اقتباس المشاركة الأصلية كتبت بواسطة سالم الزهران مشاهدة المشاركة
المنتج الاجنبي عليه رسوم تصدير وشحن وجمارك الخ وينعرض في السوق بسعر أقل من الوطني اللي ما عليه تصدير ولا جمرك ولا غيره (ليش)؟
السبب جدوى الإنتاج هناك والتكلفة ما يفكرون يطلعونها في سنة .. تكلفة المصنع .. هنا تطلع عيون صاحب العمل ويخسر وقت وجهد خرافي فوق المال ولو ما يطلع حقه أول بأول والبيع يكون شحيح لو ما ياخذ ربح يتناسب والخساير والمجهود يطلع أحسن له .. تعال للبيئة المحيطة ووشو يحق لك تسوي بعد الصعوبات والبهدلة كلش شيء حتى غير مشجع .. أكثر المغامرين تحصلهم عادي يخسر 20 مليون وفوق بس يحاول .. لي رفيج يسعى لفتح كراج سيارات كلفه وايد حول 10 مليون متوقع توصل تكلفته ومعدات وآلات ويشتكي من الصعوبة والتعقيد حتى من الدفاع المدني .. شيء كلش مب معقول ولا يصير حتى في أشد الدول في القوانين هذا بكرة لو ما طلع ربح صافي مليونين أو 3 كل سنة ما يعتبر فلح .. يشتغل على هالكراج فترة طويلة والأرض في الصناعية له بس ملك للدولة يدفع عليها مبلغ رمزي كل سنة وبعد بدوا يزيدونه زيادة كبيرة