يمكن المنافسه الخليجيه افضل بالسعر نوعا ما لبعض المنتجات مش كلها
لكن ليش ما المحلي يتميز بالجوده عشان يبيع حتى لو اغلى بشوي
الحليب بشتري بلدنا لاني جربت الفرق بينه وبين الخليجي مثلا
الكلينكس و القصدير باخذ قطري لانه بنفس سعر الخليجي الحين و نفس الجوده
لكن جبنه خليجي ب 20 و جبنه قطريه ب 45 لا ما ابي
حاط مقياس مثل اخونا مضارب و ساوث
انا مستهلك مش محفظه مفتوحه للتجار
لو يبتدي المستهلك يفكر بالطريقة ذي احنا بنكون بخير!المشاركة الأصلية كتبت بواسطة ابو عبدالله.
انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة
معيار الجودة هو اللي يخليك كمستهلك تميل على معيار السعر. لكن اذا الجودة نفس الشيء فماله داعي اشتري الغالي.. مصيره يراجع سعره.. المستهلك في الاخير هو يحدد سلوكه وكثرة البضائع ما تعني كثرة الخيارات اذا كان معيار الجودة اللي يدورها المستهلك مب متوفرة.
بالنسبة للانتماء والامور النفسية، هي جيدة ونطلب التاجر ينتمي لبلاده ولاهله ولا يغشهم.. اذا وصلنا لوضع صار التاجر القريب والبعيد بنفس الاهداف شنو الفايدة.
اللهــــــم ارحم أخي فايز واسكنه فسيح جناتك وسائر أموات المسلمين
هلا
يا ليت الكل يتحصن بثقافه استهلاكيه
الموضه و الرفاهيه و قله الوعي بالمنتج و الاعلانات غيرت سلوك الاستهلاك عندنا
من زمان ما امشي مع فكره القطيع في الاستهلاك او موضه اليوم
حتى مرت كم سنه الكل طلع طلعه بلون لموتر فورويل ياباني قلت بشع والله مادري ليش مسوينه موضه
لين مرت سنتين ثلاث الا محد صار يشتري هاللون والي شراه اضطر يبيع ارخص من غيره
حتى اللون ركضه عليه حتى لو بشع بس اسمها موضه جديده
الحين موضه مكيفات صينيه الكل يشتري و يقارنونه بجنرال بعد ههه
لما تحريت عن ميزاته لقيته اقل بكثير من ماركه يابانيه و اغلى بعد
تعال اقرأ قوه التكييف و استهلاك الطاقه. لا. ابي هالنوع مثل غيري
محتاجين خطة لفرض جمارك ورسوم على بعض المنتحبات وحماية لمنتجات اخرى وتحديد نسبة دخولها لقطر.. يعني تمر الازمة واحنا ما استفدنا شي ولاتعلمنا اشوفها صعبة وماتنهضم.. مثال امريكا تفرض رسوم على الصين وحتى على قطر سابقا في تجارة الملابس ووضعت كوتا للاستيراد من قطر .. ايضا الدولة تحتاج تفضل المنتج المحلي في مشاريعها وهذا حاصل واذا في محال امثر يكون افضل .. والوزارات والشركات الكبرى تلتزم باستخدام منتجات محلية للمواد الاستهلاكية مثل الشاي والماي والعصاير وغيرها
أكثر اللعب يستوي في الجبن وفي الأكل خصوصاً المصنع وكثير الدهون لحد يستخسر شيء
عارف طبعنا نراعي شعور الغير حتى وإن كان جار ما فيه خير ولا نهتم بنهضتنا وقوة ربعنا
ما بختلف معاك بالتعليق لكن حاب اضيف معلومه
احنا كسبنا كثير
و سوينا الي ما قدرنا نسويه من عشرات السنين
قبل كان في اتفاقيات عدم فتح صناعات تنافس الموجود بدول الخليج وكانت بعض الدول المجاوره فاتحه عشرات و مئات الصناعات و اضطرينا ما نسوي مثلهم و نشتري منهم
مثل البيتومين ماده مهمه و بعشرات الملايين سنويا نشتريها من الدول المجاوره
لما صار الحصار فتحنا صناعات كنا محرومين منها الحين محد بيقول لنا سكروا هالمصانع لانها فتحت منعهم لمنتجاتهم من دخول قطر و احنا معذورين بفتح هالصناعات
بدايه الحصار فتحت الدوله 250 ارض صناعيه لدخول شركات عالميه مقراتها بدول الجوار
9200 شركه عالميه قدموا على هالاراضي عندنا
و اعتقد ان الدوله رفعت عدد الاراضي اكثر
تخيل اكثر من 250 صناعه دخلت و فتحت بأول سنه حصار فما بالك بعد ثلاث سنوات حصار
برأيي. حققنا الي ما قدرنا نحققه من عشرات السنين
اي والله. قبل كانت بعض انواع الجبن تلمع من كثر الدهون
منتجاتنا المحليه مدام موجوده ومتوفره ، بكون مخلصه لها من ناحية الشراء
بشرط ان تكون الجوده مقاربه للمنتجات المستورده
وانا شخصيا احب كل شي محلي لانه طازج وجديد من المصنع او المزرعه
المشكله اذا ماكان فيه منتج محلي بديل للمستورد تضطر تاخذ الموجود بالسوق
او اطلبه من الاون لاين بتكلفه اعلى
سبحان الله وبحمده
ضوابط المشاركة
رد مع اقتباس