يا جماعه لازم نحط بالاعتبار قله عدد الموظفين بسبب كورونا او طبيعه عمل القسم او الاداره المختصه.
نحاول نخلص امورنا بدبلوماسيه قبل التصعيد
يا جماعه لازم نحط بالاعتبار قله عدد الموظفين بسبب كورونا او طبيعه عمل القسم او الاداره المختصه.
نحاول نخلص امورنا بدبلوماسيه قبل التصعيد
قصه بسيطه من قبل كارونا حتى بثلاث سنوات ارسلت المندوب لاحد الوزارات بدون ذكر فالموظف قال للمندوب ناقص صوره بطاقه فكلمني الموظف بالتلفون قالي المعامله كله تمام بس لو ترسلي صوره البطاقه الشخصيه.. قلتله خلاص برسلك اياها على ايميلك قالي لالا ابغي صوره البطاقه بس قلتله على نختصر الوقت برسلك اياها على ايميلك لالا ابغي صوره البطاقه بس هههههه المهم فهمت انه هالايميل ماله لازمه قلت للمندوب تعال خذ الصوره وارجع الله المستعان بس
.
تخيل تعرف لك وزير وتكلمه بشغله ويكلم ناس وفوقها ما تخلص!
هل هي مب نظامية؟ لا ابداََ بس تسحب موظفين؟ هل تظن فعلاََ موظف عود ممكن يختبر مدي خوف الموظفين او تقديرهم له؟ صدقني هو الخسران لانهم بيطلعون له من الشيء شيء.
فهناك شغلات في بلاد الخليج خصوصاََ ما يخلصك فيها وزير.. واعتقد البعض يمكن مر في التجربة هذي.
المقصد هل باقي نشره على ايميل شركة؟
يعني هناك تعقيد وتطنيش للعمل يتم باحترافية ومن قبل موظفين صاروا أخبر من المسؤول. فاذا انت تعرف ان وزارات ممكن تخلص فيها شغلك و وزارات نحيسة فما اظن انك بتحرج واسطتك في مكان تجيه وسايط كن كل صوب من نحاسته
هني مربط الفرس متى تكلم راعي الواسطه ومتى تلجأ للموظف اللي المفروض واجبه ووظيفته يخلص شغلك
الموضوع مب بسيط ويبيله تكتيك وحسب الموقف
بعض الطلبات لازم تخلصها بشكل ودي وبعض الطلبات يجب تخليصها بشكل جبري
ومتى استخدم واسطتي لما تعوم المسائل وهي اصلا واضحه ولكن لا اجد لها تفسير من قبل المسؤولين
هني تضطر تلجئ لواسطه محدده لغرض محدد عشان تمشي الموضوع بالقوه
لأن بعض الموظفين للأسف الشديد ما يمشيك بدون ما يعرف من واسطتك او وين ممكن توصل معاه
حتى لو ان موضوعك ممكن يمشي بدون واسطه هم يبون لهم اضافات وبهارات عشان يتحركون
سبحان الله وبحمده
من قصتك استنتجت التالي:
الموظف المسؤول غير متدرب على استخدام outlook او سيستم الايميل المعتمد عندهم
حتى لو كان يجيد استخدام ال outlook فهو لا يجيد استخدام البرامج الاخرى عشان يطبع البطاقه الشخصيه
الموظف يعترف بشكل ضمني انه الايميل ليست الطريقه المثلى والمعتمده في مجال عملهم
المسؤول عن الموظف ومن هم فوقه لا يجيدون استخدام الايميل.
الموظف ماعندهم شي اسمه إدارة التغيير او change management بمجرد ما خبرته برسل لك ايميل
تفاجئ وخاف وماقدر يغير اسلوب شغله الروتيني ويواكب التطورات.
التعديل الأخير تم بواسطة طلعة الروح ; 09-03-2021 الساعة 09:08 PM
سبحان الله وبحمده
انا اشوف حجة الكورونا حجة بايخة مادام يشتغل من البيت فهو ملزوم بالعمل من البيت
بالطريقه اللي مفروض تسهل عليه الانجاز وتخليص المعاملات
وياريت بو عبدالله تذكر لنا امثله عشان نعرف اكثر ما علاقة كورونا بضعف الانجاز او حتى الرد على الايميلات المتعلقه بالعمل
واتفق معاك بخصوص الدبلوماسيه فعلا تسوي شغل لما يكون الطلب ودي وليس واجب عليهم
سبحان الله وبحمده
المهم بعض الموظفين دواه الفصل، يعني ما يشتغل ويستمتع بتعطيل الشغل ومرسلينه علينا لان ابوه كان طيب وابن حلال؟ يا جماعة الخير الشيء هذا مب في ايدينا ويمكن ولدي أو ولدك بكرة يصير من هالصنف الرديء. لكن يبقى مكانهم وظائف بسيطة ولا مطلوب فيها انتاجية.. أما ينسكت عليهم لين ترتفع مراتبهم وبكره يصيرون رؤساء؟ الله يشهد أن هالنوعية يوه علت مراتبهم أنهم طيروا موظفين وشباب بعضهم دكتور اللي من كندا واللي من بريطانيا.
فالبلاء كل البلاء فيك يا اخي اذا ما قدرت تساهم في تثبيت هالموظف في مرتبته ومثلما يعطي الوظيفه اعطه والشكوى لله منا بخالصين.