوي ورسالة احتجاج قوية ولازم المقاطعين يطالبون بتشريع عالمي يمنع الإساءة للدين الإسلامي وابراز مميزات وسماحة هذا الدين واجب علينا كلنا
سالم
الأغلب إذا مو الكل يعرف حقد الكفار على المسلمين و عليها دلائل و شواهد من القرآن و السنه
وهم يكرهون حتى الأقليات ببلدانهم من مختلف الأعراق و الديانات سواء في فرنسا أو غيرها مثل ازدراء الأفارقه و الشرق أسيويين و الهنود الحمر و العرب و غيرها و إن صارت لهم بعض الحقوق فهي من تالي من وقت قريب بعد إيش و إيش
طبعا هنا اتكلم عن حكومات و البعض او حتى الأغلب من الشعوب الاوربيه و غيرها
لكن فيه من الشعب من يستنكر و يكره مثل هالتصرفات و العنصريه
و البعض بينهم زواج و نسب الأمر عادي عندهم
بس فعلا أمور مستفزه تصير و مو لأول مره تلاقي :
الخسيس يعطي الحق لنفسه بنشر و محاولة تشويه صورة الإسلام متمثل بأكبر و أعظم شخصيه عند المسلمين و العالمين حتى نبينا محمد عليه الصلاة و السلام
و
خسيس أخر يعطي الحق لنفسه بنشر و محاولة تشويه صورة نساء النبي رضوان الله عليهم خصوصا السيده عائشة رضي الله عنها و الصحابه الكرام رضوان الله عليهم.
يعرفون تمام المعرفة مكانتهم في قلوب المسلمين و يستفزونهم بمثل هذه التصرفات
كونه يلطم نفسه و يجتر باللطميات الحزينه أو الحماسيه و الغلو مع انه منهي عن الغلوا عموما
بس كيفهم إذا ما تعرضوا بالكلام عن أمنا و حبيبة نبينا و زوجته عائشة رضي الله عنها و الصحابه الكرام
خله يردح و يضرب نفسه على خيانة أجداده للحسين رضي الله عنه لين الصبح ممكن هذا جزاءه بالدنيا...
الحمدلله الذي عافانا مما ابتلوا به و فضلنا على كثير مما خلق تفضيلا.
طيب ما ذكرت من رتب اللقاء ؟!
بعد ليتهم مطالبينه بالاعتذار على ما ذكرت يحاولون يلمعون صوة فرنسا؟ و ليش يحاولون من الأساس!!
اللي صاير فرنسا تحاول تلميع صورتها عن طريق الجزيرة واختارت منبر عربي حر وأكيد باسلوب دبلوماسي يمتصون الغضب العربي الشعبي .. اليهال اللي حولنا يوزون الفرنسيين على قطر بأن جمعيات في قطر أزالت البضائع الفرنسية وبالتصوير وهذي حيلة الأطفال المفلسين .. ألحين يلطمون ليش المقابلة تمت مع الجزيرة
لو تابعتي تحاليل الجزيرة بعد اللقاء في الحصاد وباقي البرامج الحوارية بتحصلين المذيعين مستميتين في إظهار الحق أو جزء من الحق الإسلامي .. ما عجبوني ردود بعض الفرنسيين العرب اللي هناك من زمان وبعضهم لا وضح الحقائق وطالب باعتذار رسمي وصريح وكثيرين طالبوا بتشريعات تمنع هذا السلوك الشائن المحض على الكراهية .. لو بن + اللي شغال يحذرهم من العرب والمسلمين في بلادهم طالب وحكومته معاه وحكومة غرب سلوى وجزيرة السنافر وبصفات حكومية تدخلوا بوضوح كان بيوقفون عند حدهم وبيحترمون الهيبة العربية .. هم نوعاً ما رضخوا للشارع العربي والاسلامي وأدبهم أردوغان كما أدب غيرهم من العرب اللي ما زالوا ينبحون على قطر
أهلاََ اخت دانه، طيب من جهة الاعتذار، ومن جهة المهنية الصحفية، الصحفي ما يقدر يقول لرئيس دولة (اعتذر) لكن ممكن يكون موضوعي ويسأله (هل ستشرعون قوانين تحمي الديانات والرموز أسوة بقوانين الهولوكوست).
لكن لو تخيلنا انه اعتذر، هل ينفعه اعتذاره! يمكن عند ناس وناس لا؟
الحقيقة فرنسا بلد جميل ولكن من ناحيتي اصعب شيء ممكن العطر ومشتراه وعادي نتركه ونشوف عطور من شركات غير فرنسية ولو انهم شبه بعض من موقفهم من الاسلام لكن وجع عن وجع يهون.. وبعدين بنأدب قليل الأدب لين يستادب.
حياك الله يا مستر دايتونا، رفيجنا النهار صار اسمه ديتايم وانت ديتونا، وثرى امارس حرية التعبير بكيفكم
يا ريال نتمنى التوفيق لقناة الجزيرة واي قناة تقدم عمل مهني محترم، وانا متقاعد من الشؤون العامة والخاصة بعد معاملتي عند وزارة الداخلية ان شاء الله توافق عليها وزيرة الظل.
المهم أن الجزيرة ينبغي أن يلجمها القطري بلجامه ولا يسمح لمن هب ودب يفرض رؤيته او يسرب فيها خزعبلات، لاحض أن الضيوف اللي يحاربون الملة يتم التعاقد معهم من قبل الجزيرة والعربية كذلك، وغريب أنك تجد عامل مشترك بين المؤسستين. واللي يبي يحدد مقصدي فعندك مثال برنامج المدعو الدحّيح اللي يدعو للإلحاد.. فالجزيرة متعاقدة معه و تجد لنفس الملحد برامج في منصة شاهد اللي هي تابعة ل mbc.
هذي المشكلة الجزيرة سلاح ذو حدين والتحرير فيها والمحررين المشكلة لهم مجال حرية كبير وكثيرين حتى غير مسلمين وديانات ثانية وحتى المسلمين بعضهم بالإسم فقط
انا زرتها في السابق وكان مديرها قطري يشتكي من التعامل مع الطاقم وفيهم مصورين ومنتجين وطاقم كبير .. بعضهم يصر يجيب واحد من أهله وبعضهم يطلب زيادة راتب كبيرة والشغل فيها صعب ومرهق .. أحد المدراء قريب لي ما صدق يطلع منها ويحول شغل حكومي ثاني مع إن الراتب كان زين بس يشتغل دوام طويل ومرهق
فيه مركز ابحاث تابع للجزيرة وفيه مركز تدريب وصراحة هي صرح اعلامي قوي وقطر مستثمرة فيه بقوة وبعض اللي يشتغلون والمراسلين حتى نشوفهم ليل ونهار وفي أماكن خطرة لازم يستحقون مقابل مجزي .. القطري موجود بس نادر بالصدفة من فترة عرفت رفيج ولدي خليفة الصغير وهو من العائلة الحاكمة ويشتغل هناك شغل تحريري عادي شاب توه في بداية حياته العملية والله يوفقه .. مرتاح يقول وأرسل لي مقال هو مشارك به ترددت أحطه في المنتدى بس هذي فرصة .. قريت شوي منه وكنت متشتت ما استوعبت اللي حاب يقرأ
https://liberties.aljazeera.com/%d8%...1%d9%87%d9%88/