مساكم الله بالخير ..
حبيت اخذ رايكم في موضوع واجهات الفلل ..
شنو تنصحوني في نوع الواجهه (كلاسيك/نيو كلاسيك /مودرن ..،
حبيت اسمع ارائكم ونصايحكمً..شاكره لكم
مساكم الله بالخير ..
حبيت اخذ رايكم في موضوع واجهات الفلل ..
شنو تنصحوني في نوع الواجهه (كلاسيك/نيو كلاسيك /مودرن ..،
حبيت اسمع ارائكم ونصايحكمً..شاكره لكم
ذوقك هو اللي يحدد .. الموديرن جميل و شخصيا افضله عن الكلاسيك و النيو كلاسيك.
ميزة الموديرن ان تنفيذه غير مكلف مقارنة بالكلاسيك لكن يحتاج ذوق و حس في انتقاء الالوان و توزيع الكتل اللونية .. الكلاسيك حلو لكن يكلف اكثر و فيه تقاصيل تحتاج لمنفذ متمرس (بعض التصاميم)!
ادخل الانترنت و ابحث عن اللي ينسابك.
انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة
عن نفسي شفت تصاميم و اشكال كثيره
لكن الي عجبني الواجهه الزجاجيه الكبيره للفلل فعملت الواجهه مدخل كبير مع اعمده لين قمه البيت تحمل غطاء خرساني للمدخل و من جانبي المدخل واجهه زجاج على طول جدار الواجهه
التصميم يكون نظام الصالات المفتوح يعني صاله الدور الارضي مفتوحه على صاله الدور الاول
و اذا بتكملها. تصك الفيلا حجر كامل
و شكل الفيلا حرف ال
منها تصير شكل القصر المصغر و منها الحوش يوسع للزراعه و مساحه جدام مدخل الفيلا
هذا اختياري انا
لكن تحصل تصاميم ثانيه و حلوه
حتى الفيلا المربعه ممكن تطلع جميله جدا اذا سويت حجر و تصاميم حول النوافذ و اضاءات مناسبه
نصيحه. سو النوافذ كبيره. تعطي الفيلا حجم و فخامه
و اطلب ارتفاع عالي للفيلا عشان تزيد فخامه من الداخل و فخامه من الخارج
الارتفاع يضخم الحجم بدون تكلفه اضافيه للبناء
انت بتدفع للمتر المربع مش الارتفاع
بيسمحون لك 14 متر بالراحه ولو قدرت تاخذ موافقه 15 متر بعد احسن
الدور الارضي حده 5 متر و 40 سم. اكثر من جذي بيكلف لجسور خرسانيه زياده
الدور الاول نفس الشي او اقل 4 متر و 70 سم
الباقي للبنت هاوس 4 متر او زياده شوي
شرط يطلع قصر
حتى مع الجبس بعد بيعطيك مجال لارتفاع حلو
قليل من الشباب الي فكروا بالارتفاع انا نصحني فيها للاستشاري وحتى النوافذ قال لي خلها كبيره و آخر شي قال لي حرام هالحجم وما تركب حجر
مشيت على نصيحته و ما قصر الحمد لله ضبط شكل الفيلا
هذا الي اعرفه و جربته. بالتوفيق اخوي
انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة