السلام عليكم ورحمة الله.
اول امس كان عندي موعد الجرعة الأولى من تطعيم كوفيد-19.
1- رحت قبل الموعد بربع ساعة وعطوني رقم ( ما ادري ايش فايدة تحددي وقت الموعد، اذا المسألة تاخذ رقم وتنطر دورك) طبعا مركز عمر بن الخطاب زحمة كالعادة ومافي اماكن انتظار كافية.
2- جاني الدور بعد انتظار ساعتين بالضبط والتطعيم كان في غرفة صغيرة، وقياسات الحرارة والضغط وتعبئة البيانات خذت تقريبا عشر دقايق، وبعدها الابرة.
3- بعد الجرعة بربع ساعة عطوني كرت مسجل عليه تاريخ الجرعة الثانية.
يعني ساعتين ونص بالضبط خذتها في المركز يعني اذا على هالمعدل اظن بندخل في 2030 حتى نطعم كل سكان قطر.
هذي تجربتي مع اللقاح ما ادري اذا المراكز الثانية اسرع او نفس الحال.
تحياتي للجميع وماتشوفون شر ان شاء الله.