تدخل العامه في الادويه و التخصصات الطبيه

[naklan]

السلام عليكم ورحمة الله وبركاته
موضوع جميل اخوي بوعبدالله ومفيد

وجهة نظري في الموضوع ان نمسك العصا من النص
اصدق واخذ براي الناس الي لهم مصداقية وفي شي ان نفع
ولا ما يضر ومن تجارب الناس وتجاربنا الشخصية
انا كان عندي انتفاخ في ضهر يدي ورحت لمعالج شعبي حط
زيت ودلك المكان ومن بعدها ما شفته

ومثل تجربة اخوي معماري
هناك تجربة لسيدة اسيوية صادها سرطان القولون
او في المعدة وقالو لها 5 شهور ويتودعين تجاهلتهم وهي
صاحبة مزرعة واخذت تشرب جوز الهند الي يسمونه ينق كوكونت
وبعد سنة راحت وفحصت عند الدكتور نفسه قال لها ما في شي

لذالك اصدق واخذ من الناس الصادقين ومن خبرة الجيل السابق
وصفات معروفه وموثوقة ومش كل شي اخذ به

تحياتي لك اخوي بوعبدالله
وللجميع

[معماري قطري]

ما ننسى العلاج توفيق من رب العالمين وبمشيئته حتى حق كورونا في كل دول العالم بلا استثناء طلعت علاجات وبعضها مجنونة 100% وبعضها ما يستبعدها المحتاج

[ابو عبدالله.]

السلام عليكم ورحمة الله وبركاته
موضوع جميل اخوي بوعبدالله ومفيد

وجهة نظري في الموضوع ان نمسك العصا من النص
اصدق واخذ براي الناس الي لهم مصداقية وفي شي ان نفع
ولا ما يضر ومن تجارب الناس وتجاربنا الشخصية
انا كان عندي انتفاخ في ضهر يدي ورحت لمعالج شعبي حط
زيت ودلك المكان ومن بعدها ما شفته

ومثل تجربة اخوي معماري
هناك تجربة لسيدة اسيوية صادها سرطان القولون
او في المعدة وقالو لها 5 شهور ويتودعين تجاهلتهم وهي
صاحبة مزرعة واخذت تشرب جوز الهند الي يسمونه ينق كوكونت
وبعد سنة راحت وفحصت عند الدكتور نفسه قال لها ما في شي

لذالك اصدق واخذ من الناس الصادقين ومن خبرة الجيل السابق
وصفات معروفه وموثوقة ومش كل شي اخذ به

تحياتي لك اخوي بوعبدالله
وللجميع

يا هلا

متفق تماما مع كلامك

الي لهم مصداقيه و مرجع مثل الطب النبوي او العلاجات المجربه من زمان باخذ منهم المعلومه لكن مقاطع الفيديو ولا التفت لها

[ابو عبدالله.]

ما ننسى العلاج توفيق من رب العالمين وبمشيئته حتى حق كورونا في كل دول العالم بلا استثناء طلعت علاجات وبعضها مجنونة 100% وبعضها ما يستبعدها المحتاج

اما مجنونه مجنونه. للحين اذكر. قو كورونا. كورونا قو ههههه

[معماري قطري]

اما مجنونه مجنونه. للحين اذكر. قو كورونا. كورونا قو ههههه

عندي إقتراح شرايك نسوي مسيرة على الكورنيش بشموع ونقول قو كورونا قو بس لازم يطفون الليتات كلها ونجمع أكبر عدد

[معماري قطري]

شوف العالم وصل 20.6 مليون حالة فعالة وشوف ألحين كم والحالات تزيد بلا توقف في بعض الدول 21,184,693

[ابو عبدالله.]

عندي إقتراح شرايك نسوي مسيرة على الكورنيش بشموع ونقول قو كورونا قو بس لازم يطفون الليتات كلها ونجمع أكبر عدد

ستتهم بنشر علاج وهمي مخالف لقانون الصحه و احتمال يشك بك بجمع منافع ماديه من الجمهور ههههههه

[ابو عبدالله.]

شوف العالم وصل 20.6 مليون حالة فعالة وشوف ألحين كم والحالات تزيد بلا توقف في بعض الدول 21,184,693

العالم معتفس واحنا يتصلون بك يعرضون عليك اللقاح الحمد لله على النعمه

[النهار]

https://www.youtube.com/watch?v=YxOZX0AVPME

كنت اعاني من مسمار القدم 9 سنوات ماخليت مستشفى مارحت المصيبه طالع في مكان صعب من كثر ماكنت اتحاشى الضغط عليه
اصابع رجلي اصبحت معوجه استخدمات جلسات الليزر ومحاليل الحرق ولزقات خاصه جابوها لي من الخارج حتى الحرق بالولاعه جربت
مافي فايده واحد من الربع طرش لي مقطع فيديو يعالج بقشر الموز قلت كل هالعلاجات ماجابت فايده قشر الموز يعالجني نسيت الموضوع
زادت الحاله عندي ماكنت اقدر امشي الا بصعوبه تذكرت الفيديو قلت اجرب لعل وعسى قبل لاانام كنت احط معجون الموز وانام اقوم الصبح
اغسل الرجل وبعد صلاه العصر اكرر العمليه لين صلاه العشاء استمريت اسبوع صراحه من اول يوم حسيت بتحسن بعد اسبوع قمت الصبح
حصلت المسمار طلع كان حد اسحبه من جذوره والحين لي حول السنه الحمد لله مارجع قبل كان يروح بالعلاجات ويرد بعد اسبوع او اسبوعين
هذي من تجاربي الخاصه و 4 غيري كانت عندهم نفس المشكله الحمد لله تشافوا

[معماري قطري]

العالم معتفس واحنا يتصلون بك يعرضون عليك اللقاح الحمد لله على النعمه

السبب يا اخوي التطعيم للحين توه ما وصل 6% عالمياً يعني باقي 94% أقل شيء لذلك الإجراءات الإحترازية مستمرة ولندن أبدعت في هذا الجانب بعد ما ألزمت الحكومة الشعب بهذي الإجراءات وسرعت التطعيم حتى خلوا بين التطعيمين فترة 6 أسابيع حتى يطعمون أكبر عدد ألحين هذي نسبتهم 43.44% ونسبة قريبة للفعلية خل نقول أقل شيء 30% من السكان تطعموا لأنهم يحاولون يطعمون أكبر عدد وتطعيم واحد حتى يحصل مناعة كافية .. قطر وصلت 20.60% بس من ضمن هذي النسبة وايد ماخذين لقاحين وهذي لنسبة اللقاحات يعني المضمون من الشعب تقدر تقول 15% وممكن تحت بس مؤكد ما يقل عن 10%

العالم بيبقى معتفس وفترات طويلة بسبب قلة التطعيم .. إسرائيل طعموا بنسبة 112.29% وباقي لهم المتبقي حتى يوصلون 200% وهذي معناها كل السكان خذوا لقاحين وكل دولة مثلهم الا الدول اللي تاخذ لقاح غير من جرعة وحدة والمفروض يبينون هالشيء في الجدول

قارن بين بريطانيا وفرنسا .. الأُولى نزلت حالاتها الفعالة من 1 مليون لين 514,923 اليوم وكل يوم تسجل شفاء يزيد عدة مرات عن الإصابات يعني تقل الحالات الفعالة .. الثانية وانا ما احبها دولة قمع وظلم ولعانة حالاتها زادت في الموجة الثانية من تحت المليون ل 3,880,209 اليوم مع إن الدولتين سكانهم متقارب في العدد وقرب بعض وأتوقع المقدرة المالية متقاربة