صفحة 2 من 3 الأولىالأولى 123 الأخيرةالأخيرة
النتائج 11 إلى 20 من 29

الموضوع: تشققات في زوايا البيت -صورة-

  1. #11
    محاور إقتصادي الصورة الرمزية مضارب دوسري
    رقم العضوية
    14642
    تاريخ التسجيل
    Jun 2007
    المشاركات
    67,176
    سو تشييك احترازي
    عالحمامات والمنهولات اذا فيه تسريب او شي او بايبات الصرف الصحي فالمجاري
    والله يوفقك وييسر لك


    وتقدر دام المقاول كان تعيس
    البلاطه الاولى اللي داير البيت تنشال و10 الى 15 سم تنحفر وتتعبى اسمنت مع كنكري وفوقهم يكون البلاط ومنسوب البلاطه بعد ذلك تكون اعلى من منسوب بلاط الحوش ولو 2سم وبشكل سلوب باتجاه البلاط القديم
    على الاقل لتقليل اكبر قدر ممكن من وصول الماء مستقبلا

    مع ملاحظة شكل التربه تحت البلاط اذا مبين عليها جايها ماي او ناشفه
    التعديل الأخير تم بواسطة مضارب دوسري ; 27-01-2021 الساعة 07:40 AM

  2. #12
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة Breakaway مشاهدة المشاركة
    اشكرك اخوي معماري قطر، تشخيصك وطريقة العلاج ما شاءالله جات 100% مع تقرير مقاول صيانة، المقاول عطاني عرض سعر ب 13000 ريال تقريبا، يشمل دار ما دار البيت واجهة البيت و جانبين الفيلا حوالي 45 متر طولي، كلهم فيهم نفس المشكلة، تفاصيل الأعمال مرفقة، شرايك بعرضه؟

    الفيلا صار لها عشر سنين تقريبا
    سامحني يا اخوي على التأخير

    تعرية الحديد والشغل سليم بس عليك بالمواد ومواصفاتها والضمان

    تقدر لو حبيت تسوي طريقة مضارب بس مهم تشتري المواد بنفسك وتتابع العمال ولو تجيب فورمان زين .. شغل المقاول اتوقع يسويه من فوق بدون حفر وهنا بتكون مشكلة .. لازم تحدد معاه إن الحفر يكون لين الوصول لين نهاية الجسور الارضية وبداية الطابوق اللي تحت الجسور والعزل بعدين يكون بربرايزد بتومين غاطين أو ثلاثة وبعده بلاستيك سميك ويتم الدفان بدفان ناعم حتى ما يخدش البلاستيك

    باقي الشغل صحيح والسعر معقول لا تستهون فيه بس توصيف العمل ضروري وتوصيف المواد

  3. #13
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة مضارب دوسري مشاهدة المشاركة
    صحيح من العقد مبين ان سلوب البلاط مش مضبوط
    يقدر صاحب البيت بانه يركب بلاط داير البيت بشكل مرتفع عن باقي بلاط الحوش كحل يعتبر اوفر ماديا (الظاهر اللي ركب بلاط الحوش اخترع فكرة ان يخلي السلوب على البيت مب على السور فالمناطق الجانبية)

    لفت نظري الماده الكيميائيه اللي في كل عقد اشوفها وعادة مافيه ماده كيميائيه سطل بيتومين اسود ب 60 ريال ويقولون ماده كيميائيه (سطل اليتومين افضل شي فيه مناسب لطرد الحشرات من المجاري اعزكم الله ومن دخولهم للبيت لفترات تتراوح من 4 الى 6 شهور)
    المادة الكيميائية حق تغطية الحديد بعد تنظيفه من الصدأ لأن مهما سويت وسكرت بخرسانة الرطوبة بتوصل مع مرور الوقت والصدأ بيتكرر وبتصير المشكلة مرة ثانية .. صحيح البيتومين سعره ولا شيء وحتى كل المواد الباقية من بلاستيك اقصى سمك سعره تافه لين المواد الإسمنتية والخلطات القوية اللي تنصب بدال الخرسانة المنتهية أقوى منها وأفضل من صبيات الردي مكس وتنخلط في الموقع لو الكمية قليلة لو كبيرة ممكن يحتاج ردي مكس

    أوقات تكون الخرسانة تحت هشة ووقت التكسير تتفكك كأنها تراب وتحتاج استبدال ومبلغ ال 13000 ما يكفي بيحتاج 4 أضعافه في هذي الحالة واحتمال يحتاج جيكات تدعيم أو تكسير منطقة منطقة واستبدال خرسانتها كاملة .. كله يعتمد على الحفر والفحص المبدئي وبعدين يبين معانا حجم الشغل

    وإحتمال ثاني يكون الشغل المحتاجين له بسيط جداً وكم عامل وشوية اسمنت وشبك بلاستر تفي بالغرض

  4. #14
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة sara jsm مشاهدة المشاركة


    بل

    :

    اخوي بريك شوف اساس المشكله من وين ؟ هل يتجمع الماي في ذاك المكان ؟ او فيه زرع مثلا ؟
    عشان ماتعالج من هني وترجع المشكله من هني ..
    انا صارت لي نفس المشكله في بيتي قبل لا اكمل سنه فيه بسبه الماي في المنطقه اللي انا فيها ..
    واستخدمت بلاستر ( عازل للماء ) وان شاءالله ماترجع لي المشكله ..

    والله يسهل عليك بس لازم تشوف المشكله عشان ماتخسر اكثر من مرة ..
    غريبة خلال سنة بينت الشلوخ وين الإشراف والشغل الجيد؟

    نصيحة لكل اللي يبنون بدال ما يسوون الجسور الارضية بعرض الجدار 20 سم يسوونها بعرض 30 سم حتى تكون مغطية الحديد عدل ويركبون حديد مغلف .. انا عندي الجدران الخارجية 40 سم والجسور الارضية يمكن شوي أعرض مع رؤوس الأعمدة كانت اللي تحت الأرض أعرض ب 5 سم من كل الجهات حتى نضمن تغطية مناسبة للحديد اللي هو مغلف أصلاً لكل البيت فوق وتحت وبعد كانت الأعمدة الخارجية كلها بعرض الحائط .. بس الجسور العلوية سويتها بعرض 20 سم على الطابوق الداخلي حتى العزل الحراري يستمر وراها .. وتكلفة بيتي كانت مشابهة لتكلفة البيوت اللي تنبني ذاك الوقت بدون كل هذا ولي ولد عم بنى معاي وكلف نفس الشيء وبدون ذي المواصفات

  5. #15
    عضو فعال
    رقم العضوية
    499
    تاريخ التسجيل
    Feb 2005
    المشاركات
    3,395
    اقتباس المشاركة الأصلية كتبت بواسطة معماري قطري مشاهدة المشاركة
    سامحني يا اخوي على التأخير

    تعرية الحديد والشغل سليم بس عليك بالمواد ومواصفاتها والضمان

    تقدر لو حبيت تسوي طريقة مضارب بس مهم تشتري المواد بنفسك وتتابع العمال ولو تجيب فورمان زين .. شغل المقاول اتوقع يسويه من فوق بدون حفر وهنا بتكون مشكلة .. لازم تحدد معاه إن الحفر يكون لين الوصول لين نهاية الجسور الارضية وبداية الطابوق اللي تحت الجسور والعزل بعدين يكون بربرايزد بتومين غاطين أو ثلاثة وبعده بلاستيك سميك ويتم الدفان بدفان ناعم حتى ما يخدش البلاستيك

    باقي الشغل صحيح والسعر معقول لا تستهون فيه بس توصيف العمل ضروري وتوصيف المواد
    تسلم أخوي معماري قطري ما قصرت، إن شاء الله بخليه يسوي لي الشغل
    التعديل الأخير تم بواسطة Breakaway ; 27-01-2021 الساعة 02:12 PM

  6. #16
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة Breakaway مشاهدة المشاركة
    تسلم أخوي معماري قطر ما قصرت، إن شاء الله بخليه يسوي لي الشغل
    الله يسلمك

    شوف شلون الوضع عندك مقارب لذيه



    بس انت تحت الارض في غالبه والضرر اللي تشوفه خارجي ما يبين شالمختفي الا بالتكسير شوي شوي وبعناية


  7. #17
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558

  8. #18
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    23,907
    ماقصرت معماري عالشرح الوافي
    تُنسى ، كأنَّكَ لم تَكُنْ ..

  9. #19
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة sara jsm مشاهدة المشاركة
    ماقصرت معماري عالشرح الوافي
    المشكلة يا اختي إن المشكلة مستمرة وتتطور وحلها كان سهل من البداية

    وما يبين الصدأ لين وين واصل .. شفتي المنظر في الفيديو الأخير هذا شفته في سقف غرفة في بيت الوالد القديم وقلت مستحيل يتصلح .. إخوي سوى عزل جديد للسقف وجاب عامل هندي قال له بس جيب ما ادري كم كرتون بيض واسمنت وسوى خلطة بيض واسمنت ما اذكر عاد بياض والا صفار والا كل البيض وبعد تنظيف الحديد سوى بلاستر ثاني بالخلطة وهذا من حول 20 - 23 سنة ومن ذاك الوقت للحين والبيت شامخ ويخدم ومؤجر ألحين .. كان تقديري إن لازم يهدم ويبنى مرة ثانية وكنت مخطيء خطأ كبير

    ما ادري شالسر بس بعض الخلطات مع الإسمنت تكون قوية منها خلطة الرماد بالطين قبل واستخدمت قديماُ بنوعيات اسمنت بدائية

    إحتمال الحديد مب متضرر وايد والصدأ بسيط واعادة صب الأجزاء المتكسرة تعطي تماسك وتغلق الفجوات وتمنع مرور الرطوبة مع العازل وينعدم الصدأ ولا تكون فيه مشاكل طول العمر بس هذا الإحتمال نعرفه لو حفرنا وعرينا الحديد في كم موقع بعدين نقرر شنسوي للباقي

  10. #20
    عضو فعال الصورة الرمزية سعود.
    رقم العضوية
    48691
    تاريخ التسجيل
    Apr 2015
    الدولة
    قطر
    المشاركات
    3,545
    والله شي بيض مع الاسمنت البيض غني للبروتين واكيد يقوي الاسمنت اذا لاعبين كمام الاجسام غذائهم الاساسي هو البروتين
    عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”

صفحة 2 من 3 الأولىالأولى 123 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •