كورونا وزارة الصحة مع التحية

[Rider]

حنا ماننكر جهود وزارة الصحة لكن سؤال لكم ياوزارة الصحة ليش كل مسؤول منكم يطلع ويلوم الناس وهم السبب في زيادة الحالات ترى الناس من شهر 10 إلى نهاية 12 هم يحضرون مناسبات واجتماعات عائلية والحمدالله كانت الأمور طيبة ولا نشوف حالات في العناية مثل لي قاعد يصير الحين انتوا للأسف تتبراون من الموضوع وانتوا السبب لأنكم انتم الجهة المخوله بالموافقه على كل مهرجان او بطولة رياضية او معرض تجاري وخاصة شهر 1 كم مهرجان معرض بطولة وطبعا الناس كانت تحضر وملتزمين الا فئة والكل شاف بطولة مرمي وسباق اللهجن والفوضى والاستهتار ليش ماوقفتوها واخر شي تجون علينا وتقطونها براسنا وللعلم حتى لقاحكم لي الواسطة ادخلت فيه واتحدى حتى فيكم يقول لا مافيه واسطة ناس خذو اللقاح وهم ليس من الفئة المستهدفه ولا فيهم أمراض ترى ثقتنا بالله مب لقاح ولا غيره اهم شي انتوا خذيتوا اللقاح وشكرا

[@north_star@]

مب بس وزارة الصحة اخوي رايدر الحين عندك وزارة الاقتصاد المفروض يوقفون عروض المحلات التجارية والمجمعات ... يعني اليوم وصلني مسج من اللولو مسوي عرض بو 10و 15 و20 ريال وتعالي يا كورونا وخذلك زحمة
ومسج ثاني عن مسرحية للاطفال وقيس على ذلك والله المستعان

[سالم الزهران]

اي نعم، الناس في محلاتومناسبات معينة تجمعت وتكدست لين تحس كوفيد بينحاش ويتمرن أكثر ويرد.. لكن المواطن لي متى بيبقى شماعة لبعض المسؤولين!

[sara jsm]

معليه هذي صحوه لهم .. افتحوا الدنيا كلها مع بعض ..
وكلن دش في الثاني الصاحي والتعبان ..
:
اليوم مر علي موقف في مول الخور .. وانا طالعه لقيت واحد انجليزي يبي يدخل المول
والسكيورتي يمنعه يقوله انت احمر اطلع برع .. وعصب الشيخ مب عاجبه ..
انا ماادري اشلون سكت عنه .. بكل بجاحه وعين قويه يبي يدخل !!؟
هاي وين عنهم النيابه !!؟

[Rider]

شفنا المؤتمر وش ستفدنا غير كأنه مؤتمر تهديد لنا وزارة الصحة تسمحون لكل شي يفتح بعدين تقولون الناس هم السبب ههههه والمطار مفتوح الناس رايحه وراده ينقلون الفيروس معاهم غير لي مايلتزم بالحجر ونشوف الاسمي يوميا فالجرايد والكارثة كثروا الوافدين لي يخلفون الحجر وقسم لو انا مسؤول هالوافد لي خالف لا الغي اقامتة وسفره علشان يكون عبره حق غير اما اكتبه تعهود واقوله تفضل هنيه المشكله

[طلعة الروح]

قضية ان ثمانين بالمئه من الموظفين يداومون وعشرين عن بعد
ما اشوفها مجديه، لان اعتقد الاختلاط يكون اكثر في محل العمل
الخمسين بالميه اشوفها معقوله اكثر
لان اعتقد مب الكل قاعد يداوم 100 حاليا
ومع ذلك في حالات

[حمــد]

شوف مستشفى صحه المرأة والرعايه اليوميه اللفت مالهم والازدحام الشديد عليه شوف المراكز الصحيه الموظفين انفسهم مب ملتزمين بالكمامات ولا في سكيورتي يشيك على احتراز وحتى بعض الدكاتره مب لابسين كمامات !!

[بوNasser]

السلام عليكم ورحمة الله.

اول امس كان عندي موعد الجرعة الأولى من تطعيم كوفيد-19.

1- رحت قبل الموعد بربع ساعة وعطوني رقم ( ما ادري ايش فايدة تحددي وقت الموعد، اذا المسألة تاخذ رقم وتنطر دورك) طبعا مركز عمر بن الخطاب زحمة كالعادة ومافي اماكن انتظار كافية.
2- جاني الدور بعد انتظار ساعتين بالضبط والتطعيم كان في غرفة صغيرة، وقياسات الحرارة والضغط وتعبئة البيانات خذت تقريبا عشر دقايق، وبعدها الابرة.
3- بعد الجرعة بربع ساعة عطوني كرت مسجل عليه تاريخ الجرعة الثانية.

يعني ساعتين ونص بالضبط خذتها في المركز يعني اذا على هالمعدل اظن بندخل في 2030 حتى نطعم كل سكان قطر.

هذي تجربتي مع اللقاح ما ادري اذا المراكز الثانية اسرع او نفس الحال.

تحياتي للجميع وماتشوفون شر ان شاء الله.

[سالم الزهران]

لا ننكر اننا شعرنا بالاطمئنان الى حد كبير و رجعنا انمارس الحياة الطبيعية.. وحنا ما وصلنا لقاح بعد وقبل ما يطلع خبر توزيعه بالعالم.

فمن الذي طمننا ومن الذي خوفنا في البداية؟ ما كان بالإمكان نسوي نفس الاحترازات ونفس الإجراءات بدون تهويل.

هل الأزمات مثل هذه فرصة لإظهار قدرة الخزينة على الصرف والانفاق فقط أو هي فرصة للبحث عن أوجه القصور في التخصصات والتوظيف والقبول بالجامعات.

قالوا الاخوة مثل هذا الكلام سابقاََ واعيده من باب التذكير، واختم بالقول أن المواطن أوعى من كثير ممن يتحدثون باسمه مرة في سياق الثناء ومرات في سياق اللوم.

[معماري قطري]

لا ويسمحون لناس من مناطق موبوءة بالدخول قطر وكأنهم ما فيهم شيء ومضمونين وينشرون الوباء .. ما ننسى المنتخب ما ادري الفريق المصري يوم دخل وتجمهروا حوله نص سكان قطر وطلعوا عدد لا بأس بهم كوروناويين