انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة
النتائج يا اخ ساوث أحياناََ كثيرة مب ملموسة، لكن طالما الابلاغ عنهم بلاش فليش ما تبلغ.. طبعاََ هذا الكلام مفيد في حال الجهة (الموارد البشرية) مركزية، يعني خارج هالمكان اللي انت تعمل فيه.
لان مثلاََ يا ساوث لو جنابك مدير مصلحة في الخور وانا في الدوحة كل سنة يجيني استقالات مسببة بأسباب تخص عملك.. فهذا تقييم لهذا الفرع.
بعدين هل معقول بجلس ارسل لك كل سنة موظفين مكان اللي يطلعون من عندك؟
هذا وانا مقتنع انهم كلهم شبكة وحدة.. لكن نحن كموظفين لابد نسوي اللي علينا.
المشكله مب مشكلة سكوت مشكلة يأس وبيروقراطية دمرت نفسية الموظف
انا لو لي حق مشروع ماراح اسكت عنه وبتم اوصله فوق وبكبر السالفه
لين ما اجيب حقي. وتعلمت درس انه في الشغل مافي شي اسمه استحي
وعيب اطلب وعيب املغ على الادارات لان لما تسكت وتنتظر فتره طويله اللي بيتضرر هو
الموظف نفسه بشكل
مباشر
سبحان الله وبحمده
قدمت استقالتي من احلا وظيفه و اول وظيفه لي بكل ضغطها الا اني كنت فخور و الى اليوم الموظفين يتواصلون معاي و لله الحمد معنه مرت سنه و شهر بالظبط.
قدمت اسبابي قبل ما افكر بالاستقالة، و اثناء مقابلة الاستقالة محد كتب الاسباب يبون الاشياء الزينة بس و ايضا بعد خروجي حاولت احفظ حق القطريين و للاسف اول يوم بعد خروجي ايميل فيه قانون جديد و تعدل للأسوء.
اللي يجامل الاحسن له ما يشارك المسوحات اللي اتكون عن طريق المجاملة تعطي نتائج خاطئة تدفع الى تعديلات خاطئة.
الواحد يكون حقاني سوائا موظف او لا اما يمتنع عن المشاركة او يشارك بكل صراحه.
اخوي سالم انت ذكرت التسلل اللي صاير و هاي اكبر غاط.
الواحد اول ما يقدم كتاب استقالته لازم اول شي يحاولون يعرفون منه الاسباب و يحاولون يكسبونه اذا مصر يبتدون بمقابلة الخروج مو بعد ما يطلع يتصلون فيه بس باسم انه اتصلنا و خذنا افادته
وفقك الله للازين يبو يوسف.. وترى الدنيا هذا حالها.. واهم شيء تخليك جاهز تعدل مسارك في أي لحظة، احياناََ ينقص الواحد منا توجيه صغير عشان ينجح في مهمة كبيرة.. اقسم بمن رفعها سبع شداد واوطاها سبع مداد اني اؤمن ان عندنا شباب يقدرون يديرون وزارات.. لكن الحياة لو ما صعبت اختباراتها ما طلعنا بثمرة زينة.. وفالك الخير والتفوق يا بشمهندس يعقوب.