المشاركة الأصلية كتبت بواسطة داااايم السيف
جايز ياصديقي العزيز بوجبر ليش لا
لكن برايي ان اغلب الافراد عندهم صبر على الخساير وصبرهم على الربح معدوم
اعطيك خربوش صغير (حتوته) من فترة صارت مع احد الأصدقاء توه جديد في البورصة
اتصل فيني وقالي ياخي عندي 100 الف ابي استثمر في البورصة لاني اسمع الناس يتكلمون عنها ممكن تفيدني
قلت له على عجاله اشتر سهم مزايا على سعر 0.85 (طبعا نفس التوقيت الي كنت تحذر انه متضخم في مشاركات سابقة لك وهذا طبعا وجهة نظرك ومن حقك تحط رايك)
وفعلا ثاني يوم اتصلي وقالي شريت سهم مزايا بكامل السيولة
قلت له حلو خلاص امسك على السهم وانتبه تضارب وباذن الله راح تبيعه وتحقق ربح مايقل عن 20% من سعر شرائك
قالي ابشر راح امسك السهم وباذن الله ماراح ابيع الا لما تقولي ووووووو
اذكر السهم طار لين 1.32 وتذكرته بس ماتواصلت معاه
واذكر في شهر أكتوبر تعرض السوق لموجة تصحيحية ونزل سهم مزايا لين مستويات 0.9
طبعا صاحبنا اتصل فيني اول ماوصل السهم لمستوى 1.048 كان حزتها بالحد الأدنى ويقول ايش فيه السوق وسهم مزايا خسرني وايد
قلت له اشلون خسرك وايد ،، انت أساسا اخبر انك شريته على 0.85
صراحه كان رده علي صاعق،،،،،،انا كنت اضارب فيه لانهم في قروب الواتس اب يقولون بيعوا هنا واشتروا هنا وانا معاهم كنت اضارب
قلت له بالأساس طالما عندك قروب واتس اب محللين مخضرمين على حسب كلامك ليش بالأساس تأخذ رايي
وهل لو مشيت على كلامي صح والا انجرارك مع كلام فلان وفتان
الخلاصة الحبيب طلع بايع السهم على 0.95 وعقب اشتراه على سعر 1.1 وعقب باعه على سعر 1.12 وعقب اشتراه على سعر 1.2 وعقب باعه على سعر 1.23 وعقب قرر الاستثمار في سهم مزايا وغلق المحفظة بعد شرائه على سعر 1.34
وقال في نفسه ماراح ابيعه الا اذا وصل 2.0 وبأول تصحيح الحبيب باع كل الي يملكه على سعر 9.02 لان المحللين في القروب عنده قالوا السهم خروج والهدف 0.82
وبعدين قرر يتواصل معاي احصله حل لمشكلته
وكان ردي عليه بالاعتذار
والله اني تواصلت معاه من فتره قريبه أقوله اخبار السوق معاك
قالي بالحرف الواحد طلعت بخسارة كبيرة وقررت الخروج بدون رجعه
اسمحلي على الاطاله يابوجبر ولكن من باب قلة المشاركات ولتلطيف الجو والاهم من ذلك عشان نعتبر جميعا من واقع التداولات واحوال المتداولين