تسلم يدك
صور حلوة ونوعيات وايد أحلى .. لتركيبها لو نركبها على لوح خشب تطلع أحلى ومضمون يكون مستقيم بدون انحناءات ونشوف لها مونة لاصق نوعية قوية ومن اللي تحط طبقة رقيقة .. الفواصل الصغيرة اللي تبقى تكون أقل من الملم تقريباً 0 جوينت هذي أما نخليها مفتوحة بس بشرط المونة اللاصقة تكون بعد مقاومة للماء أو نغلقها بمونة شفافة ما تبين خط فاصل
تركيبها هو المهم يكون تركيب جيد
على طاري الزهيوي الزهيوي يهون .. مأجرين بيت جنب بيت ابوي حق روضة ويشتكون من العقارب وبكثرة وراء البيت أرضي هناك فيها شوية زراعة برية ومخلفات بناء ومنها معششين العقارب ويتكاثرون .. إنصدمت إنهم يركبون على السور ويدخلون للبيت وللروضة ولا حد قال لي قبل
كلمت البلدية وقالوا التنظيف ما يحتاج تصريح بشرط شيل المخلفات وبننظف إن شاء الله وبنشيل النباتات وقبلها بنسوي طوق اسفل الحايط بتومين هذا يبعد العقارب عن سور البيت
لي نظرة للمدى البعيد
:
صدمتني والله !! معقوله العقرب يركب السور !؟
انا طلع لي عقربين وذبحتهم وفيران وصدتهم وطلع لي داب من فترة صغيرة وذبحته ..
ماادري اشبقى بس الحمدلله مسويه احتياطي بكل شي سادة مافي ولا بلاطه منقشه ..
الاحتياط واجب ..
تُنسى ، كأنَّكَ لم تَكُنْ ..
والله رضيعتي تقول بشوف عيونها .. انا ما تخيلت بعد داب يزحف رأسي ويتسلق السور ودخلوا اثنين بيتنا حصلهم السايق في الحوش من فترة .. المشكلة ذكرتها والعيب في تصميم سور حديقة الحيوان ورانا مسوين سور ملاصق لسور البيت وسور ثاني يبعد مسافة مترين ومستوي ممر عرضه مترين ارض محايدة وطول هذا الممر قريب نص كيلو وما يقل في تقديري عن 350 متر طولي .. كانت جنبنا محطة بترول وهدموها وفيها محلات والمحلات ترمي مخلفاتها ورا وهذا الممر مسكر من كل جنب تربوا فيه فيران وديبان شكثر .. فوق هذا بعض البيوت يرمون مخلفاتهم ورا في هذي الحوطة المحايدة .. صراحة تصميم فاشل تكلمت عنه للبلدية وأرسلت طلب لمكتب رئيس مجلس الوزراء قبل من حول 4 سنين
المنطقة الجديدة صوب الوجبة والوالد الله يغفر له يقول تاريخياً مشهورة بالعقارب وقال هذي الحشرات والزواحف تكره ريحة القار خذت الفكرة وقلت للي مستلم الروضة جنب بيت الوالد يحط بتومين قرب أسفل الجدار بحدود 5 سم .. بعدين يجيبون شيول يشيلون مخلفات بناء ورا البيت وشوية نبتات عشبية مرتفعة وباكلم البلدية بعدين يرشون دواء .. أمس أتكلم مع واحد توه ساكن هناك وبعيد عن بيتنا يقول واجته نفس المشكلة
ما ادري ليش البلدية ضعيفة في هذي الناحية والظاهر اعتمادها على شركات خاصة نص كم ما جاب نتيجة .. وهذا إحنا شاطرين نبني شوارع وخدمات لدول ثانية وبخيلين على مناطقنا
لا تحزن .. وتذكر ان من توكل على الله فهو حسبه
اذا ضاقت بك الدنيا فلا تقل :
يارب عندي هم كبير ...... ولكن قل: يا هم لي رب كبير
------------------------------------------------------------
"رَبِّ اجْعَلْنِي مُقِيمَ الصَّلاَةِ وَمِن ذُرِّيَّتِي رَبَّنَا وَتَقَبَّلْ دُعَاء"