قولوا لي وين نقطة البحث؟

[سالم الزهران]

السلام عليكم، مساكم الله بالخير والعافية

اليوم شليت مريض كورونا وديته الإسعاف ويوم شافوا وجهه شاحب وشفايفه قلبت ازرق.. خافوا يقربون منه!

وعيون الملايكة البيضاء تطالع هالشيطان اللي جايب لهم مريض كورونا وداش به عليهم!

هل تتخيل أن المريض مرمي ع كرسي انتظار لا يكاد يرمش واخصائي الكورونا يقول لي انت كيف تكسر الاجراء وتتلامس مع مريض و تشيله وراسه على كتفك؟
وبتغرم... بلابلابلا
الحين هذا موضوعنا يا عالم ولا اسعاف مريض يعيش رعب ويقول اختنقت اختنقت؟

افيدونا بالله يالربع كيف تفكر العالم هذه؟ غلطان اذا فكر انه بيخوفني وغلطان اذا يفكر اني بسكت له و هذا اللي خلانا نجلس معهم للعصر.. شكراََ في الختام للطبيبة الباكستانية وشكراََ للسيكيورتي اللي تعاونوا معي شكراََ لكل (إنسان).

[وسمي2016]

ربي يستر ويلطف,,,ولا تلوم الجاهلين

ربي يشفي مريضكم,,,وربي غفور رحيم

[طلعة الروح]

انت جزاك الله خير سويت اللي عليك
اذا عليهم هم بيخلونه لين يموت لين
ما يرسلون الاسعاف
الله يشفيه ان شاء الله

انت جربت تتصل فالاسعاف عشان ياخذونه؟

[سالم الزهران]

الله يجزاك خير اخوي وسمي واختي طلعة والله يشفي كل مريض آمين وأنا شاكر للطبيبة الباكستانية لانها صمدت اما بناتنا وطبيبانتا كان منهم ثنتين وحده من النفضة جلست..فعلاََ ما ابالغ لانهم عيالنا مدللين ويبون يدشون مهنه صعبة واذا جت حزة الصراخ تصيبهم هستيريا، عيل وش جايبكم هنيه! طواريء عاد؟

[Rider]

اخوي سالم إذا الرجال تعبان ليش ماتصلت على الإسعاف لاقدر لو أصابه شي وهو معاك في السيارة انت تتحمل المسؤوليه الا اذا كان أحد من أهلك

[سالم الزهران]

اخوي سالم إذا الرجال تعبان ليش ماتصلت على الإسعاف لاقدر لو أصابه شي وهو معاك في السيارة انت تتحمل المسؤوليه الا اذا كان أحد من أهلك

حبيبي رايدر الله يحفظكم قل آمين، الريال جارنا بنته الصغيرة جتني تقول يتصلون محد يرد، قمت اتصلت انا وفاتح السبيكر والجوال بمخباي والموظف يقول خلك معي.... لخظة خلك معي؟ هذا رقمهم الثاني ولا رقمهم القصير مال الطواريء محد رد.

تدري يا اخ رايدر عشان تعرف ان الموضوع حياة وموت.. الرجل كان مرمي في غرفة نومه ما قدرت زوجته تلبسه ملابسه... يعني انا يالجار ملبسه قطعه واحدة كانت مرميه جنبه تستره بس.

لا تذكرني يا رايدر.. امس الملائكة البيضاء تصدوا لي في البداية (خايفين علي) وبعد تعرفون الانفكشن كنترول! .. الخ! لكن عقب الحوسة وعقب ما يحضرون اللي شارد منا واللي مناك واللي يشربون قهوة ولازم يلبس لبس عزل وجهاز اكسين رابطه ع ظهره.. متى بيجونك ربع ستاربوكس!

امس كان اختبار لهم.. وانا من امس اختيارياََ قاعد بغرفة لحالي من باب الاحتياط و الله يشفي المريض.. والله لو ادفنوني العصر والله ما اخليه.. بنته بروحها ابكتني... مصيبتنا في فشلنا اكبر من مصيبتنا بكورونا

[سالم الزهران]

امس انا مخالف قوانين كثيرة وغرامات تصل مية الف.. ما انكر.. لكن هم بعد مخالفين.. وقلت لهم بالحرف تشتكون علي اشتكي عليكم! بعدين قالوا لي انت اخونا.

وطاح الحطب.. الدكتوره اللي جلست تنافض تقول للسيكيورتي اني اصارخ وشكلي يخرع؟

عقب المدير المناوب يقول شكلك ريال طيب؟

هي نفسها الدكتورة اللي جابتهم وشغلت كود الحالات الطارئة لكن مب عشان يسعفون المريض (ولا ازخل بالنيات) لكن عشان يمسكوني تهجمت عليهم.. حسب كلام الطبيبة.

المهم محاولتها انها تذكرني بالنظام ما فادتها لاني قلت لها وين فريقك الطبي؟ (يشهد الله اني قايل لها).. شلون انا وصلت لين داخل لو بالباب موظف يكشف ويعبي استمارة الاستبيان مالت كورونا؟

المكالمات والكمرات بيني وبينكم.. عندها عرفت ان النطام ضدها مش معاها.

لكن انا ندمان.. اقول لك اني اسعفت مريض.. الله يجعلها خالصة لوجهة الكريم.. لكن اني زفيتهم زفة.. تتسجل في الكورس حق ادارة الازمات.

[سالم الزهران]

ما اقول الا حسبي الله ونعم الوكيل، امس الدكاترة والتمريض تهاوشوا.. عجبوني السيكيورتي لاني قلت لهم اذا استلموا هذا المريض.. خذني يا سيكيورتي وسو معي اجراءاتك.. لكن ردهم علي كان يبيض الوجه. ويدل على انهم بشر تميز الصح والغلط.

[سالم الزهران]

السالفة هذه مش في قطر لكن في دولة خليجية

[سالم الزهران]

لا تستغرب اخي الكريم اذا قال لك طبيب او موظف؟ انت مريض كورونا ليش تجي؟

فعلاََ ما يبونك تجي؟ بيقول لك خلك ببيتك!
نزين انا ارتاح عندكم انتم مب مستشفى؟ اطمئن احس حولي ناس؟

افضل من بيتنا وايضاََ مبغي اذا تعبت يدخل احد من الاهل ينعدي؟

هل تعرفون ان مريض الكورونا له بروتوكول خاص؟ يعني يختلف عن بروتوكول الإسعاف العادي؟

ومن ضمن البروتوكول اذا مافي غرفة عزل جاهزة ما يدخل؟

وفيه ادويه معينة معروفه ف الطواريء بعد امس قالوا ما تنعطى (ممنوع).

لا تتوقع ان المنع اعتباطي اكيد انه في سبب وجيه لكن ما هو البديل؟