اقتباس المشاركة الأصلية كتبت بواسطة معماري قطري مشاهدة المشاركة
الله يكتب أجرك ويشفي المصاب ويرجع لعائلته سالم معافى

صراحة إدارة المستشفيات عندنا من العصر الحجري ولو يحصل لهم ينقشون وصفاتهم على الحجر سووها

مصيبتي اليوم بسيطة مقارنة بهذي الحادثة .. اليوم رحت باخذ قطرة لعيني نوعين والوصفة مكتوبة هذي إعادة .. وبنفس الوقت خذت بطاقة والدتي باجيب لها دواء من الرعاية المنزلية .. وبنفس الوقت بآخذ سنسر لقياس السكر وإبر من مستشفى حمد والمستشفيات قريبة من بعض قلت أبدأ بدواء الوالدة ووصلت تحت في المستشفى الجديد سئلت عن الرعاية المنزلية قال لي الموظف وين قصتك قصة هذي لازم تطلع مشوار للإدارة وموجودة حولنا

يمكن قليلين دخلوا دواعيس المسماة مدينة حمد الطبية واللي بقت سنين بدون ما تسكن .. رحت قبلها للصيدلية قالوا لي لا هذي تروح صيدلية العيون في الدور السادس وبعد مشوار ولفت وانتظار ووصلت قالوا لي مسجل لك نوع واحد تبي الثاني إطلب من الممرضات يكلمون الطبيب المناوب ويكتب لك وما قصر الطبيب جاني في الإنتظار خلال دقيقتين تقريباً وقال كتبتها .. عاد أرجع للصيدلية وأحصل شلة حريم سادين الممر .. شهالدفعة اللي طلعت وعلي الإنتظار ومعاي سودانيين اثنين وغيرهم وحالة .. توني جاي محد موجود .. قلت أمري لله وخلصت نص المهمة ولازم اتابع باقي القصة

رحت مدينة حمد الطبية عمارات كانت سكنية حولوها مكاتب ونوادي وكلها طرق ضيقة وزايدينها ضيق ناس موقفين على جنب وزحمة سيارات كل شوي واحد داخل التقاطع بيدعم اللي جدامه .. جنغليز إن إفري دهليز .. بصعوبة لين حصلت بويت مكتوب عليه الرعاية المنزلية ووقفت على جنب ودخلت وكتبوا لي وصفة مطبوعة وعليها 16 ختم وقالت لي المسؤولة روح مستشفى حمد أو رميلة الصيدلية الخاصة .. طلع بعد إسم جديد وزين رحت ودورت هالصيدلية الخاصة حصلتها في العمق وسلمتهم الوصفة وقالوا لي انتظر نحضرها قلت بالحق على مخزن أدوات السكر قبل ليسكر ورحت وعطاني المطلوب ورجعت تحت خذت الدواء ووقعت وحطيت رقم تلفوني .. صراحة إجراءات صعبة والمواقف تحت الأرض في الرعاية اليومية بكرت ومخرج خربان الباب ويطلبون منا نرجع ريوس نطلع من مخرج ثاني .. ومواقف مستشفى حمد بعد بكرت بس أعتقد لين ساعتين مجاني بس لازم تدخله في المكينة وشغلة لين جدامك واحد علة

هالمشوار خذ مني حول 3 ساعات .. المفروض بالكثير ساعة ومكان واحد أحصل فيه كل شيء .. في أمريكا أذكر خدمة السيارة جدام الصيدلية الخارجية حول 10 خراطيم لنقل الوصفات والدواء وإذا عندك إعادة تتصل ويحضرونها لك حتى الوصفات انلغت كلها بالكمبيوتر بس يحتاجون البطاقة .. يخدمون حول 10 سيارات في لحظة وحدة وهذي الصيدلية فيها كل شيء ما ادري ليش ربعنا رجعيين ولا يقدرون يخططون لنفس هذا الشيء وهم شايفينه يستوي في دول العالم
بعد هذا الكلام ياخوي معماري تتوقع ربعنا يعرفون كورونا ولا كل واحد راح يفحص قالوا كورونا علشان جهات اخرى تسفيد فنادق مصانع وغيرها خذها مني الطب فاشل في المنطقة العربية كلها آخر شي عندهم الصحة عيل ليش الحكام مايتعالجون الكل في بلاده ليش على طول برى وغيرهم من الناس ليش الغربة لو كان عندك طب