لاحظنا بعد اعلانات الربع الاول ارتفاعات في أرباح بعض الشركات وكذلك ثبات في أسهم أخرى... وتراجعات حادة وخساءر في بعض الشركات ...
فهل تنصحون بتغيير المراكز والاستبدال بين الاسهم تفاديا للخسارة في راس المال المستثمر في البورصة ؟؟
وياريت يتم تزويدنا بقائمة الشركات الأفضل في مكررات الربحية بعد اعلانات الربع الاول ... الحلال فقط
وجزاكم الله خير
التعديل الأخير تم بواسطة داود بن شطان ; 01-05-2021 الساعة 01:55 PM
والله تقدر تسويها بس بحذر شديد .. أكيد الأفضل تعديل المتوسط وتصبر على السهم شوي
فيه حل ثاني تضارب تبيع وتشتري بالسهم الخسران حتى تقلص خسارتك .. حل غير تسوي توأمة بين سهمين تكون حاط فيهم مبلغ مقارب .. سويتها انا بالسلام واستثمار والاثنين كنت خسران فيهم بس استثمار ربحني وايد والسلام قدرت أقلص 50% من خسارتي فيه وللحين داخل فيه دخول أخير ومضروب على راسي منه في هذا الدخول بس منتظر أما يرتفع وابيع أو ينزل وأعدل المتوسط
شكرا اخوي معماري.... فكرة تعديل المتوسط جيدة نوعا ما عند توفر الكاش... ولكن إذا كان راس المال كله في السوق فمن الصعب القيام بذلك ... فقط اما الانتظار إلى حين ظهور اخبار ايجابية او الاستبدال بأسهم أخرى لم تأخذ حقها في الارتفاع... ولكن من الان إلى ظهور بيانات الربع الثاني قد نشهد مزيد من التراجع في سعر الاسهم الخسرانة....المشاركة الأصلية كتبت بواسطة معماري قطري
الان الخسارة موجودة ولكن الخوف من مزيد من التدهور في الأسعار
التعديل الأخير تم بواسطة داود بن شطان ; 01-05-2021 الساعة 08:56 PM
أوقات سهم ميئوس منه تطلع منه لسهم آخر مقبل على انتعاش ومؤشراته مشجعة وتربح لكن المفروض اللي مبتدي لا يبتديء في سهم واحد مهما يكون راسماله صغير .. لا بد عنده أسهم إكتتاب
باعد لك جزء من الاسهم الخاسرة عندي حالياً ودام + المتحدة + السلام + قطر وعمان + ملاحة واسمنت والتحويلية وهذي عينة
لكن عندي أسهم كثيرة رابحة خصوصاً اللي تسمى الثقيلة والمحفظة في المجمل رابحة .. ودام بعت أغلبيته بربح بس يوم دخلت في الخسارة ضربت بريك .. السلام ضاربت فيه وايد ونزلت خسارتي من 110000 تقريباً لين حدود 50000 وتوأمت بينه وبين استثمار وقلبت الخسارة في السهمين لربح جيد يعني خسارتي ذي تعتبر في الصفقة الأخيرة بس وفعلياً باقي من خسارة السلام السابقة لو باعتبره وحدة استثمارية وحدة حول 50000 باقدر بإذن الله أمسحها مضاربياً
بعدين لازم تتعامل مع الأسهم بحيث تاخذ توزيعاتها وهذا الأهم تنوع بين مضاربة واستثمار
من الاساسيات سواء في المضاربة او الاستثمار تغيير المراكز ... بين الحين و الاخر ...
ضوابط المشاركة
رد مع اقتباس