ايش السلع الي دخلت الدولة من بعد فتح معبر سلوى ؟؟؟؟؟؟؟؟؟؟؟؟؟

[معماري قطري]

المنتج الاجنبي عليه رسوم تصدير وشحن وجمارك الخ وينعرض في السوق بسعر أقل من الوطني اللي ما عليه تصدير ولا جمرك ولا غيره (ليش)؟

السبب جدوى الإنتاج هناك والتكلفة ما يفكرون يطلعونها في سنة .. تكلفة المصنع .. هنا تطلع عيون صاحب العمل ويخسر وقت وجهد خرافي فوق المال ولو ما يطلع حقه أول بأول والبيع يكون شحيح لو ما ياخذ ربح يتناسب والخساير والمجهود يطلع أحسن له .. تعال للبيئة المحيطة ووشو يحق لك تسوي بعد الصعوبات والبهدلة كلش شيء حتى غير مشجع .. أكثر المغامرين تحصلهم عادي يخسر 20 مليون وفوق بس يحاول .. لي رفيج يسعى لفتح كراج سيارات كلفه وايد حول 10 مليون متوقع توصل تكلفته ومعدات وآلات ويشتكي من الصعوبة والتعقيد حتى من الدفاع المدني .. شيء كلش مب معقول ولا يصير حتى في أشد الدول في القوانين هذا بكرة لو ما طلع ربح صافي مليونين أو 3 كل سنة ما يعتبر فلح .. يشتغل على هالكراج فترة طويلة والأرض في الصناعية له بس ملك للدولة يدفع عليها مبلغ رمزي كل سنة وبعد بدوا يزيدونه زيادة كبيرة

[shadad]

ولد ولد خالتي يبني وراح الصين جاب حتى البلاط .. بس واجهته مشاكل النقص ويقول التكلفة عالية حتى هناك .. بعدين خلاص كل شيء يوصل قطر حتى نوعيات الرمل والطين والقابرو عن طريق ميناء حمد مباشر من أسواق آسيوية كبرى وأهل ذمة .. شاللي خلانا نبني قطر في الأربع سنين اللي راحت غير تخطيط متكامل وتوفيق رب العالمين رغم مراهنات الوجوه الخاسئة على إن قطر بتتعرقل وارتفعت قطر فوق رقابهم

شغل الغش والتقليد والمواد المضروبة إنتوا بروحكم منعتوه من دخول بلادكم وما انكر كانت فيه شراكات ناجحة بين تجار قطريين وتجار من الدول اللي حولنا في كل مجال ومصانع تصنيعها جودة عالية في بعض المواد وممكن ترجع الثقة لذيلا التجار اللي تضرروا كثير وهذا شيء راجع لهم لكن فيه ناس مثلي خلاص ما يضمنون شيصير بكرة

احسنت.
بارك الله فيك وفي حلالك وتجارتك .

من جهتي, نفس الشي. حتى وقت الشراء اتأكد مليون بالميه ان المصدر مو دول الحصار. ونفس كلامك, شاللي خلانا نبني قطر في الأربع سنين اللي راحت غير تخطيط متكامل وتوفيق رب العالمين.

[معماري قطري]

احسنت.
بارك الله فيك وفي حلالك وتجارتك .

من جهتي, نفس الشي. حتى وقت الشراء اتأكد مليون بالميه ان المصدر مو دول الحصار. ونفس كلامك, شاللي خلانا نبني قطر في الأربع سنين اللي راحت غير تخطيط متكامل وتوفيق رب العالمين.

دوم يا اخوي خيانة الثقة والمواثيق سهلة لكن ارجاعها صعب .. ألحين اوروبا تحسب ألف حساب للغاز الروسي لأن عادي يقطعونه أي وقت ووايد متمردين .. ما ندري بكرة يرجع ترمب يفوز بولاية جديدة ونرجع على علم قطر

[Dana’1]

المنتج الجيد يفرض نفسه سوا كان محلي خليجي عربي عالمي الصنع
وطبعا المنتج مقابل السعر و الخيار للمستهلك
ما أظن بالسهوله تمنع منتج من رفوفك كبلد حتى لو صار عشان حدث مؤقت بيرد بطريقه مباشره أو بأخرى

سنغافوره ضغط عليها عشان علك متخيل علك الدوله منعت العلك بناء على امور تشوفها من مصلحتهم أحد هالامور صعوبة تنظيفه و تكلف الدوله الكثير لتنظفيه ومع ذالك حُربت بطريقه او بأخرى عشان تسمح بالعلك من أمريكا مثلا لغض الأمور الطبيه يصرفها طبيب الأسنان و من الصيدليه
غير كذا يجيبونه الشعب تهريب من ماليزيا و غيرها و تعال شوف الغرامه لو انصاد!!!

الزقاير و هي أكثر آفه من العلك محد قدر يمنعها بشكل رسمي حسب علمي ما اعرف اذا فيه دوله تجرم بيعها
و كل هذا بضغط دولي من منتجيها .
مدري اسميها ضغط أو إتفاقات تجاريه دوليه!
لكن الأكيد أنت كمواطن تقدر تتحكم بمشترياتك
تقاطع اللي تبغى و تاخذ من اللي تبغى بكل حرية.