صفحة 1 من 2 12 الأخيرةالأخيرة
النتائج 1 إلى 10 من 18

الموضوع: ارضيات رخام

  1. #1
    عضو نشط
    رقم العضوية
    28694
    تاريخ التسجيل
    Oct 2009
    الدولة
    QATAR
    المشاركات
    865

    ارضيات رخام

    اخواني صار لي اكثر من 4 شهور او اكثر وانا متعطل ادور ع ارضيات رخام واغلب الي ف السوق مصادقيتهم 0 اتفقت مع واحد من المحلات وقمت اوقع ع السلابات وشفت العقد وخلاص بوقع، سالته قلت تقدر الزايد من الرخام استخدمة ف بيتي مثل عتبة نافذة او اي شي استفيد من الهدر لو فيه
    رد علي اي زيادة ف الهدر مش بتاعتك بتاعتي وقالي انت مالك الا بيركب ف بيتك فقط.
    قلت له طيب انت متاكد انه مافيه زياده ولا فيه هدر خلاص وافق انت حاسب ومتر البيت كامل واثق ليش خايف قعد يحاول يقنعي هذا الي حاصل ف السوق وانه المتبع قلت له غلطان اذا ع كذا مايحتاج اشتري اوبن سايز سلابات كبيرة وبسعر اعلى وبشتري مقصص جاهز وارخص

    الان الميزاينة عندي تقريبا بحدود 450 550 بالكثير ابي رخام ابيض عروقه خفيفة تقريبا شنو تنصحوني من الرخام او المحلات الي اسعارهم معقولة ومناسبة.

    انا صراحة تعطلت بخصوص البند الارضيات امانة وتلعوزت

  2. #2
    عضو فعال الصورة الرمزية سعود.
    رقم العضوية
    48691
    تاريخ التسجيل
    Apr 2015
    الدولة
    قطر
    المشاركات
    3,545
    ركب بورسلان وريح مخك
    عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”

  3. #3
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    إيه والله إخوي سعود .. في بيت إخوي أبيض بس ما كمل سنتين الا بقع من أُمور كثيرة

    البورسلان فيه أبيض بعروق ومقارب للرخام وجودة عالية ما يوصل نص سعر الرخام وتقدر تتفق على قصه حق براويز الدرايش والنعلات وشغل البورسلان وايد أريح من الرخام بس تركبه على سكريد جيد ومستوي بدون ميلان

    دخلت ميلس أمس رخامه بيج متشمخ ومعتم ما فيه لمعة كلش .. ودخلت ميلس مركب 80 في 80 وقعدنا نسولف في البنيان فاجأني إن المركب بورسلان ونوع رخيص بعد بحدود 50 ريال .. قلت له والله أحسبه رخام وتركيبه سيدة يبين صج صج رخام

    بيتي الجديد بإذن الله وبيت ولدي بيكونون رخاملس وبورسلانفل

  4. #4
    عضو فعال
    رقم العضوية
    49176
    تاريخ التسجيل
    Sep 2015
    الدولة
    الارض
    المشاركات
    2,026
    انصح بمثل ما قال اخونا معماري و اخونا سعود .. في بروسلان يشبه الرخام و موجود عند شخص ثقة و جودة المنتج عنده عالية. اذا بغيت طرشت لك رقم الشخص.
    انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
    لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة​

  5. #5
    عضو مؤسس
    رقم العضوية
    21272
    تاريخ التسجيل
    Jul 2008
    الدولة
    قطر
    المشاركات
    5,844
    ,

    ,



    مرحبا


    طبعا مافي افخم من الرخام للارضيات بكل العالم
    مافي قصر ولا فندق ولا مكان راقي الا ارضياته رخام

    ولكن

    ولكن

    تحتاج ايدي ماهره للتركيب ومصنع ممتاز يخدمك بالخامه

    ارشح لك

    مصنع جاما للرخام بقطر

    https://youtu.be/LdiZu7LhB7s

    https://youtu.be/LdiZu7LhB7s


    والهادر من حقك لانك ( دفعت ) قيمته فهو لك


    ونصيحه لا تشتري رخام وتجيب ناس ( رخيصه ) للتركيب

    تحمل

    تحمل

    تحمل

    تغلط هالغلطه

    اذا من ناحيه ماديه يفوق ميزانيتك

    خلك على شبيه الرخام مثل ما نصحوك الشباب



    ,

    ,


  6. #6
    عضو
    رقم العضوية
    41517
    تاريخ التسجيل
    Jan 2012
    المشاركات
    286
    توني تعاقدت مع شركه بالصناعيه اشوف اسعارهم افضل شي حصلته بالسوق موالا وايت ابيض تركي سلابات للمصعد وبعد الحمامات موالا وايت تركي مقاس 60/30. الارضيات 60/60 والتركيب بعد من عنده مع الدرج داخلي وخارجي ولو تبغي شي يعطيك نفس الرخام روح كافود اشوف اسعارهم موب غاليه نفس ماسمعت قبل عندهم بورسلان اسباني باسعار اشوفها عاديه بالنسبه للي شفته بمحلات سارع سلوي هو افضل وارخص وتندمت اني مارحت له لان اكثر التعليقات انه غالي لاكن اشوفه افضل شي وسعر معقول

  7. #7
    عضو
    رقم العضوية
    41517
    تاريخ التسجيل
    Jan 2012
    المشاركات
    286
    فيه بعد محل بشارع سلوي عنده بورسلان هندي اسباني صيني اسعاره رخيصه وتري مديرهم اسمه علي هندي عليك فيه يسوي تخفيض غير الاسعار الي تحصلها عندهم وجوده الهندي الي عندهم افضل نوع بالسوق ويعطوك ضمان بعد عليه انا اخذت من عندهم مقاسات 160/80 هندي ومقاس 120/60 اسباني
    التعديل الأخير تم بواسطة ابراهيم 2012 ; 21-03-2021 الساعة 09:04 PM سبب آخر: اضافه

  8. #8
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة شموخ دائم مشاهدة المشاركة
    ,

    ,



    مرحبا


    طبعا مافي افخم من الرخام للارضيات بكل العالم
    مافي قصر ولا فندق ولا مكان راقي الا ارضياته رخام

    ولكن

    ولكن

    تحتاج ايدي ماهره للتركيب ومصنع ممتاز يخدمك بالخامه

    ارشح لك

    مصنع جاما للرخام بقطر

    https://youtu.be/LdiZu7LhB7s

    https://youtu.be/LdiZu7LhB7s


    والهادر من حقك لانك ( دفعت ) قيمته فهو لك


    ونصيحه لا تشتري رخام وتجيب ناس ( رخيصه ) للتركيب

    تحمل

    تحمل

    تحمل

    تغلط هالغلطه

    اذا من ناحيه ماديه يفوق ميزانيتك

    خلك على شبيه الرخام مثل ما نصحوك الشباب



    ,

    ,

    انت من مشجعي الرخام القدامى والقصور طلعت قبل البورسلان غالبيتها .. ألحين من خلال متابعتي للمنازل التي ترتقي لدرجة قصور كثير يستخدمون البورسلان ويقولونها صراحة .. هذي المواد الحديثة والمصنعة بجودة رحمة من رب العالمين حتى الحجر الصناعي كثير منه فيه تحكم في القوة والمتانة والشكل المتجانس الواحد

    أكيد أوقات التصميم يحكمك لو تبغي شيء طبيعي وتبين فيه العروق والشوائب وما تحتاج لمعة ممكن الرخام يكون أفضل وفيه نوعيات حتى مع القدم تبقى قيمتها فيها وتزيد بسبب ندرتها وشكلها

    هي إتجاهات وتقدر تركب سلابات كبيرة بورسلان مثل ما سمعت لين مترين ونص في 3 ونص وحتى تحط فواصل ستانلس ستيل ذهبية أو فضية أو كروم .. وأكيد التركيب الجيد يبين وهو الأهم

  9. #9
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    أحد المقاولين والتجار عنده محل بورسلان كنت أكلمه عن عدة التركيب والقطع الكبيرة وراويته فيديو قال مستحيل نسويه هذي شغلة .. ألحين اقتنع من كلامي الظاهر لطلب الناس ولمنافسة بقية المحلات في استيرادها حتى اني شفت محل يعرض قطع التركيب للي يبي يشتري منه مجاناً بس يحط تأمين ويحافظ عليها

    السوق لازم يتطور ويجاري الحديث من المنتجات وأكيد القديم يبقى له سوقه بس المنافسة شديدة مع الأحدث والأجمل والأرخص والأكثر عملية

  10. #10
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    23,907
    حط في بالك ان الرخام يبي له عناية كل كذا سنه ..
    وهالمادة بالذات نفس الاسفنجة تشرب السوايل اذا طاحت القهوة ولا غرشه العطر اشلون بترقع ..
    فاذا لك بارض ومتاكد انك بتحافظ عليه عدل .. شوف محل الامانه .. والمتحدة ..

    واذا بتسمع نصايح الشباب فاكيد راح تتوفق .. لان احنا مانتكلم الا من تجربه
    والله يسهل لك ..
    تُنسى ، كأنَّكَ لم تَكُنْ ..

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •