ادراج الذهب سيكون نقلة نوعية للبورصة
ادراج الذهب سيكون نقلة نوعية للبورصة
الصبر جميل
برايي الايجابية هي الابرز واختراق مستوى 10700 الهدف 11200
السلبية تكمن في كسر مستوى 10000
وجهة نظر والله اعلم
مؤيد لرأيك
توني ماخذ لفة على أسواق العالم تقريباً كلها خضراء وبعضها فوق ال 1% والنفط شبه ثابت فوق 51 وموازنتنا على أساس سعر 40 دولار للسنة الجاية وبعجز بسيط بيتحول لفائض في وجود 20% إرتفاع أقل شيء والله يجيب المزيد
اللي يحب يشوف أسواق العالم بيعرف إن سوقنا مسوي معانا مقلب كاميرا خفية
https://www.investing.com/indices/major-indices
اعتقد الخميس آخر أيام تداولات المطلعين ... صحيح ؟
مالت عليك ياللي في بالي
غدآ اغلاق سنوي الله يعين انشاء الله
يكون كريم المآشر
اخواني الافاضل بس بقولكم شي من وجهة نظر
من يعتقد ان المصالحه هي جيده لاسواق المال وخاصه القطري ويبي يعتمد بس عليها بقرار شراءه وبيعه اعتقد انه مخطئ
كيف ؟
خلو الموضوع للنقاش
انا اعتقد ايضاً راح تكون المصالحه خير وخاصه على الاسواق الخليجيه والقطري والسعودي
لكن في شي مهم لازم محد ينساه !
لو تمت المصالحه نعم هذا جيد ، لكن خلي في بالك لما تمت المقاطعه فجاءه ودون سابق انذار في اول يوم انخفض المؤشر 8 بالميه تقريبا
الي اقصده السوق القطري حاليا بدون مصالحه قاعد يتداول في موجه صاعده صحيح المصالحه بتساعده
لكن انا اتكلم
" مابعد المصالحه "
كثير ناس ماتثق بالدول المقاطعه ونواياها ، والي يفرض مدى تمسك الجميع ببنود الاتفاق اكبر المحللين السياسين مايقدر يتوقع مابعد المصالحه
وكتوضيح اكثر
انت خايف الحين وتنتظر تشتري بعد اعلان المصالحه والاتفاق
طيب اشتريت وممتاز والامور طيبه
لو اعلن فجاءه ان المصالحه صار فيها خلاف او رجع الوضع نفس ماكان عليه قبل واختلفو ؟
ماهو وضع السوق ؟
الي اقصده احيانا المقاطعه اكثر ضرر على البورصه من خبر المصالحه
زين شالحل ؟
الحل انك تتوكل على الله في قرارتك وتتاكد ان الرزاق هو الله سبحانه وتكون على درايه ومتباعه لكل الامور ومستعد لاي سناريو متوقع
هاي وجهة نظر واسال الله ان يرزقكم
كتبت هالكلام لان كثير يبني قراره على شي ومايدري هالقرار ممكن بعد فتره يتغير
كمثال محلل توقع ان السهم صاعد وفعلا على التشارت هو موجه صاعده ، لكن ثاني يوم يطلع خبر غير جيد من الشركه
ممكن يكسر الترند الصاعد ويدهور السهم ، هل المحلل تعمد ؟ لا طبعا لكن الظروف والخبر كسر كل شي متوقع
شكراً
التعديل الأخير تم بواسطة Abu-khalid ; 31-12-2020 الساعة 02:50 PM
السوق صاده نوع من الجنون مب عارف هو يرتفع ولا ينزل ولا يثبت .
طبعا الكل ينتظر الاخبار الايجابيه بعد قمه مجلس التعاون،،وإن شاء الله سنه خير على الجميع
بس بكل صراحه السوق غير مرضي الايام السابقه،،لا تداولآ ولا سيوله،
سنه 2021 اعتقد بتكون فيها مفاجأت كثيره ،،اتمنى السوق مايخيب الظن ،،طبعا بتقول لي توزيعات للشركات ،،صحيح ،،لكن هل هذا يعكس حال سوقنا ،،هنا السؤال اللي ننتظر اجابته في سنه 2021
وكل عام وانتم بخير
شكرا
الدقائق الاخيرة من عام 2020 ونهاية جلسة التوقعات لهذا الشهر وهذا العام..
سبحانك اللهم وبحمدك نشهد أن لا إله إلا أنت نستغفرك ونتوب إليك
نسأل الله عاما جديدا مباركا للجميع وبانتظار احد الافاضل يفتتح توقعات شهر جديد وعام جديد ان شاء الله يكون أفضل من سابقه
التعديل الأخير تم بواسطة Abo hamza ; 31-12-2020 الساعة 11:59 PM