صفحة 5 من 5 الأولىالأولى ... 345
النتائج 41 إلى 46 من 46

الموضوع: عيادات الاسنان الحكوميه لماذا لا نزال في العصر الحجري

  1. #41
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    اقتباس المشاركة الأصلية كتبت بواسطة معماري قطري مشاهدة المشاركة
    أيام دراستي يا بو عبدالله في أمريكا تعبثت في أسناني دكتورة يا اخوي اللي تقوله موافق عليه وشلت لي ضرس عقل بس تبهدلت كم يوم انتفخ وجهي وخذت مضاد فترة ولا قدرت آكل .. بهرتني وفتنتني ألحين عندي شوية عقل
    شغل امريكا المفروض زين ��

  2. #42
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    اقتباس المشاركة الأصلية كتبت بواسطة معماري قطري مشاهدة المشاركة
    زين شنفسر اللي يصير من بعض الجنسيات؟

    من أيام عندي موعد اعتيادي لطبيب العيون وما حصل بالطيب وجيت جلست قبل موعدي والا زحمة خيالية حتى قطرة توسعة العين خذت وقت غير معتاد .. شوي الا هندي جاي وقعد كنت منتبه للموجودين وهذا بعدي بفترة جاه ممرض هندي ما شفته قبل كله ممرضات غير وأغلبه فلبينيات .. سولف معاه شوي وواضح من اسلوب الكلام إنه بيخلصه ومتفاهم معاه بس وقام ولا رجع وهذا يدخلونه بين المواعيد ويخلصونه بس بالمعرفة وتحصلين المعرفة إنه من نفس الجنسية

    كذلك علمتني أُم العيال عن واحد يدخل الناس بدون مواعيد ويسجل إنهم جاوا وإنتوا الحريم لكم هذي الحركات .. تعطيه خمسين ريال بعد ما توصل وهو يرتب لك دخولك للعيادة في العيادات الخارجية في مستشفى حمد وسويتها معاه مرة مضطر
    تبون كل شي بالمسطره و منتظم. لازم اخطاء او تسليك بسيط و امور فرديه تصير بكل مكان

    خلو الناس تعيش

  3. #43
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    هذا موضوع جديد عن التسليك و التخليص السريع. خلونا على علاج الاسنان عشان الفائده من الموضوع تعم { تسليك }

  4. #44
    عضو مؤسس الصورة الرمزية طلعة الروح
    رقم العضوية
    28499
    تاريخ التسجيل
    Sep 2009
    الدولة
    QataR
    المشاركات
    4,490
    الاسنان مشكلتها مشكلة وانا اشوف ان الواحد يدفع ويخلص
    اذا مايقدر يصبر على مواعيد الرميله والحاله ماتستحمل الانتظار
    الواحد يتوكل على الله ويستثمر في اسنانه عند الطبيب الصح
    وركزوا على كلمة الصح واللي العلاج ونوعية المواد عنده من الاخر
    لا تستخسرون تروحون عند واحد علاجه غالي بس شغله نظيف
    علما اني جربت علاج رميله وجربت الخاص
    الموضوع كله يعتمد على شغلتين اليد اللي تشتغل وجودة المواد المستخدمه
    سبحان الله وبحمده

  5. #45
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    صبحك بالخير

    المشكله حتى لو ما قدرت تروح رميله

    الحاص ما تعرف جوده المواد. كلن يمدح نفسه

    الي يقولون عنه زين و جيد يكلفك زرع السن 9 الاف و شوي
    و غيره زين و جوده ب 4200
    ولد عمي كان بيزرع سنين ب 16 الف و شوي و علموه ربعه عن عياده زينه و كلفوه 8400 بس

    وانا رحت بعده و زرعت ثلاث اسنان ب 10 الاف عطاني جمله

    وقال لي للعمر كله وان صار شي تعال بس

    و زرت عياده بعملي الجديد و قالوا الزرع ممتاز و جوده عاليه هاي كوالتي

    و زميلات عمل كلهم رايحين للي ابو 9الاف و شوي. انصدموا من فارق السعر لكن يقولون الغالي احسن

    مب هالتكاليف كان ممكن تجنبها لو علاج الاسنان الحكومي سهل التعامل معاه

    طيب الله مقدرني اعالج بالخاص غيري ايش يسوي

    الوضع اخوي خلاك تقول نستثمر بالأسنان. ليش نستثمر ليش ما نقول عندنا علاج اسنان حكومي جيد و راقي مثل كل انواع العلاج الاخرى مثل عيادات الصحه و العافيه و مستشفى القلب و الكلى و سرطان الصدر

    في كل شيء راقيين اشمعنى الاسنان لا

  6. #46
    عضو مؤسس الصورة الرمزية طلعة الروح
    رقم العضوية
    28499
    تاريخ التسجيل
    Sep 2009
    الدولة
    QataR
    المشاركات
    4,490
    يمكن لانه الاسنان شغله حيويه والضغط عليها من كبار وصغار
    والحالات كثيره يوميه وطارئه وشبه طارئه وشبه دائمه
    لذلك مايلحقون الاطباء هناك على الشغل والمواعيد مستحيل تخلص عندهم
    انا مب ضد الانتظار اذا الموضوع يستحمل يعني مثلا الزراعة
    عقب مايجيك الدور بتدخل وبياخذون مقاسات وبتنطر موعد الجراحه
    وعقب الزراعه طبيعي بتنطر مده قبل ما يتركب الضرس التركيب
    بعض الاشياء الاخرى مانقدر ننتظر ونضطر للحل الاسهل بس اختاروا عدل المكان
    لان وايد عيادات اسنان تجاريه وماتستاهل يندفع فيهم ريال الواحد يخرب اسنانه ع الفاضي
    سبحان الله وبحمده

صفحة 5 من 5 الأولىالأولى ... 345

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •