حبيت أرسل هالرسالة من خلال موضوعك اخونا الكبير بو عبدالله، واعتذر لو خرجنا عن صلب الموضوع.
|
حبيت أرسل هالرسالة من خلال موضوعك اخونا الكبير بو عبدالله، واعتذر لو خرجنا عن صلب الموضوع.
اللهــــــم ارحم أخي فايز واسكنه فسيح جناتك وسائر أموات المسلمين
مرحبا
بالعكس. شيء يستحق التعليق و ابداء الرأي. ومن يعلم. قد تكون عبره للبعض و يتفكر بالموضوع و التعليقات
لا مب متغيرة.. اللي لاجمتهم الاحترازات والقرارات
وكل اللي نشوفه بسبب منع اقامة تجمعات كبيرة..
من يفتحون الباب كل شي بيرجع..
المجتمع للاسف تحكمه عادات سخيفة تجبر الناس
على عيش حياة البذخ والاسراف للاستعراض
حتى لو كان عن طريق الديون..
البنت اللي تقبل بحفل زواج صغير مابين العائلة
ينظرون لها نظرة الرخيصة اللي محد ثمنها التثمين الغالي.
حتى لو اتفقت مع شريك حياتها ان ال
100 الف او 500 الف او المليون او 2 او 10 ملايين
يحتفظون فيها لهم مناصفة او لها عدا ونقدا يدخل حسابها
نلقى هجوم و اعتراضات وعتب و زعل
لييش.. شلي ناقصها؟ هي مب أقل من غيرها..
وتعال عاد علشان تصير مثل غيرها
احجز القاعة 300 الف اقل شي..
تجهيزات أقل شي 350
طقاقة باسم مطربة أقل شي ظ¦ظ* الف لو كانت مشهورة
لو عادية تغني لك اغاني الزمن الطيبيين ظ¤ظ¥ الف
واذا بتغني لك مكس قديم على جديد وتشوفها
احسن من الدي جي 35 الف..
واذا قلت باخذ دي جي.. يقول لك اقل شي 20الف
انا تعبي على السماعات وهندسة الصوت..
واذا قلت خلاص باخذ بو ظ،ظ* الاف .. تلقى العروس
والمعرس من المهاندة ويحط لك اغنية على البوكوارة..
عاد لبغيت تصير هاي هاي
تجيب لك محي أفراح باسم مطرب يبتدي من ظ©ظ*
وطالع..
عاد الفنانات اسعارهم غير..
وكل ما بغت تصير العروس احسن من غيرها
كل ما السعر طار حبة او حبتين او 10 او 100 فوق..
نخلص من ترتيبات العرس ندخل على تجهيزات العروس
الممكيجات ومالين التسريحات وفساتينهاو عدتهاو اغراضها..
نجهز العروس كأنها طالعة من بيت فقر. ولازم تروح بيت زوجها
بأكثر من 6 او 7 شناط محملة ازياءها وحاجياتها الجديدة
المقرطسة والعلامات التجارية عليها..
واذا ما صار هالشي يكون الامر منقووود وعيييب
ويجيك الكلام من حيث لا تحتسب.
ويييه اشدعوة بس هذي دزتها؟
اشسوت في فلوس ولدنا؟
معطينها 100الف واللي يقول معطينها 250الف
واللي يقول والله عطيناها نص مليون ويات بشنطتين
صغار..
البساطة كانت في الاحتفالات اللي صار ت في عز ازمة كُرونا
لما محلات التجهيزات كانت ممنوعة من الشغل ويصكونهم
مخالفات توصل لين 200الف ريال..
لكن مع لحلحة الاحترازات .. ورجعت محلات تجهيز الافراح
رجع كل شي بس على اعداد اصغار .وكل ما زادت اعداد المعازيم زادت المصاريف..
شخصيا مب ضد التجهيزات
احب اجهز وارتب وانسق واظهر ما انعم الله به علينا
في حدود ميزانية خاصة .. و اشجع الحفلات العائلية..
لكنني ما اشوف ان الأزمة غيرت شي في الناس
فلو انزالت الغمة.. ما في شي بيتبدل.
"حسبنا الله ونعم الوكيل"
كـلنا قطـــر وكـلنا تمـيـم الـمـجـد
الناس انجبروا بالغصب يقبلون بتقليل التكلفة بسبب جائحة الكرونا .. نرجو أن تكون هذي التجربة درس للمغالين في مهور بناتهم و اخواتهم.
انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة
مساء الورد
اكيد بيرجع البعض لهذه العاده السلبيه
واحنا في مجتمع يتطلب السير بانماط معينه من الوجاهه و الرفاهيه
لكن ايضا هذه تعتبر سلوكيات ممكن تعديلها ولو نسبيا
لا ننسى ان هناك تجاره ورائها افراد يزيدون تكاليف التجهيز تدريجيا ما دام يوجد زبائن يقبلون هالاسعار
فتأثير التجار و المحلات موجود و زاد في دفع هذا السلوك في البذخ و الصرف
هل ممكن ان يزيد وعي الناس في الحد من الصرف و البذخ كما تم دفعهم بفعل العروض و المبالغه في التصاميم و الديكورات و الصالات الخ
معلوم ان كل شيء ممكن يزيد و ينقص بحسب الاوضاع و المرور بجائحه كورونا اعطى فرصه للرجوع كم خطوه في تكاليف الزواج ولو اجباريا
فهل تعطي ثقافه الصرف فرصه للتفكر و تحديد الاولويات
لا ننسى ان البعض ذاق الفارق و ما وفره من مبالغ وجهوه لامور اهم مثل مقدم لارض او لشراء فيلا
مثل ما ذكرت ان البعض وفر مليون واكثر
و واحد اشترى ارض في الشمال بما وفره من تكاليف الزواج
مؤكد انه و غيره سيتكلمون مع اصدقائهم الشباب عن الايجابيات في تحديد تكاليف الزواج وحتى اقناع الاهل و الزوجه
وهذا نوع من ترويج ثقافه الادخار و تحديد الاولويات بالمجتمع
لن يتغير البعض عن عادات الزواج السابقه بعد كورونا و ايضا لن يرجع البعض الاخر لهذه العادات بحسب ثقافه كل شخص و العائله
اتمنى يظهر في المجتمع فئة مخملية اذا صح التعبير يقيمون أفراحهم في البيوت و وقلت مخملية عشان يسنون سنة حسنة في المجتمع لأن اولئك محد يقدر يتكلم عليهم ويتهمهم بالبخل أو قلة الذوق.
اللهــــــم ارحم أخي فايز واسكنه فسيح جناتك وسائر أموات المسلمين
صباح الخير
الاحتمالات وارده اخوي سالم
وكانت تحصلان زواج يكون ببيت خصوصا اذا البيت كبير و حوشه ضخم مش كثير لكن تحصل احيانا
ممكن يزيد هذا التوجه اذا فعلا ارتفعت ثقافه المجتمع
كانت مفاجأه لما عرفت ان ثلاثه من الاقارب تزوجوا بأقل من نص مليون لكل زواج
الشباب كانوا واعين بالاولويات لكن العادات اجبرتهم على البذخ
حظهم اوضاع كورونا ساعدت على الغاء البذخ
واحد اشترى ارض بالشمال و الثاني كلمني يبي ارض و يبني فيلا و يسكن و الثالث ما عرفت كيف يفكر للحين
شاب رابع كلمني قبل لا يبدأ رحله البحث عن زوجه ومن اولها يبي ارض يبنيها عشان يتزوج و يسكن على طول
كلهم ما عندهم مشكله يضغطون على انفسهم عشان بيت مستقل وهذا شيء مفرح ان الشباب جاتهم فرصه افضل من الجيل السابق
اضافه ان الوعي موجود الان و الجائحه اثبتت ان مش امر مصيري ان البذخ اجباري
ياحليلك يابوزيدالمشاركة الأصلية كتبت بواسطة سالم الزهران
ترى عندنا فئة مخملية ويسون دايما اعراسهم في البيوت وتطلع افخم من القاعات
ومكلفه اكثر بواااايد لان ترتيبها اكثر ..
هالشي بالذات يبي له قناعة تامة من الطرفين او العائلتين تنلغي فكرة العرس ويكفي حفل عشاء مصغر ..
تُنسى ، كأنَّكَ لم تَكُنْ ..
مثلما تفضلتي، ومثل ما ورد ف الموضوع.. البذخ ظاهرة طغت على الناس.. سببها التقليد الأعمى.. نبقى نحذر ونخاف من قلة البركة.
ياحليلك يابوزيد
ترى عندنا فئة مخملية ويسون دايما اعراسهم في البيوت وتطلع افخم من القاعات
ومكلفه اكثر بواااايد لان ترتيبها اكثر ..
هالشي بالذات يبي له قناعة تامة من الطرفين او العائلتين تنلغي فكرة العرس ويكفي حفل عشاء مصغر ..
اللهــــــم ارحم أخي فايز واسكنه فسيح جناتك وسائر أموات المسلمين
احس خلاص مال اول
اللي يبي يتزوج يتزوج سكيتي
اريح للكل
سبحان الله وبحمده
ضوابط المشاركة
رد مع اقتباس