استفسار بخصوص شركات الإجارة في قطر

[AFE]

زين اذا بيعطونك ارض باسم الدوله اعتبرها فرصه

لكن اذا بتسأليني لو كنت مكانك ايش بسوي. بقول لك

اول شي بقدم طلب لارض و قرض و بطبع نسختين وحده بقدمها و وحده بخلي الموظف المستلم يوقع على استلام النسخه و بالتاريخ

اذا ما ردوا علي كتابيا بسبب المنع بقدم شكوى و بحط صوره الطلب بأن الجهه لا ترد على الطلبات رسميا

لازم اي طلب رسمي يرد عليه رسميا. اي اجابه شفويه لا يعتد بها قانونا

في حال عدم الرد على الشكوى بقدم شكوى للشؤون القانونيه بنفس الجهه لامتناع الجهه عن الرد و عدم تسيير معاملتي بنص القانون

و بثبت شكاوي بنسخه من طلب الارض و القرض و نسخه من الشكوى الاولى

الشؤون القانونيه لازم ترد بما يحويه القانون الي يقول اني استحق ارض و قرض و ارفق الرد بطلب لسعاده الوزير بتسيير طلبي وفقآ لفتوى الشؤون القانونيه

اي مسؤول يرفض التعامل مع شكواي بشتكي عليه بحجه الامتناع عن تأديه خدمه تكفلها الدوله وهي طلب الاسكان و الشكوى بالرد كتابيا و الشكوى القانونيه لعدم تسيير المعامله و الرد عليها

ما اشتكي على الجهه. اشتكي فقط على الافراد

الشكوى على الجهه تدخل فيها قضايا الدوله. وهذا مش في صالح انهاء طلبي بسرعه. لكن الشكوى على موظف امتنع عن تاديه وظيفته تعتبر شكوى فرديه لا تدخل فيها قضايا الدوله و يفتح تحقيق و يثبت الامتناع عن تأديه الخدمه المكفوله من الدوله وهي الارض و القرض


هذا لو انا في وضعك لكن انتي حره في تعاملك مع اي جهه و تسيير معاملاتك بالطريقه الي تعجبك

الله يجزاك كل خير اخوي ابو عبدالله. بالنسبة لموضوع الاسكان ترى انا من الناس الي مستوفية كل الشروط الي تخولني اخذ ارض وقرض من الدولة ولك ان تتخيل انه من 2012 وانا مقدمة عليهم مرت سنين رايحه جايه اسئلهم ويقولون موقف القرار من عند مجلس الوزراء القهر ياخوي انهم وافقوا علي ولا قالوا لي الموظفين حتى وانا اراجع محد تكلم ولا قالوا حق الناس تعالوا ترى انتوا اطلعت لكم الموافقة لين خلاص تسكر كل شي ولين يومك هذا مافيه خبر ابداً. واذا على الارض ياخوي حتى هذي الارض الي من الدوله اصلن ماصاروا يصرفونها وانا من حقي ك قطرية ياخوي ابو عبدالله اني احصل ارض وقرض بإسمي بالشروط الي كانوا طالبينها لكن مب عارفه ايش الي وقف الموضوع وايد ناس تضرروا لما توقف الموضوع للاسف تكلمنا وبعد مافيه فايدة. اهما ماخلوا لنا مجال حتى نشتري اراضي انت تشوف بعينك ياخوي وين وصلت اسعار الاراضي والله شي مب معقول اي حد سواء من الرجال او النساء محتاج ارض او يبني ارضه وين يقدر في هالغلاء هذا. وصلت اسعارنا لاسعار مش معقولة يعني ياليت الاراضي اراضي تجاريه او اداريه عشان نبرر هالاقيام لكن شنقول؟ الله كريم.

[ابو عبدالله.]

معاك و قاهم الوضع

انا علقت ان لو كنت انا بهذا الوضع ايش بسوي


ما اقدر اضيف شيء اخر عن موضوع الارض و القرض


لكن عموما. فكره شراء ارض مش مستحيله لكن تحتاج شد حزام و تعديل وضع و جمع مقدم

واحنا كبار و نفهم و نقدر نحدد الاولويات والي يبي يوصل لهدف يتعب عليه

كثير يستبعدون فكره شراء ارض او فيلا و يضلون سنوات بمواتر كشخه و صرف عادي و رفاهيه تقتل السنين بدون هدف واضح

الي دايم اسمعه

ياخي يبي لها سنوات اقساط و شد حزام متعب و بننحرم من امور وايد. و نبي مثل الناس نعيش مرتاحين

وايد اعرفهم ضلوا بالايجار سبع و تسع و عشر سنوات و دفعوا قيمه الفيلا بدون ما يحسون

ولد من عيالنا قلت له اشتر بيت وصك على عمرك. قال لا مابي اضغط على نفسي وايد. و أجر تسع سنوات صافي مليون و 400 الف مع اني عرضت عليه بيت بمليون و 800 الف وما بغاه ذيك السنه

لما جلس يبني بيت الاسكان اضطر يصك على نفسه وايد و قلت له اكو تقدر تستحمل المصاريف و ما تشتري مواتر كشخه قال هذا بيت العمر

قلت له و البيت الي قلت لك عنه ما كان يستاهل تتعب عليه. ولو الحين كان اجرته و جاك مدخول ثاني غير راتبك



هذا هدف طويل الاجل و الناس ما تبي تتعب بهدف طويل كله يبون اسرع. وهذا ما يتحقق مش في شراء بيت او تكوين مدخرات تتحول لعقار او تجاره او اي شيء يدر دخل يرفع المعيشه للافضل

غير الادخار ما يصير مقدم

غير استحمال الاقساط ما ينشرى بيت

والي مب قد الاستحمال لا يطلب المستحيل بيت براحه و بدون تحويش مقدم ولا استحمال قرض

مبادئ اساسيه لا مفر منها