,
,
مرحبا
للاسف الزيتون ما يثمر في قطر الجو غير مناسب
لذلك شجره الزيتون بقطر تستخدم ( للزينه ) مثل الموجود في مول الحزم
ركز على المثمر في قطر
الحمضيات بكل انواعها وخاصه الليمون
البرتقال بعض الاصناف
الافندي الصيني
شجر التوت بكل انواعه
الكنار بكل انواعه
النخيل بكل اصنافه
المانجو ناجح جدا بقطر
الرمان
التين
البابايا
البطيخ والجح
هذي الانواع ممتازه جدا لجو قطر وما تحتاج عنايه كثيره
ممكن مزارع يجيك يومين في الاسبوع تعطيه 600 ريال في الشهر حسب منطقه سكنك
وتخلي السايق يتعلم منه بعض الامور
او تجيب مشتل يضبط الامور شهر 10 بدايه الموسم يسمد الارض ويزرع الشتلات الي تبيها
ويحط مركب وفيتامينات وحديد
وبعدها السايق تزيده 200 ريال يعتني في الزرع
الخطه a
افضل طريقه تشوف مزارع شاطر يجي لبيوت الجيران او الفريج عندكم
تخليه يمر على البيت عندك ( يكون ارخص لك )
ساعتين يوم السبت وساعتين يوم الثلاثاء يكفي للبيت
راقب الفريج هالايام بتشوف لك عامل جاي بسيكل حق احد البيوت وحاط على سيكله سله
فيها عده الزراعه هذا وقفه واتفق معاه
الخطه b
تشوف عمال الزراعه مال البلديه الي يشتغلون بزراعه الشوارع في منطقتكم
هذا يجيك الجمعه والسبت كل اسبوع فنانين وشاطرين وخبره
500 ريال يجيك يشتغل لليل
الخطه C
تجيب مزارع من الهند جديد وخبره بالزراعه تجيبه من مشتل من الهند
واول ما يوصل قطر ويشتغل كم شهر تطلع له ليسن
ويصير سايق ومزارع
,
,
,
التعديل الأخير تم بواسطة شموخ دائم ; 20-05-2021 الساعة 10:28 PM
قهرتني يا ولد الخور
فريجنا لا تنفع معاه خطة أ ولا خطة ب شكله مب موجود على خرايط البلدية انا سويت خطة غير السايق هو اللي يزرع وانا كل شيء أشوفه زين
,
,
لازم نمر فريجكم نعاين الوضع
تصحر بالفريج
الاستفاده من السايق للزراعه فكره طيبه في وقت الفراغ
الخور ما شاء الله كلها حدائق وزراعه بالشوارع الحمدالله السنوات الاخيره
الزراعه والاناره بالشوارع لها اولويه والحمدالله
,
,
تستاهلون إخوي شموخ
عندنا توهم بدوا يزرعون أطراف الطريق الرئيسي المقابل فيلاجيو وحياة بلازا .. أما تدخل شوي داخل طرق متهالكة يرقعون فيها ولا تترقع وأطرافها جزء مرتفع وجزء نازل والسيارات الواقفة على التربة ماكلة طرف الطريق الضيق .. حتى عمال النظافة يتركون حاويات القمامة ماكلة جزء من الطريق الضيق
تستاهلون كل خير والله نتمنى كل مناطق قطر تتطور مب بس التركيز على المناطق الرياضية وما يحيط بها
بعدين تعالي شعرفج هذي الأسرار الخطيرة عن بيتنا صج النص فلبينيين تقريباً