الله يرحم الوالد كان مدخن شره فترة طويلة إمتدت حول 30 سنة كان يبدأ يومه وينهيه بالسيجارة ويولع وحدة في الثانية .. حاولت فيه ولا فاد رد علي وقتها لو جمعوا جيش الاتحاد السوفييتي بكل أسلحته وجيش أمريكا ووجهوها علي وتحدوني أدخن ويرموني بادخن .. يئست منه لكن كان رفيجه ودوم معاه ولد خالته توفى الله يرحمه بالخبيث وكان مدخن شره مثل ابوي والسبب أعزوه للتدخين وقبل ليتوفى نصح إبوي بترك التدخين وحلفه بهذا الشيء ورحل وإبوي نوى يترك التدخين والقهوة والشاي وقطع الثلاث منبهات مرة وحدة .. كان عادي يخلص الدلة في جلسة وحدة والمقهوي يتعب وهو يصب وكانت شنطة الدلال دوم في سيارته وهو رايح للريان من الغانم يوقف ويتقهوى في الطريق .. ترك كل هذي مرة وحدة وصمد حول 20 الى 25 سنة لوفاته
صحيح وقف التدخين يحتاج عزيمة وصمود
لكن وباء كورونا بلوى كبرى ومبيد سريع المفعول وبنفس الوقت سريع الإنتشار لو تعطي التدخين 1 تعطي كورونا حول 20 أو 15 أقل شيء